ព័ត៌មានជាតិ

ស្លាប់៣នាក់ ឆ្លងកូវីដថ្មី ១២៥នាក់ នៅខេត្តបាត់ដំបង

បានផុស

៤ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

រដ្ឋបាលខេត្តបានចេញសេចក្តីប្រកាសព័ត៌មានជាផ្លូវការនាយប់ថ្ងៃទី៣០ ខែកក្កដា ឆ្នាំ២០២១នេះថា បានរកឃើញអ្នកឆ្លងជំងឺកូវីដ-១៩ បន្ថែមថ្មីចំនួន ១២៥ នាក់ ដែលក្នុងនោះអ្នកពាក់ព័ន្ធនឹងព្រឹត្តិការណ៍ សហគមន៍២០កុម្ភៈមានចំនួន ១០៣ នាក់ ពលករមកពីប្រទេសថៃមានចំនួន ២២ នាក់ ដោយឡែកសម្រាប់អ្នកជាសះស្បើយមានចំនួន ១១១ នាក់ និងមានអ្នកស្លាប់ ៣ នាក់ បន្ថែមទៀតផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តបាត់ដំបងបានបង្ហាញតួលេខរួមឲ្យដឹងថា បើគិតមកទល់នឹងថ្ងៃទី៣០ កក្កដានេះ ខេត្តបាត់ដំបង មានអ្នកផ្ទុកមេរោគកូវីដ-១៩ សរុបកើនឡើងដល់ចំនួន ៣, ១៦៦ នាក់ ហើយ ដោយក្នុងនោះមានអ្នកជាសះស្បើយសរុបចំនួន ១,៩៣០ នាក់ ស្លាប់បានកើនឡើងរហូតដល់ចំនួន ៤០ នាក់ និងអ្នកដែលកំពុងសម្រាកព្យាបាលនៅក្នុងមន្ទីរពេទ្យបង្អែកខេត្តមានចំនួន ១,១៩៦ នាក់៕