ព័ត៌មានជាតិ
យប់ដំបូងសមត្ថកិច្ចឃាត់យានយន្តល្មើសបម្រាមគោចរបានជាង១៦០គ្រឿង
លោកវរសេនីយឯក សាន សុខសីហា អ្នកនាំពាក្យស្នងការនគរបាលរាជធានីភ្នំពេញ បានមានប្រសាសន៍នៅថ្ងៃទី៣១ ខែកក្កដានេះថា ចាប់ពីម៉ោង៩យប់ថ្ងៃទី៣០ ដល់ម៉ោង៣ទៀបភ្លឺថ្ងៃទី៣១ ខែកក្កដានេះសមត្ថកិច្ចចម្រុះបានធ្វើការឃាត់ជនយានយន្តដែលល្មើសនឹងបម្រាមគោចររបស់សាលារាជធានីភ្នំពេញចំនួន១៦៤គ្រឿង ក្នុងនោះម៉ូតូចំនួន១១៨គ្រឿង និងរថយន្តចំនួន៤៦គ្រឿង។ប៉ុន្តែមិនមានឃាត់មនុស្សទេ។
លោកបានបន្តថា ក្នុងចំណោមយានយន្តទាំងនោះសមត្ថកិច្ចបានធ្វើការផាកពិន័យរួចរាល់បានចំនួន២២គ្រឿង ក្នុងនោះរថយន្តចំនួន១៤គ្រឿង និងម៉ូតូចំនួន៨គ្រឿងនិងនាំយកមករក្សាទុកនៅកន្លែងសមត្ថកិច្ចរថយន្តចំនួន៣៧គ្រឿងនិងម៉ូតូចំនួន៣៧គ្រឿងហើយក្រៅពីនេះបានធ្វើការណែនាំ និងអប់រំគាត់។
លោកបានបន្តទៀតថា នៅថ្ងៃទី១នៃការអនុវត្តទៅលើវិធានការរបស់សាលារាជធានីភ្នំពេញនេះឃើញថាបងប្អូនប្រជាពលរដ្ឋយើងមានការយល់ដឹងច្រើននិងបានចូលរួមអនុវត្តទៅតាមការណែនាំរបស់អាជ្ញាធរមានសមត្ថកិច្ច។ មានពលរដ្ឋតិចតួចប៉ុណ្ណោះដែលនៅល្មើសនិងបំពានការហាមឃាត់នេះ។
លោកបានបន្ថែមថា «សម័យការនេះហើយ មិនមែនពួកគាត់មិនដឹងទេ គឺគាត់មិនបានចូលរួមអនុវត្តតែម្តងធម្មតាការផ្សព្វផ្សាយមានទាំងអស់ទាំងផ្សព្វផ្សាយផ្ទាល់តាមបណ្តាញសង្គមយើងឃើញហើយគ្រប់ផេកស្ថាប័នសារព័ត៌មាន គឺមានផ្សាយច្បាស់ណាស់ទាំងសារាចរណ៍ណែនាំរបស់រដ្ឋាភិបាល ក៏ដូចជាសេចក្តីជូនដំណឹងរបស់សាលារាជធានីភ្នំពេញ។ ម្យ៉ាងទៀតបម្រាមគោចរនេះ មិនមែនជារឿងថ្មីនោះទេ គឺយើងធ្លាប់បានអនុវត្តដែរ ដូចនេះគាត់គួរតែយល់ហើយ»។
លោកសង្ឃឹមថា នៅយប់នេះ ឬយប់ជាបន្តបន្ទាប់ទៀត ចំនួនពលរដ្ឋដែលល្មើសនឹងកាន់តែមានការថយចុះជាបន្តបន្ទាប់ទៀត ដើម្បីចូលរួមទប់ស្កាត់ជំងឺកូវីដ១៩ទាំងអស់គ្នា ពិសេសវីរុសបំប្លែងថ្មីដែលតាដែលមានការចម្លងលឿននិងមានគ្រោះថ្នាក់ដល់អាយុជីវិតច្រើន។ លោកបានបន្ថែមទៀតថា ការអនុវត្តបម្រាមគោចរនេះ គឺដើម្បីជួយសង្គ្រោះប្រជាពលរដ្ឋយើងទាំងអស់គ្នាទេ។
គួរបញ្ជាក់ថា សាលារាជធានីភ្នំពេញ បានដាក់ចេញសេចក្ដីប្រកាសស្តីពីការអនុវត្តបម្រាមគោចរចាប់ពីម៉ោង៩និង០០នាទីយប់ ដល់ម៉ោង៣និង០០នាទីទៀបភ្លឺ រយៈពេល១៤ថ្ងៃ ចាប់ពីថ្ងៃទី២៩ ខែកក្កដាដល់ថ្ងៃទី១២ ខែសីហា ឆ្នាំ២០២១ខាងមុខនេះ ដើម្បីទប់សស្កាត់ជំងឺកូវីដ១៩ពិសេសវីរុសដែលតា៕
អត្ថបទ ៖ សំអឿន
សម្តេចធិបតី ឱ្យសហព័ន្ធស្រូវអង្ករចាប់ដៃជាមួយភាគីពាក់ព័ន្ធ បង្រៀនជំនាញបច្ចេកទេសដល់កសិករ ដើម្បីបង្កើនទិន្នផល
ប៉ូលិសរកឃើញតួសម្ដែងរឿង «Ip Man» ក្រោយធ្លាយដល់តំបន់ជួញដូរមនុស្ស ថៃ-មីយ៉ាន់ម៉ា
សួស វីហ្សា រង់ចាំសំណងជិត ៦ពាន់ដុល្លារ ពីបុគ្គលិកបំពានទំនុកចិត្ត បន្ទាប់ពីធ្វេីកិច្ចសន្យា
មន្ត្រីជាន់ខ្ពស់ ៖ ជិត ៣០ ឆ្នាំ ប្រាក់ឈ្នួលអប្បបរមាកម្មករ-និយោជិត នៅកម្ពុជា កើនឡើងជាបន្តបន្ទាប់
UN៖ អ៊ីរ៉ង់ ប្រហារជីវិតមនុស្សជាង ៩០០នាក់ក្នុងឆ្នាំ២០២៤
នាយ ព្រីង ទុំ បានធូរស្បើយខ្លះ ក្រោយកាត់ជើងដោយសារជំងឺទឹកនោមផ្អែម
ត្រាំ បន្ទោស បៃដិន ខ្លាំងៗថា បើអាមេរិក មិនចេញមុខធានាឲ្យអ៊ុយក្រែនចូលណាតូ សង្គ្រាមរុស្ស៊ីក៏មិនផ្ទុះឡើងដែរ
ត្រាំ គំរាម អាចប្រើកម្លាំងយោធា ដើម្បីយកដែនដី Greenland មកគ្រប់គ្រង
អង្គភាពក្រោមឱវាទក្រសួងមហាផ្ទៃ ច្រានចោលការចោទប្រកាន់នានាមកលើលោក ស សុខា ដោយបុគ្គល ហេង សិទ្ធី
កាសែតអាល្លឺម៉ង់ផ្សាយថា នាយករដ្ឋមន្ត្រីស្រីថៃ រស់ក្នុងជីវិតយ៉ាងប្រណិត ប្រើរបស់សុទ្ធតែថ្លៃៗ
-
ព័ត៌មានជាតិ៦ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍២ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៦ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ៦ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច៦ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៦ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៥ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៥ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ