ត្រូវការ​​គ្រូពេទ្យ​ស្ម័គ្រចិត្ត​ជា​ច្រើននាក់ មិន​បាច់​មាន​ក្របខណ្ឌ​ ក៏អាច​ដាក់ពាក្យបាន

មន្ទីរសុខាភិបាល​ខេត្ត​បន្ទាយមានជ័យ បាន​ចេញ​សេចក្តីប្រកាស​ជ្រើសរើសក្រុមគ្រូពេទ្យស្ម័គ្រចិត្តជាច្រើននាក់ ដើម្បី​បម្រើការងារប្រយុទ្ធនឹងជំងឺកូវីដ-១៩។

បើ​តាម​សេចក្តីជូនដំណឹង​របស់​មន្ទីរសុខាភិបាលខេត្តបន្ទាយមានជ័យ ក្រុមគ្រូពេទ្យស្ម័គ្រចិត្តអាច​ចូលរួម​ដោយឥតល័ក្ខខណ្ឌ (មិនទាមទារក្របខណ្ឌរដ្ឋ) ​ដោយ​នឹង​ទទួល​បាន​ការ​ឧបត្ថម្ភថវិការបស់រាជរដ្ឋាភិបាលក្នុងរយៈពេល​ចូលរួមក្នុងការងារប្រយុទ្ធនឹងជំងឺកូរីដ-១៩។

មុខតំណែង​ដែល​ជ្រើសរើស​មាន​ដូចជា៖

– វេជ្ជបណ្ឌិតចំនួន ២០រូប
– បច្ចេកទេសមន្ទីរពិសោធន៍ចំនួន ១០រូប
-ព័ត៌មានវិទ្យាចំនួន ០៥រូប
-អ្នកបើកបររថយន្ត ចំនួន ០៣រូប

លក្ខណៈសម្បត្តិដែលត្រូវជ្រើសរើសមានដូចខាងក្រោម ៖

១- ត្រូវមានអាយុចាប់ពី ២០ឆ្នាំ ដល់ ៣៥ឆ្នាំ
២-មានសញ្ញាបត្រ ដែលទទួលស្គាល់ពីក្រសួងសុខាភិបាល ឬ ក្រសួងអប់រំ យុវជន និងកីឡា
៣-ត្រូវចេះប្រើប្រាស់កម្មវិធី Computer Microsoft Word, Microsoft Excel
៤-ស្មោះត្រង់ ខិតខំប្រឹងប្រែងតស៊ូ និងឧស្សាហ៍ព្យាយាមធ្វើការ និងមានទំនាក់ទំនងល្អ
៥-មានគំនិតច្នៃប្រឌិត អត់ធ្មត់នឹងការងារ និងមានឆន្ទះ ក្នុងការធ្វើការងារជាក្រុម
៦-មានក្រមសីលធម៌ល្អ និងគោរពបទបញ្ជាផ្ទៃក្នុង

បើ​បងប្អូន​សិស្ស​និស្សិត​មានចំណាប់អារម្មណ៍ សូមទំនាក់ទំនងមកលោក តូច ធីណា ប្រធានការិយាល័យរដ្ឋបាល-បុគ្គលិក នៃមន្ទីរសុខាភិបាលខេត្តបន្ទាយមានជ័យ ឬ ទំនាក់ទំនងទូរស័ព្ទលេខៈ 012 859 783 , 011 911 655 ដើម្បីមកបំពេញប្រវត្តិរូប និងកិច្ចសន្យាបម្រើការងារ រៀងរាល់ម៉ោងធ្វើការ ចាប់ពីថ្ងៃជូនដំណឹងនេះតទៅ៕