វៀតណាម រកឃើញអ្នកឆ្លងកូវីដក្នុងកម្រិតបំបែកកំណត់ត្រាថ្មី មួយថ្ងៃឡើងដល់ជាង ២ពាន់ករណី

ក្រសួងសុខាភិបាលវៀតណាម បានបញ្ជាក់ពីការឆ្លងកូវីដថ្មីចំនួន៦០៣ករណីទៀត កាលពីយប់ថ្ងៃចន្ទ ដោយនាំឲ្យចំនួនសរុបប្រចាំថ្ងៃ ឡើងដល់កម្រិតខ្ពស់បំផុតមិនធ្លាប់មានទាល់តែសោះ ២,៣៦៧ករណី។

ក្នុងចំណោមករណីសរុបពេលយប់ ទីក្រុងហូជីមិញ ដែលជាចំណុចផ្ទុះរលកទី៤ បានកត់ត្រាការឆ្លងថ្មីចំនួន៣៤១ករណី បន្ទាប់មក Binh Duong (១២៨ករណី), Khanh Hoa (៣១ករណី), Tien Giang (២៦ករណី), Phu Yen (១៧ករណី), Da Nang (១៤ករណី), Tra Vinh និង Hau Giang (៨ករណីដូចគ្នា), Quang Ngai (៧ករណី), Soc Trang និង Bac Ninh (៤ករណីដូចគ្នា), An Giang និង Hanoi (៣ករណីដូចគ្នា), Thanh Hoa, Dong Thap, Nam Dinh និង Binh Phuoc (២ករណីដូចគ្នា) និង Dak Nong (១ករណី)។

ចាប់តាំងពីរលកថ្មីបានចាប់ផ្តើមនៅថ្ងៃទី ២៧ ខែមេសាមក ប្រទេសវៀតណាម បានកត់ត្រាការឆ្លងក្នុងសហគមន៍ចំនួន ២៨,៦៣៨  ករណីនៅក្នុង ៥៨ខេត្តក្រុង។

បច្ចុប្បន្ន ទីក្រុងហូជីមិញ មានករណីឆ្លងខ្ពស់ជាងគេ ១៤,៧៧៦ករណី៕

ប្រែសម្រួល៖ Vann Vann

ប្រភព៖ VN Express

ចុចអាន៖ វៀតណាម នៅតែបន្តរកឃើញករណីឆ្លងកូវីដ ក្នុងកម្រិតបំបែកកំណត់ត្រា