ចាក់វ៉ាក់សាំងកូវីដរួច អាចចាក់វ៉ាក់សាំងផ្សេងបាន តែត្រូវធ្វើតាមលក្ខខណ្ឌមួយ

បន្ទាប់ពីចាក់វ៉ាក់សាំងការពារកូវីដ-១៩រួច អ្នកក៏អាចចាក់វ៉ាក់សាំងផ្សេងទៀតបានដែរ តែត្រូវទុកគម្លាតពីគ្នារយៈពេល ២៨ ថ្ងៃសិន។

យោងតាមការចុះផ្សាយរបស់ UNICEF បានឱ្យដឹងថា ក្រោយចាក់វ៉ាក់សាំងកូវីដ-១៩ទាំងពីរលើក អ្នកពុំចាំបាច់ខកខានចាក់វ៉ាក់សាំងផ្សេងទៀតនោះទេ ព្រោះវាមិនបង្កផលប៉ះពាល់អ្វីឡើយ។

ការចាក់វ៉ាក់សាំងសំខាន់ៗសម្រាប់មនុស្សពេញវ័យមួយចំនួនដូចជា វ៉ាក់សាំងតេតាណូសឬវ៉ាក់សាំងផ្ដាសាយ។ល។ អាចធ្វើទៅបានដោយពុំមានផលអវិជ្ជមានឬផលរំខាននោះទេ។ ទោះយ៉ាងណា គួរតែរក្សាគម្លាតយ៉ាងហោចណាស់ ២៨ ថ្ងៃ រវាងវ៉ាក់សាំងកូវីដ-១៩ និងវ៉ាក់សាំងចាំបាច់ដទៃទៀត។ ប៉ុន្តែប្រសិនបើកាលវិភាគចាក់វ៉ាក់សាំងជាន់គ្នាឬកៀកថ្ងៃគ្នាពេក អ្នកគួរតែចាក់ភ្លៅឬត្រគាកជំនួសឱ្យចាក់ដៃ សម្រាប់វ៉ាក់សាំងផ្សេង។

កុំភ្លេចពិគ្រោះជាមួយវេជ្ជបណ្ឌិតជាមុន ដើម្បីទទួលបានព័ត៌មានលម្អិតនិងត្រឹមត្រូវ!

ប្រែសម្រួល៖ សន្យា

ចុចអាន៖ អ្នកជំនាញហាមចាក់វ៉ាក់សាំងកូវីដ-១៩ពេលកំពុងមានជំងឺផ្ដាសាយ

ចុចធាន៖ UNICEF បន្ថែមបំរាមថ្មីចំពោះអ្នកចាក់វ៉ាក់សាំងកូវីដ ដើម្បីទុកឱកាសឱ្យថ្នាំបញ្ចេញប្រសិទ្ធភាព