ក្តៅៗ អង់គ្លេស រកឃើញវីរុសបំប្លែងខ្លួនថ្មី មួយប្រភេទទៀតហើយ

វីរុសបំប្លែងខ្លួនថ្មីមួយប្រភេទទៀតហើយ កំពុងស្ថិតក្រោមការស៊ើបអង្កេតនៅក្នុងចក្រភពអង់គ្លេស ខណៈគិតត្រឹមពេលនេះ ករណីឆ្លងចំនួន១៦ករណី ត្រូវបានបញ្ជាក់។

អ្នកជំនាញនៅសេវាសុខភាពសាធារណៈអង់គ្លេស ហៅកាត់ PHE កំពុងធ្វើការវិភាគលើ វីរុសបំប្លែងខ្លួនប្រភេទថ្មីនេះ។

ទោះបីជាយ៉ាងណាក៏ដោយ ពួកគេនិយាយថា មិនមានភ័ស្តុតាងណាមួយបង្ហាញថា វីរុសបំប្លែងខ្លួនប្រភេទថ្មីនេះ អាចយកឈ្នះវ៉ាក់សាំងបានទេ។

PHE បន្ថែមថា ករណីភាគច្រើន ត្រូវបានផ្សារភ្ជាប់ជាមួយនឹងអ្នកដំណើរមកពីបរទេស ​ហើយបច្ចុប្បន្ន មិនមានភ័ស្តុតាងនៃការចម្លងក្នុងសហគមន៍នៅ ចក្រភពអង់គ្លេសទេ។

PHE បាននិយាយនៅក្នុងសេចក្តីថ្លែងការណ៍មួយថា “គិតត្រឹមពេលនេះ មនុស្សចំនួន១៦នាក់ ដែលត្រូវបានបញ្ជាក់ថាមានផ្ទុកវីរុស B.1.621 ត្រូវបានកំណត់អត្តសញ្ញាណ ហើយបច្ចុប្បន្ន ភាគច្រើន ត្រូវបានផ្សារភ្ជាប់ជាមួយនឹងអ្នកធ្វើដំណើរមកពីបរទេស”៕

ប្រែសម្រួល៖ Vann Vann

ប្រភព៖ Mirror

ចុចអាន៖ អ្នកវិទ្យាសាស្ត្របញ្ជាក់ច្បាស់ៗថា កូវីដ មានប្រភពដើមនៅក្នុងធម្មជាតិ មិនមែនចេញពីមន្ទីរពិសោធន៍នោះទេ