ស្គាល់ចរិតពិតមនុស្សស្រី ៤ ប្រភេទតាមរយៈពណ៌ផ្កាកុលាបដែលនាងស្រឡាញ់

ប្រសិនចង់ដឹងនារីម្នាក់ណាមានចរិតពិតយ៉ាងម៉េច ឬទឹកចិត្តបែបណា អ្នកអាចសម្គាល់តាមរយៈពណ៌ផ្កាកុលាបដែលនាងស្រឡាញ់ចូលចិត្ត នោះច្បាស់ជាស្គាល់មិនខាន។

ខាងក្រោមជាបុគ្គលិកលក្ខណៈមនុស្សស្រី ៤ ប្រភេទ តាមរយៈកុលាប ៤ ពណ៌៖

១. កុលាបពណ៌ក្រហម

ជាមនុស្សស្រីមានភាពជឿជាក់ខ្ពស់ ហ្មត់ចត់នឹងការងារតូចធំ ធ្វើអ្វីតែងធ្វើឱ្យហើយ មិនចូលចិត្តទុកកិច្ចការចោលដោយគ្មានទំនួលខុសត្រូវនោះឡើយ។ នាងជាមនុស្សស្រីជឿនលឿន ទាន់សម័យកាល ឆ្លាតវៃ ប៉ុន្តែសាមញ្ញៗ។ ជានារីដែលស្រឡាញ់សេរីភាពបំផុត តែចិត្តឆេវឆាវបន្តិច។

២. កុលាបពណ៌ផ្កាឈូក

នាងជាស្រ្តីរឹងមាំ ទន់ភ្លន់ ទាក់ទាញមនុស្សផងទាំងពួងឱ្យស្រឡាញ់រាប់អានច្រើន។ ទៅណាមកណាឆាប់ស្គាល់គេឯង ងាយចុះសម្រុង រួសរាយរាក់ទាក់ សម្បូរញាតិផៅ តែមិនសូវមិនសូវមានមិត្តភក្តិជិតស្និទ្ធប៉ុន្មានឡើយ។ នារីប្រភេទនេះ សម្បូរមនោសញ្ចេតនា ឆាប់អាណិតគេ ហើយតែងតែឈឺឆ្អាលជួយមនុស្សជុំវិញខ្លួនជានិច្ច។

៣. កុលាបពណ៌លឿង

ជាប្រភេទមនុស្សស្រីដែលនរណាៗបាននៅក្បែររមែងទទួលអារម្មណ៍កក់ក្ដៅ តែខ្លួននាងវិញតែងតែឯកោ។ នាងជាស្ត្រីទន់ភ្លន់ ជួនរួសរាយជួនក៏អត់ តែចិត្តល្អណាស់។ នាងមានមនុស្សរាប់អានច្រើន ក៏មានមនុស្សចាំជួយជ្រោមជ្រែងច្រើនដែរ ​​តែជាមនុស្សស្រីដែលមិនសូវសមប្រកបនឹងស្នេហា។

៤. កុលាបពណ៌ស

នារីណាស្រឡាញ់កុលាបពណ៌ស យើងអាចដឹងបានថា នាងជាមនុស្សស្មោះត្រង់ មានទឹកចិត្តអាណិតអាសូរអ្នកដទៃ ហើយតែងតែលះបង់អ្វីដែលខ្លួនមានដើម្បីជួយគេ។ ជាមនុស្សស្រីស្លូតបូត សុភាពរាបសា មិនចេះចងគំនុំនឹងនរណាឡើយ បើខឹងគេវិញ មិនបានប៉ុន្មាននាទីផង ក៏រលាយកំហឹងវិញបាត់។ ជាទូទៅនាងចូលចិត្តលាក់ទុក្ខសោកខ្លួនឯង។ ដោយសារនាង​ជាមនុស្សត្រង់ ជារឿយៗតែងតែចាញ់បោកគេ៕

ប្រែសម្រួល៖ សន្យា

ប្រភព៖ Bright Side

ចុចអាន៖ មើលចិត្តមនុស្សតាមរយៈពណ៌សំណព្វរបស់គេ

ចុចអាន៖ អត្ថន័យ​ពណ៌​ផ្កា​កុលាប សម្រាប់​ទិញ​ជូន​ឲ្យ​នរណា​ម្នាក់