KPT+
យុវវ័យចេញក្រៅញឹក ទៅកន្លែងកកកុញ មកមើលវិធីការពារមនុស្សចាស់ និងក្មេងៗ ពីវីរុសបំប្លែងខ្លួន
រដ្ឋមន្ត្រីក្រសួងសុខាភិបាល ឯកឧត្ដម ម៉ម ប៊ុនហេង បានក្រើនរំលឹកហើយរំលឹកទៀត ដល់សាធារណជន បងប្អូនប្រជាពលរដ្ឋ ឲ្យបន្តប្រុងប្រយ័ត្នខ្ពស់ ការពារខ្លួន កុំភ្លេចខ្លួនឲ្យសោះ ដោយត្រូវចេះផ្លាស់ប្ដូរទម្លាប់រស់នៅ ដើម្បីកាត់ផ្ដាច់នូវខ្សែចម្លងនៃវីរុស ជាពិសេសពពួកប្រភេទបំប្លែងថ្មីនេះ ឬក៏ប្រភេទថ្មីផ្សេងទៀត។
ដោយឡែក សម្រាប់ក្រុមយុវវ័យដែលជាគោលដៅចេញក្រៅញឹកញាប់ជាងមនុស្សចាស់ គឺសុទ្ធតែមានកត្តាប្រឈមវីរុសច្រើនជាងមនុសចាស់។ ផ្អែកលើទិន្នន័យរបស់ក្រសួងសុខាភិបាលកម្ពុជា បាននឹងកំពុងសិក្សាលើករណីការស្លាប់មនុស្សចាស់ ច្រើនជាងយុវវ័យ។ មូលហេតុគឺដោយសារតែ យុវជនច្រើនតែភ្លើតភ្លើននិងមើលស្រាលលើវីរុសកូវីដ ហើយពាំនាំជំងឺនេះមកឲ្យក្រុមគ្រួសារ ដែលជាក្រុមមនុស្សប្រឈមហានិភ័យខ្ពស់និងស្នាក់នៅតែផ្ទះ។
ស្របគ្នានេះដែរ បុគ្គលខ្លះមានផ្ទុកវីរុស តែមិនបញ្ចេញរោគសញ្ញាសំគាល់ឲ្យបានដឹង ធ្វើឲ្យខ្លួនក្លាយជាជនចម្លងទៅ ឪពុកម្ដាយ បងប្អូន មិនដឹងខ្លួន។
ដូច្នេះហើយ ក្រសួងសុខាភិបាលគ្រប់ប្រទេស បានតម្រូវឲ្យយុវវ័យដែលឧស្សាហ៍ចេញក្រៅ ការពារខ្លួនឯង ជាពិសេសត្រូវមើលថែទាំនិងការពារមនុស្សចាស់ ឲ្យមានសុវត្ថិភាពពីវីរុសបំប្លែងខ្លួនគ្រប់ប្រភេទ និង ចៀសវាងចំលងទៅគ្រួសារ ហើយស្ដាយក្រោយ។
១ ចៀសវាងចេញទៅក្រៅ បើមិនចាំបាច់ទេ នៅតែផ្ទះមើលភាគយន្ត ឬជជែកកម្សាន្តបង្កើតទំនាក់ទំនង ជាមួយតាយាយរបស់យើង។
២ កុំដាច់ខាតទៅកន្លែងមានហានិភ័យ ដើរប៉ះគ្នា ដូចជា ទៅផឹកស៊ីកន្លែងមានមនុស្សច្រើន ផឹកកាហ្វេជួបជុំមិត្តភ័ក្ដិ ឬដើរកម្សាន្តតាមខេត្តជាដើម។ យើងមិនអាចដឹងថា ពួកម៉ាកឬមនុស្សយើងជួបរាល់ថ្ងៃនេះ មានផ្ទុកវីរុសឬអត់ទេ។
៣ ត្រូវពាក់ម៉ាសឬរបាំងមុខក្រណាត់ នៅពេលមានភ្ញៀវជាក្រុមមិត្តមកលេងផ្ទះ (បើអាច គួរមានឧបករណ៍តេស្តកូវីដក៏ល្អ នេះអាចចូលរួមកាត់ផ្ដាច់ខ្សែចម្លងបានលឿន)។
៤ លាងដៃជាមួយសាប៊ូ ឬ ជែល អាល់កុល។ ដោះសំលៀកបំពាក់បោកបក់ឬត្រាំសាប៊ូចោល ពេលមកវិញ។ជាពិសេសត្រូវងូតទឹកភ្លាមៗ ហើយកក់សក់ផង បើមកពីកន្លែងមានហានិភ័យ។
៥ ញែកអាហារនិងរបស់របរផ្ទាល់ខ្លួន ជាមួយគ្រួសារ បើបានដឹងថាខ្លួនពូកែដើរហើរមិនចាំកន្លែងត្រូវទៅ។
៦ កាត់បន្ថយការជួបជជែកជាមួយមនុស្សចាស់ ឬកូនក្មេងក្នុងផ្ទះ បើសិនយើងបានដឹងខ្លួនថា ទៅកន្លែងមានមនុស្សច្រើនឬជួបនិយាយជាមួយអ្នកផ្ទុកមេរោគ។
៧ លើសពីនេះទៀត ប្រសិនបើមនុស្សនៅក្នុងផ្ទះមានប្រវតិ្តប្រថុយប្រថាន ឬទៅកន្លែងដែលមានមនុស្សច្រើន ចូរនៅឲ្យឆ្ងាយពីមនុស្សចាស់ ឬកូនក្មេងយ៉ាងហោចណាស់ ១ ទៅ ២ ម៉ែត្រ។
ជាការពិត ទំនួលខុសត្រូវសង្គមក្នុងវិបត្តិរោគរាតត្បាតនេះ ពិតជាសំខាន់ខ្លាំងណាស់ សម្រាប់ប្រទេសជាតិ តែទំនួលខុសត្រូវសម្រាប់គ្រួសារ ក៏រឹតតែសំខាន់ នៅក្នុងខណៈនេះ។ មិនមែនឲ្យតែពាក់ម៉ាស បាញ់អាកុល ពិតជាអាចការពារកូវីដបាន ១០០ ភាគរយ ឡើយ។
អ្វីក៏ដោយ បើយើងមិនមើលស្រាលវា និងត្រូវប្រកាន់ភ្ជាប់វិធានការសុខាភិបាលឲ្យបានម៉ត់ចត់ យើងមិនអាចក្លាយជាអ្នកចម្លងកូវីដ ទៅកាន់ឪពុកម្ដាយ យាយតា ឬក្មេងៗនៅក្នុងផ្ទះបានឡើយ៕
អត្ថបទ៖ សាង ស្រីល័ក្ខ
ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់
ចុចអាន៖វីរុសបំប្លែង Delta វាយលុកសុខភាពក្រុមមនុស្សទាំងនេះខ្លាំងជាងគេ
ចុចអាន៖អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី