ព័ត៌មានជាតិ

ប្រធានមន្ទីរពេទ្យបង្អែកខេត្តរតនគិរី ថ្លែងអំណរគុណសប្បុរសជនដែលបានឧបត្ថម្ភទូសុវត្ថិភាពការពារជំងឺកូវីដ

បានផុស

៣ years មុន

នៅ

ថ្ងៃពុធ ១៤ កក្កដា ២០២១

ដោយ

ដើម្បីអនុវត្តនូវគោលការណ៍ណែនាំរបស់ប្រមុខរាជរដ្ឋាភិបាលក៏ដូចជាវិធានការណ៍ការពារនិងទប់ស្កាត់របស់ក្រសួងសុខាភិបាលក្នុងការយកសំណាក់អ្នកជំងឺ មុនចូលសម្រាកព្យាបាលនៅក្នុងមន្ទីរពេទ្យ និងគ្រប់មជ្ឈដ្ឋានប្រជាពលរដ្ឋដើម្បីជៀសវាងការចំលងជំងឺកូវិដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះ លោកគ្រូពេទ្យ ហ៊ីង ផាន់សគន្ឋា ប្រធានមន្ទីរពេទ្យបង្អែកខេត្តរតនគិរី បានថ្លែងប្រាប់អង្គភាពសារព័ត៌មាននាព្រឹកថ្ងៃទី១៣ ខែកក្កដា ឆ្នាំ២០២១នេះ ថា មួយរយះពីរបីថ្ងៃកន្លងទៅថ្មីៗនេះ លោកប្រធានមន្ទីរបានទទួលអំណោយសម្ភារៈជាតម្រូវការដ៏ចាំបាច់សម្រាប់មន្ទីរពេទ្យបង្អែក គឺទូសុវត្ថិភាព និងសម្ភារៈផ្សេងៗជាច្រើនទៀតពីសប្បុរជនជាអាជីវករក្នុងផ្សារបានលុង ក្នុងនោះមានទូសម្រាប់ចាក់វ៉ាក់សាំង និងទូសម្រាប់ធ្វើតេស្តសំណាក ដែលដាក់នៅទីតាំងផ្សេងៗដាច់ដោយឡែកពីគ្នា រួមមាន៖

ទីតាំងទី១ ដាក់នៅសាលាវិទ្យាល័យសម្តេចឪសម្តេចម៉ែ ស្ថិតក្នុងភូមិអភិវឌ្ឍន៍ សង្កាត់ឡាបានសៀក ក្រុងបានលុង។ ទីតាំងទី២ ទូដាក់នៅក្នុងមន្ទីរវប្បធម៌និងវិចិត្រសិល្បះ ស្ថិតនៅក្នុងភូមិបឹងកន្សែង សង្កាត់បឹងកន្សែង ក្រុងបានលុង។ និងទីតាំងទី៣ ជាទីតាំងចុងក្រោយគឺ ជាប្រភេទទូសម្រាប់ធ្វើសំណាក និងតេស្តរហ័ស(Rapid Test)។

លោកប្រធានមន្ទីរពេទ្យបានសំដែងការគោរពកោតសរសើរ និងអរគុណចំពោះទឹកចិត្តដ៏ឧត្ដុង្គឧត្ដម ជ្រះថ្លាពីសប្បុរជន ដែលជានិច្ចកាលនិងជារើយៗតែងតែបានចូលរួមជួយឧបត្ថម្ភនូវសម្ភារះ បរិក្ខា ដែលខាងមន្ទីរពេទ្យតម្រូវការជាចាំបាច់ជាច្រើនប្រភេទក្នុងយុទ្ធនាការការពារនិងទប់ស្កាត់ជំងឺដ៏កាចសាហាវកូវីដ១៩ដែលកំពុងផ្ទុះក្នុងសហគមន៍ ២០កុម្ភះ។

សូមបញ្ជាក់ជូនផងដែរថា នៅថ្ងៃទី១៣ ដល់ថ្ងៃទី២៥ ខែកក្កដា ឆ្នាំ២០២១នេះ រដ្ឋបាលខេត្តរតនគិរីបានរៀបចំទីតាំងចំនួនពីរសម្រាប់ស្វាគមន៍ប្រជាពលរដ្ឋទូទាំងក្រុងបានលុងទៅចាក់វ៉ាក់សាំង នៅថ្ងៃទី១៣ ដល់ថ្ងៃទី២០ ខែកក្កដា ឆ្នាំ២០២១ ទីតាំងទី១ នៅសាលាវិទ្យាល័យសម្តេចឪ សម្តេចម៉ែ ដោយតម្រូវអោយប្រជាពលរដ្ឋមកចាក់វ៉ាក់សាំងអញ្ជើញមកពីភូមិជ័យជំនះ និងភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។ ទីតាំងទី២ នៅមន្ទីរវប្បធម៌ និងវិចិត្រសិល្បះ ដោយតម្រូវអោយប្រជាពលរដ្ឋមកចាក់វ៉ាក់សាំង ដែលអញ្ជើញមកពីភូមិទេសអន្លុង និងភូមិថ្មដា ស្ថិតក្នុងសង្កាត់បឹងកន្សែង ក្រុងបានលុងខេត្តរតនគិរី។

ក្នុងឪកាសនៃយុទ្ធនាការចាក់វ៉ាក់សាំងការពារនិងទប់ស្កាត់ជំងឺកូវិដ១៩ ខណះនេះផងដែរ គេសង្កេតឃើញទាំងពីរទីតាំងខាងលើ ប្រជាពលរដ្ឋទូទាំងក្រុងបានលុងនាំគ្នាមកទទួលការចាក់វ៉ាក់សាំងការពារដ៏ច្រើនសន្ធឹកសន្ធាប់ កាន់លេខរៀងអង្គុយរងចាំបន្តកន្ទុយគ្នាដោយសំដែងទឹកមុខសប្បាយរីករាយក្រៃលែង៕

អត្ថបទ ៖ វុទ្ធឦសាន