ព័ត៌មានជាតិ

គិតមកដល់ថ្ងៃនេះ ខេត្តរតនគិរីមានអ្នកឆ្លងជំងឺកូវីដ១៩ កើនឡើងដល់៦៤០នាក់ហើយ

បានផុស

៣ years មុន

នៅ

ថ្ងៃអង្គារ ២០ កក្កដា ២០២១

ដោយ

រដ្ឋបាលខេត្តរតនគិរីចេញសេចក្តីប្រកាសព័ត៌មាន បញ្ជាក់ពីការរកឃើញអ្នកកើតជំងឺកូវីដ១៩ ចំនួន ៣នាក់ និងករណីជាសះស្បើយចំនួន ៩៥នាក់ នៅថ្ងៃទី១៩ ខែកក្កដា ឆ្នាំ២០២១។ នេះបើយោងតាមសេចក្តីប្រកាសព័ត៌មានរបស់រដ្ឋបាលខេត្តដែលកម្ពុជាថ្មី ទទួលបាននៅព្រឹកថ្ងៃទី២០ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី ខិតខំបន្តស្រាវជ្រាវនិងរកឃើញករណីវិជ្ជមានកូវីដ១៩ ចំនួន៣នាក់ថ្មីបន្ថែមទៀត សម្រាប់នៅថ្ងៃទី១៩ ខែកក្កដា ឆ្នាំ២០២១ និង ជាសះស្បើយចំនួន ៩៥នាក់។ អ្នកទាំង៩៥នាក់ ត្រូវបានអនុញ្ញាតឲ្យចេញពីមណ្ឌលព្យាបាល និងត្រូវបន្តធ្វើចត្តាឡីស័ក ដោយខ្លួនឯងរយៈពេល១៤ថ្ងៃ បន្ថែមទៀត។ គិតត្រឹមថ្ងៃទី២០ ខែកក្កដា ឆ្នាំ២០២១ នៅក្នុងខេត្តរតនគិរី រកឃើញអ្នកវិជ្ជមានកូវីដ១៩ សរុបចំនួន៦៤០នាក់ ព្យាបាលជាសះស្បើយសរុបចំនួន៤៤៤នាក់ និងស្លាប់៤នាក់៕