ក្ដៅៗ រកឃើញអ្នកឈ្នះមេដាយមាសដំបូងគេនៅព្រឹត្តិការណ៍ អូឡាំពិក ទីក្រុងតូក្យូ

មេដាយមាសដំបូងក្នុងព្រឹត្តិការណ៍កីឡាអូឡាំពិកទីក្រុងតូក្យូ ត្រូវបានប្រគល់ទៅឲ្យកីឡាការិនី Yang Qian របស់ប្រទេសចិន បន្ទាប់ពីទទួលបានជ័យជម្នះក្នុងវគ្គផ្តាច់ព្រ័ត្រ លើវិញ្ញាសាបាញ់កាំភ្លើងចម្ងាយ ១០ ម៉ែត្រផ្នែកនារី នៅឯទីលាន Asaka Shooting Range នៅព្រឹកថ្ងៃសៅរ៍នេះ ។

កីឡាការិនី Yang រកបាន ២៥១.៨ ពិន្ទុក្នុងជុំចុងក្រោយ ដើម្បីដណ្តើមបានមេដាយមាសដំបូងគេបង្អស់ នៃព្រឹត្តិការណ៍កីឡាអូឡាំពិកទីក្រុងតូក្យូ ឆ្នាំ ២០២០ ។

គួរបញ្ជាក់ថា ក្នុងវិញ្ញាសាបាញ់កាំភ្លើងចម្ងាយ ១០ ម៉ែត្រនេះ កីឡាការិនីចិន Yang Qian ទទួលបានមេដាយមាស ឯមេដាយប្រាក់បានទៅលើកីឡាការិនីរុស្ស៊ី Anastasiia Galashina ខណៈមេដាយសំរិទ្ធបានទៅលើកីឡាការិនីស្វីស Nina Christen ៕

ប្រែសម្រួលដោយ ៖ ជីវ័ន្ត

ប្រភព ៖ Olympic