ព័ត៌មានជាតិ

ប្រទះឃើញគ្រាប់បែកដៃ២គ្រាប់ទាំងព្រឹក នៅខាងមុខផ្សារភួពុយ

បានផុស

៣ years មុន

នៅ

ថ្ងៃអង្គារ ៣ សីហា ២០២១

ដោយ

ក្រុមជាងសាងសង់ផ្ទះមួយកន្លែងបាននាំគ្នាភ្ញាក់ផ្អើល ដោយព្រលឹងចុងសក់ទាំងព្រឹក ខណៈដែលពួកគេកំពុងជីករណ្តៅគ្រឹះសសរផ្ទះ ក៏បានប្រទះឃើញគ្រាប់បែកដៃចំនួន២គ្រាប់។ការភ្ញាក់ផ្អើលនេះ គឺនៅវេលាម៉ោង៧និង៣០នាទីព្រឹក ថ្ងៃទី៣ ខែសីហា ឆ្នាំ២០២១ នៅចំណុចមុខផ្សារទំនើបភួពុយ ស្ថិតក្នុងភូមិអញ្ចាញ សង្កាត់អូរចារ ក្រុងបាត់ដំបង ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចមូលដ្ឋានបានបញ្ជាក់ថា មានករណីគ្រាប់បែកដៃនេះ ជាប្រភេទក្រឡាទាបម៉ាក F-1 ចំនួន២គ្រាប់ ដោយក្នុងខណៈពេលកម្មករជីករណ្តៅការដ្ឋានសាងសង់ផ្ទះ បើទោះបីជាគ្រាប់បែកនេះ មានសភាពច្រែះចាប់ខ្លះទៅហើយក្តី ក៏យើងមិនអាចមើលស្រាលពួកវាបានដែរ។ បច្ចុប្បន្នគ្រាប់បែកខាងលើនេះ ត្រូវបានសមត្ថកិច្ចធ្វើការប្រគល់ឲ្យអង្គភាពកម្ចាត់មីនស៊ីម៉ាក់ ខេត្តបាត់ដំបង ដើម្បីយកទៅរក្សាទុក រួចរាល់ហើយ៕