កូវីដ-១៩

ធ្វើតេស្តរហ័សរកឃើញវិជ្ជមានកូវីដ១៩លើព្រះសង្ឃនិងឧបាសកចំនួន២០អង្គនាក់ក្នុងចំណោម១០៤អង្គនាក់នៅវត្តវ៉ារិន្ទហៅព្រែកលៀប

បានផុស

៤ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

ភ្នំពេញ ៖ អាជ្ញាធរខណ្ឌជ្រោយចង្វាបានសហការជាមួយមន្ត្រីសុខាភិបាលធ្វើតេស្តរហ័សរកឃើញវិជ្ជមានកូវីដ១៩លើព្រះសង្ឃនិងឧបាសកចំនួន២០អង្គនាក់ក្នុងចំណោម១០៤អង្គនាក់នៅវត្តវ៉ារិន្ទហៅព្រែកលៀបស្ថិតនៅភូមិព្រែកលៀបសង្កាត់ព្រែកលៀបខណ្ឌជ្រោយចង្វារ បន្ទាប់ពីរកឃើញព្រះសង្ឃ១អង្គមានវិជ្ជមាកូវីដ១៩ កាលពីថ្ងៃទី១៤ ខែកក្កដា ឆ្នាំ២០២១ ខណៈទៅមើលញ៉ូម(ម្តាយ)ឈឺនៅពេទ្យកាល់ម៉ែត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើតេស្តនេះកាលពីរសៀលថ្ងៃ ទី១៥ខែ កក្កដា ឆ្នាំ២០២១ ព្រមទាំងណែនាំ អោយធ្វើចត្តាឡីស័ក ចំពោះអ្នកពាក់ព័ន្ធ។

បើទោះបីជាយ៉ាងណា គេមិនទាន់ដឹងពីវិធានការរបស់អាជ្ញាធរឬក្រសួងសុខាភិបាលថាត្រូវបិទខ្ទប់វត្តព្រែកលៀបនោះឬយ៉ាងណានោះទេ។

ប្រភពព័ត៌មានឲ្យដឹងថា ដំបូងឡើយមានព្រះសង្ឃ១អង្គដែលគង់នៅវត្តព្រែកលៀបនោះត្រូវបានគេរកឃើញជាប់វិជ្ជមានកូវីដ១៩កាលពីថ្ងៃទី១៤ខែកក្កដាឆ្នាំ២០២១ខណៈទៅមើលញ៉ូម(ម្តាយ)ឈឺនៅពេទ្យកាល់ម៉ែតដោយសារមានអាការៈសង្ស័យ ប៉ុន្តែប្រភពមួយទៀតបង្ហើបថាបន្ទាប់ឆាន់ចង្ហាន់គ្រួសារសពដែលស្លាប់ដោយសារកូវីដ១៩ ដែលយកមកប្រកេនព្រះសង្ឃនៅវត្តនេះកាលពីកន្លងមក។

ប្រភពបានឲ្យដឹងទៀតថា ការធ្វើតេស្តរហ័សលើព្រះសង្ឃនិងឧបាសកពាក់ព័ន្ធចំនួន១០៤អង្គនាក់ ជាលទ្ធផលរតស្តវិជ្ជមានកូវីដ១៩ចំនួន២០អង្គនាក់ ប៉ុន្តែគេមិនទាន់ដឹងថា យកទៅព្យាបាលនៅទីណាចំពោះអ្នកផ្ទុកនិងអ្នកពាក់ព័ន្ធត្រូវធ្វើចត្តាឡីស័កនៅទីណានោះទេ៕

ដោយ ៖ ឌីរៀ