ព័ត៌មានជាតិ
ដាក់ម៉ូទ័រឆក់សត្វពេលយប់ បែរជាត្រូវអ្នកភូមិរងរបួស
បុរសម្នាក់ បានរងរបួស នៅពេលទៅឆ្លុះបរបាញ់សត្វព្រៃពេលយប់ ក៏ដើរទៅទាក់នឹងម៉ូទ័រចាប់សត្វ កាលពីយប់រំលងអាធ្រាត្រឈានចូលថ្ងៃទី២១ ខែវិច្ឆិកា ឆ្នាំ២០២០ នៅភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង។
ជនរងគ្រោះមានឈ្មោះ រ៉ាន់ សុផាត ភេទប្រុស អាយុ៤២ឆ្នាំ រស់នៅភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង បានឲ្យដឹងថា ខណៈយប់នោះខ្លួនបានចេញទៅបរបាញ់សត្វព្រៃ កំពុងតែឆ្លុះសត្វ ក៏បានទៅទាក់ជាមួយខ្សែកាប ដែលមានចរន្តអគ្គិសនី បណ្តាលឲ្យឆក់ដួលនិងរងរបួស តែមិនបណ្តាលឲ្យគ្រោះថ្នាក់ដល់អាយុជីវិតទេ។
ជនរងគ្រោះ ត្រូវបាននាំយកទៅសង្គ្រោះនៅមន្ទីរពេទ្យហើយព័ត៌មានអំពីករណីនេះ ត្រូវបានដឹងដល់សមត្ថកិច្ចនគរបាលស្រុកសំឡូត។ សមត្ថកិច្ចក៏បានបើកការស្រាវជ្រាវលើករណីនេះ ក៏បានឈានទៅដល់ ការឃាត់ខ្លួនបុរសម្នាក់ ឈ្មោះ សួន ឈីន ហៅខ្យង អាយុ ៥៤ឆ្នាំ រស់នៅក្នុងមូលដ្ឋាន ជាមួយគ្នានឹងជនរងគ្រោះដែរ។ នៅចំពោះមុខសមត្ថកិច្ច គាត់បានឆ្លើយទទួលស្គាល់ថា ឧបករណ៍ម៉ូទ័រឆក់ ដែលបានបង្កឲ្យឈ្មោះ រ៉ាន់ សុផាត រងគ្រោះថ្នាក់នេះ គឺជាស្នាដៃរបស់គាត់ ដែលបានពង្រាយឆក់សម្លាប់សត្វព្រៃនាពេលយប់។
លោកវរសេនីយ៍ទោ ម៉ែន រីម អធិការនគរបាលស្រុក បានបញ្ជាក់ថា នៅពេលនេះ បុរសឈ្មោះ រ៉ាន់ សុផាត កំពុងទទួលការព្យាបាលជំងឺ ចំពោះករណីនេះ ពួកគាត់ទាំងពីរនាក់ សុទ្ធតែជាអ្នកប្រព្រឹត្តល្មើសច្បាប់ ដោយការបរបាញ់សត្វព្រៃ ដែលច្បាប់បានហាមឃាត់ រីឯបុរសជាអ្នករាយអន្ទាក់អគ្គិសនីឆក់នេះ ត្រូវបានរៀបចំសំណុំរឿងបញ្ជូនមកការិយាល័យជំនាញចាត់វិធានការតាមផ្លូវច្បាប់៕
ប្រភព៖ ស្នងការដ្ឋាននគរបាលខេត្តបាត់ដំបង
សូមចុចអាន៖ ឃាត់ខ្លួនបុរសវ័យចំណាស់ម្នាក់ លក់ថ្នាំញៀន នៅស្រុកអូរជ្រៅ
មុនផុតអាណត្តិនៅម៉ោង១២យប់នេះ លោក បៃដិន លើកលែងការចោទប្រកាន់ទាំងអស់ដល់មនុស្សសំខាន់ៗ
រយៈពេល១០ឆ្នាំ សម្តេចតេជោ និងភរិយា សង់ផ្ទះជិត១០០០ខ្នង ជូនអតីតយុទ្ធជនក្នុងខេត្តពោធិ៍សាត់
ក្រសួងការងារពង្រឹងវិធានការអធិការកិច្ចការងារលើ សហគ្រាស គ្រឹះស្ថាន ដើម្បីធានាបាននូវអនុវត្តការបើកផ្តល់ប្រាក់ឈ្នួល និងអត្ថប្រយោជន៍សម្រាប់កម្មករនិយោជិត
សន្ទស្សន៍ទំនុកចិត្តឧស្សាហកម្មថៃ ធ្លាក់ចុះក្នុងខែធ្នូ ដោយកម្សោយតម្រូវការក្នុងស្រុក
ស្នងការរាជធានី៖ កំណាត់ផ្លូវ៦០ម៉ែត្រនឹងត្រូវចាប់ល្បឿនកំណត់ពីពេលនេះតទៅ
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៧ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១២ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤