ព័ត៌មានអន្ដរជាតិ

ហ្វីលីពីនហាមអ្នកដំណើរពីម៉ាឡេស៊ី និងថៃចូល ទប់ស្កាត់វីរុសកាច Delta

បានផុស

៣ years មុន

នៅ

ថ្ងៃសុក្រ ២៣ កក្កដា ២០២១

ដោយ

ប្រទេសហ្វីលីពីនហាមអ្នកដំណើរទាំងអស់មកប្រទេសម៉ាឡេស៊ី និងថៃចូលក្នុងប្រទេសខ្លួនដើម្បីទប់ស្កាត់ការរាលដាលវីរុសបំប្លែងខ្លួនដ៏កាច Delta។ នេះជាការឲ្យដឹងពីអ្នកនាំពាក្យប្រធានាធិបតីនាថ្ងៃសុក្រ ទី២៣ ខែកក្កដា។

លោក Harry Roque អ្នកនាំពាក្យរបស់លោកប្រធានាធាធិបតីបាននិយាយក្នុងសុន្ទរកថាជាតិមួយថា ៖«ការរឹតត្បិតធ្វើដំណើរនឹងចាប់មានប្រសិទ្ធភាពពីថ្ងៃអាទិត្យខាងមុខនេះ និងរហូតដល់ចប់ខែកក្កដា។

លោកថា ៖«ចំណាត់ការនេះត្រូវបានធ្វើឡើងដើម្បីទប់ស្កាត់បពីការរាលដាលបន្ថែមទៀត និងការឆ្លងសហគមននៅប្រទេសហ្វីលីពីន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហ្វីលីពីនកន្លងមកធ្លាប់បានហាមអ្នកដំណើរមកពី៨ប្រទេសក្នុងនោះមានឥណ្ឌូណេស៊ី និងឥណ្ឌា។

ដើម្បីព្យាយាម និងទប់ស្កាត់ការឆ្លងក្នុងស្រុកដោយវីរុសបំប្លែងខ្លួនដែលលឿនរហ័ស Delta លោកប្រធានាធិបតី Rodrigo Duterte បានដាក់រដ្ឋធានីម៉ានីល និងទីក្រុង១៦ទៀតដែលរាលដាលជាកន្លែងមានប្រជាជនជាង១៣លាននាក់ និងខេត្ត៤ស្ថិតក្រោមបំរាមរឹតត្បិតរហូតដល់ចប់ខែកក្កដា។

សកម្មភាពកីឡាក្នុងទីលាន សាលសន្និសីទ តំបន់ទេសចរណ៍ខាងក្នុង និងក្លឹបហាតប្រាណមិនត្រូវបានអនុញ្ញាតឲ្យដំណើរការឡើយ ខណៈចំនួនផ្ទុកនៃកន្លែងទទួលទានអាហារ និងភោជនីយដ្ឋានត្រូវបានកាត់បន្ថយចំនួន។

បន្ថែមលើពីនេះទៀត កុមារអាយុពី៥ឆ្នាំដល់១៧ឆ្នាំនឹងមិនអនុញ្ញាតឲ្យចេញពីផ្ទះឡើយ។

ហ្វីលីពីនរកឃើញអ្នកឆ្លងវីរុសបំប្លែងខ្លួន Delta ចំនួន៤៧នាក់ និងស្លាប់៣នាក់។ រហូតដល់ពេលនេះ ហ្វីលីពីនមានករណីឆ្លងសរុបជាង១.៥៣លាននាក់ និងងស្លាប់ជិត ២៧ ០០០នាក់ ដែលបានក្លាយជាប្រទេសធ្ងន់ធ្ងរលំដាប់ទី២នៅអាស៊ាន បន្ទាប់ពីឥណ្ឌូណេស៊ី៕

ប្រែសម្រួល៖ វីរបុត្រ
ប្រភព៖ Reuters