ព័ត៌មានជាតិ

អាជីវករផ្សារបឹងកេងកង ត្រូវតេស្តកូវីដលើកទីពីរ ទើបអាចចូលលក់ដូរក្នុងផ្សារវិញបាន

បានផុស

៣ years មុន

នៅ

ថ្ងៃអង្គារ ១៣ កក្កដា ២០២១

ដោយ

រដ្ឋបាលរាជធានីភ្នំពេញ បានសម្រេចអនុញ្ញាតិឲ្យបើកដំណើរការផ្សារបឹងកេងកងឡើងវិញ ក្រោយផ្អាករយៈពេល ១៤ ថ្ងៃ ដោយសាររកឃើញអាជីវករ និងអ្នកពាក់ព័ន្ធរាប់រយនាក់ឆ្លងកូវីដ ១៩។

ការបើកដំណើរការផ្សារបឹងកេងកងឡើងវិញ ដែលមានទីតាំងស្ថិតក្នុងសង្កាត់បឹងកេងកងទី១ ខណ្ឌបឹងកេងកង គិតចាប់ពីម៉ោងសូន្យនាថ្ងៃទី១៣ ខែកក្កដា ឆ្នាំ២០១១ អាជីវករ សន្តិសុខ បុគ្គលិកកម្មករ និងអ្នកពាក់ព័ន្ធត្រូវទៅយកសំណាកវិភាគរកមេរោគកូវីដ១៩ លើកទី២ តាមកាលកំណត់របស់មន្ត្រីមានសមត្ថកិច្ច និងត្រូវបង្ហាញលទ្ធផលតេស្តអវិជ្ជមាន។

ក្នុងអំឡុងពេលនៃការចាប់ផ្តើមបើកដំណើរការផ្សារឡើងវិញ គណៈកម្មការផ្សារបឹងកេងកង ត្រូវអនុវត្តវិធានការរដ្ឋបាល និងវិធានការសុខាភិបាល ដើម្បីចៀសវាងការឆ្លងរាលដាលជាថ្មី។ ពិន័យជាប្រាក់ចំពោះបុគ្គល ឬ នីតិបុគ្គល ដែល ប្រព្រឹត្តអំពើល្មើសនឹងវិធានការសុខាភិបាល ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺ ឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ដោយគ្មានការលើកលែងឡើយ៕