ព័ត៌មានជាតិ

ខេត្តឧត្ដរមានជ័យ រកឃើញអ្នកឆ្លងកូវីដ ៤១ករណីបន្ថែមទៀត

បានផុស

៤ years មុន

នៅ

ថ្ងៃចន្ទ ២ សីហា ២០២១

ដោយ

Sorn Phanith

រដ្ឋបាលខេត្តឧត្តរមានជ័យ បានប្រកាសសេចក្ដីជូនដំណឹងថា រកឃើញករណីវិជ្ជមានកូវីដ១៩ ចំនួន៤១ករណី បន្ថែមទៀតនិងជាសះស្បើយ៣២នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយគិតត្រឹមម៉ោង១៧និង៣០នាទី ថ្ងៃទី០១ ខែសីហា ឆ្នាំ២០២១នេះ ខេត្តឧត្តរមានជ័យ រកឃើញអ្នកវិជ្ជមានជំងឺកូវីដ១៩ ចំនួន៤,៨៤៦ករណី ក្នុងនោះករណីនាំចូលពីក្រៅប្រទេសចំនួន៤,៤៥៤ករណី និងករណីឆ្លងក្នុងសហគមន៍២០កុម្ភៈ ចំនួន៣៩២ករណី និងបានព្យាបាលជាសះស្បើយចំនួន៩២៨នាក់ កំពុងសម្រាកព្យាបាលចំនួន៣,៩១០នាក់ និងស្លាប់ចំនួន ០៨នាក់។

អាស្រ័យដូចបានជម្រាបជូនខាងលើ សូមសាធារណជននិងបងប្អូនប្រជាពលរដ្ឋជ្រាបជាព័ត៌មាននិងសូមបន្តចូលរួមអនុវត្តយ៉ាងម៉ឺងម៉ាត់នូវវិធានការនានារបស់ក្រសួងសុខាភិបាល និងវិធានការ ៣ការពារ ត្រូវពាក់ម៉ាស លាងដៃជាមួយសាប៊ូ ឬជែលនិងត្រូវរក្សាគម្លាតសុវត្ថិភាព ៣កុំ កុំចូលទៅកន្លែងបិទជិតគ្មានខ្យល់ចេញចូល កុំទៅកន្លែងមានមនុស្សច្រើនកុះករនិងកុំប៉ះពាល់គ្នាស្របតាមអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី៕