ព័ត៌មានជាតិ

រដ្ឋបាលខេត្តបាត់ដំបងទទួលអំណោយ ជាសម្ភារៈប្រយុទ្ធប្រឆាំងនិងការទប់ស្កាត់ជំងឺកូវីដ

បានផុស

៣ years មុន

នៅ

ថ្ងៃសុក្រ ២៣ កក្កដា ២០២១

ដោយ

នៅព្រឹកថ្ងៃទី២៣ ខែកក្កដា ឆ្នាំ២០២១នេះ លោក សុខ វាសនា ប្រធានក្រុមការងារអភិវឌ្ឃន៍យុវជនខេត្តបាត់ដំបងរួម និងសមាជិកសមាជិកានៃក្រុមការងារអភិវឌ្ឍន៍យុវជនខេត្តបាត់ដំបង បាននាំយកអំណោយទៅប្រគល់ជូនដល់អាជ្ញាធរនៃរដ្ឋបាលខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ងួន រតនៈ អភិបាលខេត្តបាត់ដំបង បានថ្លែងនូវអំណរគុណយ៉ាងជ្រាលជ្រៅចំពោះក្រុមការងារអភិវឌ្ឍន៍យុវជនខេត្តបាត់ដំបងព្រមទាំងថ្នាក់ដឹកនាំ និងសមាជិកសមាជិកា ដែលបានផ្តល់នូវសម្ភារៈដ៏មានសារៈសំខាន់ទាំងនេះក្នុងការរួមចំណែកជាមួយរដ្ឋបាលខេត្តសម្រាប់ប្រើប្រាស់ក្នុងការការពារនូវជំងឺឆ្លងពីមេរោគកូវីដ១៩ ហើយសម្ភារៈទាំងនេះក៏ជាការរួមចំណែកក្នុងការជួយគាំទ្រដល់រដ្ឋបាលមូលដ្ឋានគ្រប់ថ្នាក់ក្នុងខេត្តផងដែរ ក្នុងការប្រយុទ្ធប្រឆាំងទៅនិងការរីករាលដាលនៃកូវីដ១៩ នៅក្នុងសហគមន៍ក្រោយរដ្ឋបាលខេត្តបានចែករំលែកអំណោយទាំងនេះឲ្យដល់អាជ្ញាធរមូលដ្ឋានតាមងំបន់និមួយៗរួមនិងនៅតាមមណ្ឌលចត្តាឡីស័កនានាផងដើម្បីប្រប្រាស់ជាប្រយោជន៍។

លោក សុខ វាសនា ប្រធានក្រុមការងារអភិវឌ្ឍន៍យុវជនខេត្តបានថ្លែងថា សម្ភារៈដែលយកមកប្រគល់ជូនដល់រដ្ឋបាលខេត្តបាត់ដំបងនាពេលនេះ ក្នុងគោលបំណងរួមចំណែកជាមួយនិងរដ្ឋបាលខេត្ត ក្នុងការប្រយុទ្ធប្រឆាំងនិងទប់ស្កាត់ពីការឆ្លងរីករាលដាលពីជំងឺកូវីដ១៩ ដែលមកដល់ពេលនេះ ខេត្តបាត់ដំបងនៅតែប្រឈមពីជំងឺនេះ នៅឡើយទាំងក្នុងក្រុងនិងក្នុងសហគមន៍ដែលយើងទាំងអស់គ្នា គប្បីសាមគ្គីគ្នាជួយគ្នាតាមដែលអាចធ្វើទៅបានដើម្បីពង្រឹងការទប់ស្កាត់ជំងឺ១នេះ ឲ្យកាន់តែមានប្រសិទ្ធិភាពស្របតាមកិច្ចខិតខំប្រឹងប្រែងរបស់ក្រុមគ្រូពេទ្យយើងផង។

ពិធីប្រគល់និងទទួលអំណោយនេះនៅក្រោមវត្តមានលោក ងួន រតនៈ អភិបាលខេត្តបាត់ដំបងដែលប្រព្រឹត្តិឡើងនៅបរិវេណមុខអគារសាលាខេត្តបាត់ដំបង ដែលអំណោយជាសម្ភារៈប្រើប្រាស់ក្នុងការការពារទប់ស្កាត់ការឆ្លងពីកូវីដ១៩ទាំងនោះរួមមាន៖ ម៉ាសចំនួន១០ម៉ឺនបន្ទះ,អាល់កុលចំនួន១០០កាន និងម៉ាស៊ីនសម្លាប់មេរោគចំនួន០២គ្រឿងផងដែរ៕

អត្ថបទ៖ សៅ សារិទ្ធ

Related Topics:អំណោយ