ខេត្តព្រៃវែង ករណីឆ្លងផ្ទុះឡើងវិញ រកឃើញវិជ្ជមានកូវីដ ១៦១ នាក់ មានស្លាប់ ២ នាក់

រដ្ឋបាលខេត្តព្រៃវែង បានប្រកាសរកឃើញ អ្នកឆ្លងជំងឺកូវីដ១៩ នៅក្នុងទឹកដីខេត្តព្រៃវែង នៅថ្ងៃទី ១ ខែសីហា ចំនួន ១៦១ នាក់ ដែលជាករណីច្រើនបំផុត បន្ទាប់ពីស្ងប់ស្ងាត់ប៉ុន្មានខែកន្លងមក។

ក្នុងចំណោមអ្នកឆ្លងទាំង ១៣ ស្រុក មានស្រុកព្រះស្ដេចច្រើនជាងគេ រហូតដល់ ៨០ ករណី និងស្រុកពាមជរ ២០ ករណី។ ក្នុងនោះមានអ្នកអ្នកជាសះស្បើយ ៦៤ នាក់ និងស្លាប់ ២ នាក់។

បច្ចុប្បន្ន អ្នកវិជ្ជមានជំងឺកូវីដ-១៩ ទាំង ១៦១នាក់ ខាងលើ កំពុងសម្រាកព្យាបាលនៅមន្ទីរពេទ្យបង្អែកខេត្តនិងតាមមន្ទីរពេទ្យបង្អែកស្រុកនីមួយៗ។

ចំពោះអ្នកដែលបានប្រាស្រ័យទាក់ទងប៉ះពាល់ដោយផ្ទាល់ឬប្រយោលជាមួយបុគ្គលវិជ្ជមានកូវីដ-១៩ ខាងលើ សូមដាក់ខ្លួនដាច់ដោយឡែកតាមដានសុខភាពរយៈពេល១៤ថ្ងៃ និងរាយការណ៍មកអាជ្ញាធរដើម្បីយកសំណាកនិងធ្វើចត្តាឡីស័ក៕ ដោយៈ សៅគ្រី