សុខភាព
សូមប្រយ័ត្នជំងឺតេតាណូសផ្ចិតទារក មិនមែន “ស្កន់ម្តាយដើម” ដែលយើងត្រូវយល់ដឹង
ប្រជាជនយើងមួយចំនួនធំ នៅតែមានការយល់ច្រលំទាំងស្រុងទៅលើជំងឺ “ស្កន់ម្តាយដើម” ដោយពួកគាត់យល់ថា បើកាលណាកូនៗរបស់ពួកគាត់មានចេញរោគសញ្ញាប្រកាច់នៅអាយុ ១សប្តាហ៍ ទៅ ២សប្តាហ៍ដំបូងនៃជីវិត។
ឪពុកម្តាយ យាយតា យល់ថាកូនឬចៅពួកគាត់ត្រូវម្តាយដើម (ម្តាយកាលពីជាតិមុន) មកយកជីវិតកូនគាត់ទៅវិញហើយ។ ដូច្នេះធ្វើឲ្យពួកគាត់ខូចចិត្ត អស់សង្ឃឹមថាគាត់នឹងបាត់បង់កូនទៅ ហើយ បន្ទាប់មកពួកគាត់បានទៅរកគ្រូទាយ គ្រូស្តោះ គ្រូផ្លុំ តែមិនមានប្រយោជន៍អ្វីទាំងអស់ ដែលតាមការពិត ជំងឺនេះត្រូវបានក្រុមគ្រូពេទ្យបច្ចេកទេសហៅថា “ជំងឺតេតាណូសផ្ចិតទារក” ដែលមានមូលហេតុពិតប្រាកដ អាចព្យាបាល និងការពារបានយ៉ាងមានប្រសិទ្ធិភាព។
ពុកម៉ែ ពូមីង បងប្អូនទាំងអស់គ្នាជាទីរាប់អាន ផ្នែកប្រពោធនកម្មទារកនៃមន្ទីរពេទ្យកាល់ម៉ែត សូមលើក យកជំងឺនេះមកបកស្រាយ ដែលមានអត្ថន័យជាសង្ខេបដូចតទៅ៖
ក) មូលហេតុ៖
ជំងឺនេះឆ្លងមកទារកដោយសារមេរោគម្យ៉ាងឈ្មោះ ក្លស្ទ្រីដ្យូម តេតានី (Colstridium tétani) ហើយ មេរោគនេះឆ្លងតាមរយៈ
– ១00%: តាមការកាត់ផ្ចិតមិនស្អាត ឬការដាក់សារធាតុមិនស្អាតលើផ្ចិត
– ៥% ទៅ ១0%:
• កន្លែងចោះត្រចៀកមិនស្អាត
• កន្លែងចាក់វ៉ាក់សាំងមិនស្អាត
• កន្លែងចាក់ថ្នាំមិនស្អាត
• របួសនៅលើស្បែក
*កំណត់ចំណាំ៖ ដោយសារភាគច្រើននៃជំងឺនេះឆ្លងតាមផ្ចិតមិនស្អាត ទើបត្រូវបានដាក់ឈ្មោះថា “ជំងឺតេតាណូសផ្ចិតទារក”។
ខ) រោគសញ្ញា៖
ជំងឺនេះស្តែងនូវរោគសញ្ញាដូចជាៈ
– ទារកដែលបៅធម្មតា ស្រាប់តែលែងចង់បៅនៅរយៈពេលពី ៣ថ្ងៃ ទៅ៧ថ្ងៃ នៃជីវិត
– ទារកយំមិនបាត់
– ទារកមានវិបត្តិនៃការដកដង្ហើម
– ការកន្ត្រាក់សាច់ដុំថ្គាម (មាត់ស្ញេញ)
– ការកន្ត្រាក់រឹងដងខ្លួន ជើងត្រង់ ដៃបត់ខ្លាំង។
*កំណត់ចំណាំ៖ មេរោគបានធ្វើឲ្យប៉ះពាល់ដល់ប្រព័ន្ធប្រសាទរបស់ទារក ទើបធ្វើឲ្យស្តែងចេញជារោគ សញ្ញាគ្លីនិកកើតឡើង។
គ) ការព្យាបាល៖
យើងអាចព្យាបាលជំងឺនេះបាន ប៉ុន្តែជាមួយនឹងអត្រាមរណភាពខ្ពស់ (៨០-៩០%) និងផលវិបាកផ្សេងៗ ទៀតដែលអាចកើតឡើងចំពោះទារក នៅពេលពួកគាត់ចម្រើនវ័យធំឡើង ដែលមិនអាចទាយទុកជាមុនបាន។
ឃ) វិធីការពារ៖
ការការពារប្រសើរជាងការព្យាបាល ការការពារជាមធ្យោបាយតែមួយគត់ ដែលអាចជៀសផុតពីជំងឺដ៏កាចសាហាវនេះបាន។
វិធីការពារទាំងឡាយ ដែលយើងអាចធ្វើបានមានដូចតទៅ៖
១. ធ្វើយ៉ាងណាកុំឲ្យឆ្លងមេរោគ ក្លស្ទ្រីដ្យូម តេតានី ដោយៈ
– ត្រូវសម្រាលកូននៅមន្ទីរពេទ្យ
– ជៀសវាងឲ្យបាននូវការសម្រាលកូនតាមផ្ទះ
– អប់រំឪពុកម្តាយ តាយាយ អោយបំបាត់ចោលនូវទំនៀមទំលាប់ចាស់បុរាណ ដោយការដាក់សារធាតុ មិនស្អាតនៅលើផ្ចិត
– គោរពគោលការណ៍អនាម័យក្នុងការសំអាតផ្ចិត(“ការថែទាំទងផ្ចិតទារក” បានបង្ហាញយ៉ាងលម្អិតលើកមុន នៅលើទំព័រហ្វេសប៊ុកមន្ទីរពេទ្យកាល់ម៉ែត)
២. លើកកម្ពស់សេវាម្តាយ និងទារក
ទារកអាចការពារខ្លួនប្រឆាំងនឹងជំងឺតេតាណូសបានយ៉ាងមានប្រសិទ្ធិភាព តាមរយៈការទទួលប្រព័ន្ធ ភាពស៊ាំពីម្តាយតាមទងសុកដោយផ្ទាល់ ពេលកំពុងពពោះ ដូច្នេះយើងត្រូវ៖
– ធានាឲ្យបាននូវស្ត្រីមានផ្ទៃពោះទាំងអស់ចាក់វ៉ាក់សាំងគ្រប់ៗគ្នា
– ធានាឲ្យបាននូវសេវាផ្តល់វ៉ាក់សាំងជូនពួកគាត់
– អប់រំស្ត្រីមានផ្ទៃពោះទាំងអស់ឲ្យយល់ពីសារៈសំខាន់នៃការចាក់វ៉ាក់សាំង ទើបធានាឲ្យបាន នូវរាល់ការសម្រាលប្រកបដោយសុវត្ថិភាព អស់រយៈពេលនៃវ័យបន្តពូជរបស់ពួកគាត់។
“សម្រាលបុត្រនៅកន្លែងមានសុវត្ថិភាព ការចាក់វ៉ាក់សាំងប្រឆាំងជំងឺតេតាណូសរបស់ម្តាយគ្រប់រូប ការកាត់ និងការថែទាំផ្ចិតទារកឲ្យបានត្រឹមត្រូវ អាចការពារបុត្រធីតារបស់លោកអ្នក ឲ្យចាកផុតពីជំងឺតម្កាត់នានា រួមទាំងជំងឺតេតាណូសផ្ចិតទារក “ជំងឺស្កន់ម្តាយដើម” ដ៏កាចសាហាវមួយនេះបាន។ ក្រុមគ្រូពេទ្យឯកទេសនៃ មន្ទីរពេទ្យកាល់ម៉ែតរីករាយនឹងបម្រើជូនរាល់ចម្ងល់ផ្សេងៗ និងផ្តល់ការពិភាក្សាដល់ប្រជាពលរដ្ឋ យើងគ្រប់ ស្រទាប់វណ្ណៈ ដើម្បីសុខាមាលភាពរបស់បុត្រធីតាលោកអ្នក និងអាចជៀសវាងនូវគ្រោះថ្នាក់ផ្សេងៗចំពោះមាតា ផ្ទាល់តែម្តង”៕
អត្ថបទ៖ រស្មី
ឯកឧត្តម ហ៊ុន ម៉ានី ៖ ការសម្រេចចូលរួមជាមួយគណបក្សប្រជាជន គឺជាការសម្រេចមួយដ៏ឆ្លាតវៃ និងត្រឹមត្រូវ
វិហារអ៊ិស្លាមតម្លៃ ៧ ម៉ឺនដុល្លារត្រូវបានសម្ពោធដាក់ឱ្យប្រើប្រាស់ នៅស្រុកអូរគ្រៀងសែនជ័យ
រដ្ឋមន្រ្តីកសិកម្ម៖ បន្តធ្វើដើម្បីប្រជាជនយើង កុំខ្វល់ពីអ្នករិះគន់អគតិទាំងនោះ
មន្ត្រី៖ ប្រតិភូបណ្តាញយុវជនលើកទី៤ បានចាកចេញពីកម្ពុជាពោរពេញដោយស្នាមញញឹម ភាពស្ញប់ស្ញែង
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
អាមេរិកចង់ឲ្យអ៊ុយក្រែនរៀបចំការបោះឆ្នោតរើសមេដឹកនាំថ្មីនៅចុងឆ្នាំ២០២៥
ក្រោយស្ថាបនារួច ផ្លូវជាតិលេខ២៣ នឹងជំរុញសេដ្ឋកិច្ចស្រុកកោះធំ និងស្រុកលើកដែក
លើកនេះ! អង្គរវត្ត វ៉ាដាច់ បារាំង និងអូស្រ្តាលី ក្លាយជាទីកន្លែងទស្សនាដ៏ល្បីបំផុតក្នុងពិភពលោក
ព្រះមន្ត្រីសង្ឃខេត្តសៀមរាប ណែនាំបុគ្គលឈ្មោះ អេន ចរិយា ឱ្យបញ្ឈប់សកម្មភាពដែលប៉ះពាល់ដល់តម្លៃសាសនា
ហ្សេលេនស្គី៖ ការចរចារវាងរុស្ស៊ី-អាមេរិក ដោយគ្មានវត្តមានអ៊ុយក្រែន គឺគ្រោះថ្នាក់ណាស់
-
ព័ត៌មានជាតិ៣ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម២ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ៧ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ២ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ៥ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
បច្ចេកវិទ្យា១ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ៦ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»