ព័ត៌មានអន្ដរជាតិ
ហៃទី ចាប់បានជនសង្ស័យ ជាមេខ្លោងធ្វើឃាតប្រធានាធិបតី បន្ទាប់ពីជិះយន្តហោះចូលប្រទេស ប៉ងឡើងកាន់តំណែង
វេជ្ជបណ្ឌិតជនជាតិហៃទី ដែលមានមូលដ្ឋាននៅរដ្ឋ Florida ត្រូវបានចាប់ខ្លួននិងចោទប្រកាន់ថា ជាមេខ្លោងម្នាក់នៅពីក្រោយការធ្វើឃាតប្រធានាធិបតីហៃទីលោក Jovenel Moïse។
ប៉ូលិសជាតិហៃទីបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យទី១១ ខែកក្កដា ថា លោក Christian Emmanuel Sanon អាយុ៦៣ឆ្នាំ ដែលត្រូវបានចាប់ខ្លួននៅក្នុងប្រទេសហៃទី គឺទើបតែចូលប្រទេសនេះ តាមយន្ដហោះឯកជន ជាមួយគោលបំណង ឡើងកាន់តំណែងជាប្រធានាធិបតីហៃទី។
ប៉ូលិសជាតិបាននិយាយថា គាត់គឺជាមនុស្សទីមួយ ដែលក្រុមអ្នកវាយប្រហារបានទូរស័ព្ទទៅ បន្ទាប់ពីលោកប្រធានាធិបតី Moïse ត្រូវបានបាញ់សម្លាប់កាលពីព្រឹកថ្ងៃពុធ សប្តាហ៍មុន នៅឯគេហដ្ឋានរបស់ខ្លួនក្នុងទីក្រុង Port-au-Prince។
អាជ្ញាធរហៃទីបានហៅសង្ស័យទាំងនេះថាជា អង្គភាពឃាតក ដែលរួមមានជនជាតិកូឡុំប៊ីចំនួន២៦នាក់ និងជនជាតិអាមេរិកដើមកំណើតហៃទី២នាក់។ ជនជាតិកូឡុំប៊ីប្រាំនាក់ទៀត នៅមិនទាន់ចាប់បាន។
លោក Sanon ត្រូវបានគេចោទប្រកាន់ថា បានកេណ្ឌក្រុមសន្តិសុខ CTU Security មានមូលដ្ឋាននៅទីក្រុងម៉ៃអាមី ដែលត្រូវបានចុះបញ្ជីនៅរដ្ឋ Florida ថាជាអង្គភាពប្រឆាំងភេរវកម្មសហព័ន្ធ LCC។ បន្ទាប់មក CTU Security បានជ្រើសរើសជនជាតិកូឡុំប៊ី ដើម្បីធ្វើការវាយប្រហារ។ នេះបើយោងតាមប្រភពជិតស្និទ្ធនឹងការស៊ើបអង្កេត ដែលបានប្រាប់កាសែត Miami Herald។
អគ្គស្នងការនគរបាលជាតិបាននិយាយថា ពួកគេក៏មានភ័ស្តុតាងបង្ហាញថា លោក Sanon មានទំនាក់ទំនងជាមួយជនសង្ស័យយ៉ាងតិចពីរនាក់ផ្សេងទៀត ដែលរៀបគម្រោងធ្វើឃាតផងដែរ។
គួរបញ្ជាក់ថា លោក Sanon គឺជាមនុស្សទី៣ដែលមានទំនាក់ទំនងជាមួយសហរដ្ឋអាមេរិក ដែលត្រូវបានចាប់ខ្លួនពាក់ព័ន្ធនឹងការធ្វើឃាតកាលពីសប្តាហ៍មុន។ James Solages អាយុ៣៥ឆ្នាំ និង Joseph G. Vincent អាយុ៥៥ឆ្នាំ ដែលអ្នកទាំង២មកពីរដ្ឋ Florida ភាគខាងត្បូង ត្រូវបានឃុំឃាំង ចាប់តាំងពីពួកគេចូលប្រគល់ខ្លួនឲ្យប៉ូលិស៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ហៃទី អង្វរលោក Joe Biden ឲ្យបញ្ជូនកងទ័ពអាមេរិក មកជួយការពារប្រទេស ក្រោយការធ្វើឃាតប្រធានាធិបតី
គណបក្សកាន់អំណាចរបស់លោក Yoon កំពុងប្រើប្រាស់តុលាការធម្មនុញ្ញដើម្បីតថ្លៃអំណាច
Ronaldo ថា Vinícius សមឈ្នះពាន Ballon d’Or ជាង Rodri
តម្លៃប្រេងកើនជាង ១ ភាគរយ ពេលបញ្ចប់ការជួញដូរ ជុំវិញការថយចុះនៃស្តុកប្រេងអាមេរិក
អភិបាលខេត្តប៉ៃលិន ផ្តល់រង្វាន់លើកទឹកចិត្តដល់សិស្សប្រឡងជាប់បាក់ឌុបទូទាំងខេត្តចំនួន៤០១នាក់
Ronaldo ទទួលបានពានអ្នករកគ្រាប់បាល់អស្ចារ្យបំផុតក្នុងប្រវត្តិសាស្ត្រ
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
ក្នុងឆ្នាំ២០២៤ នាយករដ្ឋមន្ត្រីធ្វើទស្សនកិច្ចផ្លូវការទៅកាន់ប្រទេសចំនួន៨
រុស្ស៊ី ព្រមាន ត្រាំ មិនឲ្យសាកល្បងអាវុធនុយក្លេអ៊ែរ
ព្រាប សុវត្ថិ នាំយកតួអង្គយក្ខឡើងឆាកតន្ត្រី បំផុសការគាំទ្រល្ខោនបាសាក់ខ្មែរ
មិត្តរួមថ្នាក់ Liu Yifei ទម្លាយរូបភាពនាងកាលពី ២៥ ឆ្នាំមុន
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៤ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍១ សប្តាហ៍ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ១ សប្តាហ៍ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម២ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ៧ ថ្ងៃ agoកម្ពុជាបានចំណាយជាង២,១៨ពាន់លានដុល្លារលើការនាំចូលប្រេងឥន្ធនៈក្នុងរយៈពេល១១ខែ
-
ព័ត៌មានអន្ដរជាតិ៧ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ