ព័ត៌មានជាតិ

លួចម៉ូតូជិះបាន២ថ្ងៃ សមត្ថកិច្ចតាមយកមកឲ្យម្ចាស់វិញក្រោយទទួលបានបណ្តឹងពីជនរងគ្រោះ

បានផុស

៤ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

ជនសង្ស័យម្នាក់ ត្រូវបានសមត្ថកិច្ចបើកការស្រាវជ្រាវកំណត់មុខសញ្ញាឈានដល់ឃាត់ខ្លួនតាមបណ្តឹងជនរងគ្រោះ ក្រោយពីជនសង្ស័យបានធ្វើសកម្មភាពលួចម៉ូតូ១គ្រឿងរបស់ជនរងគ្រោះ ហើយជិះគេចខ្លួនដោយសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ហៀង ប៊ុនថា អធិការនគរបាលរងស្រុកថ្មគោលបានប្រាប់ឲ្យដឹងថា កាលពីថ្ងៃទី២៨ ខែកក្កដា ឆ្នាំ២០២១កន្លងមកនេះ នគរបាលជំនាញស្រុកថ្មគោលសហការជាមួយកម្លាំងនគរបាលស្រុកបវេល បានតាមអង្កេតស្រាវជ្រាវរហូតឃាត់ខ្លួនជនសង្ស័យបាន១នាក់ នៅត្រង់ចំណុចភូមិស្វាយសរ ឃុំខ្នាចរមាស ស្រុកបរវេល ខេត្តបាត់ដំបង។

ជនសង្ស័យដែលឃាត់ខ្លួនមានឈ្មោះ ស៊ុន បញ្ញា ភេទប្រុស អាយុ៣៨ឆ្នាំ មានទីលំនៅក្នុងភូមិប្រគាប ឃុំរូងជ្រៃ ស្រុកថ្មគោល នៅថ្ងៃកើតហេតុថ្ងៃទី២៥ ខែកក្កដា បានធ្វើសកម្មភាពលួចម៉ូតូហុងដាឌ្រីមសេរីឆ្នាំ២០១៨មួយគ្រឿងរបស់ជនរងគ្រោះ ឈ្មោះ ធួន ប៊ុនថេន ភេទប្រុស អាយុ៤២ឆ្នាំរ ស់នៅភូមិបល្ល័ងក្រោម ឃុំរូងជ្រៃ ស្រុកថ្មគោល ទើបជនរងគ្រោះទៅប្តឹងដល់សមត្ថកិច្ចឲ្យជួយអន្តរាគមន៍តែម្តង។

ក្រោយសមត្ថកិច្ចធ្វើការឃាត់ខ្លួន ជនសង្ស័យកម្លាំងផ្នែកជំនាញដកហូតបានម៉ូតូ១គ្រឿងជារបស់ជនរងគ្រោះ ហើយក៏បានប្រគល់ឲ្យម្ចាស់ដើមវិញរួចរាល់ដែរហើយ។ បច្ចុប្បន្នផ្នែកសមត្ថកិច្ចជំនាញនៃអធិការស្រុកថ្មគោល កំពុងរៀបចំរបាយការណ៍ ដើម្បីបញ្ជូនជនសង្ស័យទៅកាន់ការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង ដើម្បីអនុវត្តបន្តតាមនីតិវិធី៕

អត្ថបទ៖ សៅ សារិទ្ធ