នយោបាយ
ខែ១០ ឬខែ១១ ខាងមុខ កូនស្រីលោក កឹម សុខា អាចនឹងសុំទោសសម្តេច ហ៊ុន សែន ហើយបើកគណបក្សថ្មីមួយទៀត
អតីតមនុស្សស្និទ្ធជាមួយលោក កឹម សុខា បានបង្ហើបថា នៅខែតុលា ឬខែវិច្ឆិកា ខាងមុខ កូនស្រីលោក កឹម សុខា គឺអ្នកនាង កឹម មនោវិទ្យា អាចនឹងសុំទោសសម្តេច ហ៊ុន សែន ចំពោះអ្វីដែលអ្នកនាងបានធ្វើសកម្មភាពបំពានបម្រាមតុលាការកំពូល ដែលបានហាមឃាត់ ហើយនៅពេលវិលចូលប្រទេសវិញ នឹងសុំសិទ្ធិធ្វើនយោបាយ រួចបង្កើតគណបក្សថ្មីមួយទៀត។
ការលើកឡើងរបស់អតីតមនុស្សស្និទ្ធជាមួយលោក កឹម សុខា នេះបានធ្វើឡើងក្រោយពីមើលឃើញថា នៅពេលខាងមុខនេះ អាចមានចរន្តនយោបាយថ្មីៗទៀត ចេញពីអតីតគណបក្សសង្គ្រោះជាតិមកដឹកនាំ ឬបង្កើតបក្សនយោបាយថ្មីបន្ថែមទៀត ដោយមិនដេកចាំ ឬសង្ឃឹមលើការរស់ឡើងវិញ នៃអតីតគណបក្សរបស់ខ្លួនឡើយ។
លោក ផាន់ ច័ន្ទស័ក្តិ ដែលត្រូវបានគេដឹងថា ជាអតីតមេធាវីការពារក្តីឲ្យលោក កឹម សុខា ហើយដែលទើបទទួលបានសិទ្ធិធ្វើនយោបាយកាលពីថ្មីៗនេះបានប្រាប់កម្ពុជាថ្មីថា នៅចុងឆ្នាំ២០២១ និងឆ្នាំ២០២២ខាងមុខ នឹងមានគណបក្សនយោបាយចំនួន០២ទៀតបានកើតឡើង។ លោកថា “ក្នុងអំឡុងខែ១០ ឬខែ១១ ខាងមុខអ្នកនាង កឹម មនោវិទ្យា កូនស្រីលោក កឹម សុខា អាចនឹងសុំទោសសម្តេច ហ៊ុន សែន ដែលអ្នកនាងបានធ្វើសកម្មភាពការទូតនយោបាយបំពានបម្រាម ដែលសាលដីកាតុលាការកំពូលបានហាមឃាត់ និងវិលចូលប្រទេស ហើយសុំសិទ្ធិធ្វើនយោបាយបង្កើតគណបក្សថ្មីមួយទៀត”។
លោក ផាន់ ច័ន្ទស័ក្តិ អះអាងថា “ជម្រើសអ្នកនាង កឹម មនោវិទ្យា មានតែមួយ បើចង់វិលចូលប្រទេសវិញ ទាល់តែសុំទោសសម្តេច ហ៊ុន សែន ព្រោះអ្នកនាងបានល្មើស និងបម្រាម ហាមឃាត់ នៃសាលដីកាតុលាការកំពូល ធ្វើសកម្មភាពនយោបាយ ជាមួយបរទេសក្នុងពេលហាមឃាត់សិទ្ធិ”។
ដោយឡែកចំពោះការអះអាងថា នឹងមានគណបក្សនយោបាយចំនួន២ទៀតកើតឡើងនោះ លោក ផាន់ ច័ន្ទស័ក្តិ បញ្ជាក់ថា នៅមិនទាន់បង្ហើបឲ្យដឹងនៅឡើយទេ តែអាចនឹងងមាន បើសិនអ្នកនាង កឹម មនោវិទ្យា បានទទួលសិទ្ធិធ្វើនយោបាយ។
បើតាមលោក ផាន់ ច័ន្ទស័ក្តិ លោក សុន ឆ័យ ក៏នឹងបង្កើតបក្សនយោបាយថ្មីមួយដែរ ហើយគណបក្សបេះដូងជាតិ មិនមែនដឹកនាំដោយលោក ថាច់ សេដ្ឋា នោះទេ គឺដឹកនាំដោយលោក គួយ ប៊ុនរឿន អតីតអនុប្រធាន គ.ជ.ប និងត្រូវជាប្អូនថ្លៃលោក អេង ឆៃអាង។
សូមបញ្ជាក់ថា រហូតមកដល់ពេលនេះ មានអតីតមន្ត្រីជាន់ខ្ពស់ ក៏ដូចជាអតីតថ្នាក់ដឹកនាំ នៃអតីតគណបក្សសង្គ្រោះជាតិចំនួន២៤នាក់ហើយ ត្រូវបានព្រះមហាក្សត្រ និងប្រមុខរដ្ឋស្តីទី ផ្តល់នីតិសម្បទាឲ្យធ្វើនយោបាយឡើងវិញ ក្រោយពីអ្នកទាំងនោះ ត្រូវបានហាមឃាត់មិនឲ្យធ្វើសកម្មភាពនយោបាយរយៈពេល ៥ឆ្នាំ តាមអំណាចសាលដីការបស់តុលាការកំពូល ចុះថ្ងៃទី ១៦ ខែវិច្ឆិកា ឆ្នាំ២០១៧ ដែលបានសម្រេចរំលាយអតីតគណបក្សសង្គ្រោះជាតិ។
ជាមួយគ្នានោះ មានគណបក្សនយោបាយចំនួន៦ហើយ ដែលបានបង្កើតឡើងដោយអតីតមន្ត្រីជាន់ខ្ពស់គណបក្សប្រឆាំង ដែលក្នុងនោះ រួមមាន គណបក្សឆន្ទៈខ្មែរ របស់លោក គង់ មូនីកា កូនប្រុសរបស់លោក គង់ គាំ, គណបក្សខ្មែរអភិរក្ស របស់លោក រៀល ខេមរិន្ទ, គណបក្សខ្មែរស្រឡាញ់ជាតិ របស់លោក ជីវ កត្តា, គណបក្សកំណែទម្រង់កម្ពុជា របស់លោក ប៉ុល ហំម និងលោក អ៊ូ ច័ន្ទរ័ត្ន, គណបក្សបេះដូងជាតិ ដែលត្រូវបានគេអះអាងថា ជារបស់លោក ថាច់ សេដ្ឋា និងគណបក្សកម្ពុជានិយម នេះ៕
ដោយ ៖ កោះកែវ
ឱកាសថ្ងៃចម្រើនព្រះជន្ម ព្រះនាងតូច ជេនណា បង្ហាញឆន្ទៈបន្តដំណេីរលេីវិថីសិល្បៈ បម្រើឧត្តមប្រយោជន៍ជាតិ
អ៊ីស្រាអែលវាយប្រហារទីតាំងយោធាស៊ីរី ក្នុងខេត្ត Deraa ភាគខាងត្បូងប្រទេស
គ្រួសារតារាស្រី អះអាងថា មានរូបភាពរសើបរវាង Kim Soohyun និង Kim Sae Ron ជាង200រូប ទុកជាភស្ដុតាង
Facebook នឹងលុបវិដេអូផ្សាយផ្ទាល់ បន្ទាប់ពី ៣០ ថ្ងៃ នៅវៀតណាម
បរិបទសង្គ្រាមពាណិជ្ជកម្ម សម្ដេចតេជោចង់ឱ្យប្រទេសជាដៃគូ រាប់ទាំងកម្ពុជា សម្លឹងមើលទីផ្សារតំបន់អាស៊ាន និង RCEP
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
ឆ្លងចរន្តអគ្គិភ័យឆាបឆេះផ្ទះប្រជាពលរដ្ឋអស់៣ខ្នង នៅខណ្ឌដង្កោ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
ការផ្សាយថាយុវតីម្នាក់ស្លាប់ព្រោះពត់ធ្មេញ៖ គណៈទន្តពេទ្យកម្ពុជា ចេញមកបញ្ជាក់ថាអ្នកជំងឺស្លាប់ព្រោះជំងឺពីកំណើត
-
សន្តិសុខសង្គម១ សប្តាហ៍ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៥ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៦ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៥ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
សន្តិសុខសង្គម៤ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១០ ម៉ោង agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ