ព័ត៌មានអន្ដរជាតិ

ក្រុមអ្នកស្រាវជ្រាវបញ្ជាក់ថា មើមខ្ជាយពិតជាអាចប្រឆាំងកូវីដបាន ១០០ ភាគរយ

បានផុស

៤ years មុន

នៅ

ថ្ងៃចន្ទ ១៩ កក្កដា ២០២១

ដោយ

ខណៈកូវីដកំពុងរាតត្បាត គ្រប់ប្រទេសជាច្រើនបានខិតខំស្រាវជ្រាវធាតុសំខាន់មួយចំនួន ដែលអាចប្រឆាំងនិងទប់ស្កាត់កូវីដបាន។ តួយ៉ាងនៅប្រទេសថៃ ក្រុមអ្នកស្រាវជ្រាវបានយកមើមខ្ជាយទៅចម្រាញសាកល្បង និងអះអាងថាពិតជាអាចប្រឆាំងកូវីដបាន ១០០ ភាគរយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមក្រុមស្រាវជ្រាវដែលបានសហការគ្នា រវាងមហាវិទ្យាល័យវិទ្យាសាស្ត្រ សាកលវិទ្យាល័យ Mahidol មហាវិទ្យាល័យវេជ្ជសាស្ត្រ Ramathibodi សាកលវិទ្យាល័យ Mahidol និងមជ្ឈមណ្ឌល ឧត្ដមភាពវិទ្យាសាស្ត្រជីវិត (អង្គការសាធារណៈ) (TCELS) បានរកឃើញថា មានសារធាតុពីរដែលមានឥទ្ធិពលប្រឆាំងនឹងកូវីដបានខ្ពស់បំផុត។

វេជ្ជបណ្ឌិត Supareek Bowrapinyo បាននិយាយថា ក្រុមស្រាវជ្រាវរកឃើញថា សារធាតុដែលចម្រាញ់ចេញពីមើមខ្ជាយ ពិតជាអាចទប់ស្កាត់ការលូតលាស់របស់វីរុសកូវីដ បានរហូតដល់ ១០០ ភាគរយ ដោយសារវាមានសារធាតុសំខាន់ទាំងពីរ ក្នុងមើមនោះគឺ Pandulatin A និង Pinostrobin។

សារធាតុទាំងពីរនេះ វាអាចធ្វើសកម្មភាពដោយរារាំងការលូតលាស់របស់វីរុស ដែលបណ្ដាលឲ្យមានជំងឺកូវីដ។ ជាពិសេសសារធាតុទាំងពីរនេះអាចកាត់បន្ថយចំនួនកោសិកាដែលឆ្លងពី ១០០% មក ០%។ វាក៏អាចទប់ស្កាត់កោសិកាក្នុងការផលិតវីរុសបានរហូតដល់ ១០០ ភាគរយផងដែរ។

បើទោះបីជាគេប្រសិទ្ធនាមថាមើមខ្ជាយជួយប្រយុទ្ធប្រឆាំងនឹងកូវីដក្ដី តែយ៉ាងណា យើងក៏ត្រូវទទួលទានក្នុងកម្រិតសមល្មម។ ការទទួលទានសមល្មម នឹងជួយគ្រប់គ្រងបរិមាណសារធាតុសំខាន់ៗដែលនឹងមានប្រសិទ្ធភាព។ បរិមាណនៃការញ៉ាំអាចត្រូវបានគ្រប់គ្រងទៅតាមនោះ ហើយមិនត្រូវញ៉ាំច្រើនពេកទេ។

មើមខ្ជាយត្រូវបានក្រុមអ្នកសិក្សានៅប្រទេសថៃស្រាវជ្រាវថា អាចប្រឆាំងកូវីដបាន ១០០ ភាគរយក៏ពិតមែន។ ប៉ុន្តែបច្ចុប្បន្ននេះ ពុំទាន់មានថ្នាំឬថ្នាំបំប៉នណាមួយត្រូវបានគេអនុញ្ញាតឲ្យការពារកូវីដបានទេ។ ក្រសួងសុខាភិបាលគ្រប់ប្រទេស គ្រាន់តែគេណែនាំឲ្យប្រជាជនលាងដៃញឹកញាប់ ជៀសឆ្ងាយពីអ្នកដទៃ ពាក់ម៉ាសបិទមុខរាល់ពេលចេញពីផ្ទះ ហាត់ប្រាណនិងសម្រាកឲ្យបានគ្រប់គ្រាន់ ទើបអាចការពារការពារកូវីដបាន៕

សូមទស្សនាវីដេអូខាងក្រោម៖