ព័ត៌មានជាតិ

អភិបាលខេត្តព្រះសីហនុ ប្រកាសផាកពិន័យ អ្នកបោះចោលសំរាមនៅតំបន់ឆ្នេរ

បានផុស

៤ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

លោក គួច ចំរើន អភិបាលខេត្តព្រះសីហនុបានប្រកាសផាកពិន័យចំពោះអ្នកបោះចោលសំរាមផ្តេសផ្តាស គ្មានសណ្តាប់ធ្នាប់នៅតំបន់ឆ្នេរ ខណៈវិធានការណ៍នេះនឹងត្រូវអនុវត្តតាមអនុក្រឹត្យលេខ១១៣ មាត្រា៤៣ ស្តីពីការផាក ពិន័យអន្តរកាលចាប់ពី ២០.០០០រៀល ទៅ ៤០០.០០០រៀល។ នេះបើតាមទំព័រហ្វេសបុកផ្លូវការរដ្ឋបាលខេត្ត។

ក្នុងឱកាសចុះពិនិត្យវឌ្ឍនភាព នៃហេដ្ឋារចនាសម្ព័ន្ធការស្ថាបនាផ្លូវ ៣៤ខ្សែ ប្រព័ន្ធលូ អូ ប្រឡាយ អាងប្រព្រឹត្តកម្ម ការសាងសង់បន្ទប់ទឹកសាធារណ:តាមបណ្តោយឆ្នេរអូរឈើទាល ការរៀបចំក្រាលថ្មក្រានិតនៅតាមចិញ្ចើមផ្លូវជុំវិញតោពីរ ក្នុងក្រុងព្រះសីហនុ នាព្រឹកថ្ងៃទី២៣ ខែវិច្ឆិកា លោកអភិបាលខេត្តបាន អំពាវនាវដល់បងប្អូនប្រជាពលរដ្ឋ ភ្ញៀវទេសចរជាតិ និងអន្តរជាតិ ដែលមកលេងកម្សាន្តតាមតំបន់ឆ្នេរ និងតាមរមនីយដ្ឋាននានា ក្នុងខេត្តព្រះសីហនុ ចូលរួមសហការថែរក្សាបរិស្ថាន អនាម័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះលោកបានធ្វើការណែនាំដល់ក្រុមការងារ និងមន្ត្រីជំនាញ សរសេរអក្សរលើថ្មម៉ាបដាក់តាមសួនច្បារ តំបន់ឆ្នេរ “ហាមបោះចោលសំរាម” ប្រសិនបើមានករណីរំលោភ បំពាន នឹងត្រូវផាកពិន័យតាមអនុក្រឹត្យលេខ១១៣ មាត្រា៤៣ ស្តីពីការផាក ពិន័យអន្តរកាលចាប់ពី ២០.០០០រៀល ទៅ ៤០០.០០០រៀល ៕