កូវីដ-១៩

អាជីវករផ្សារដើមគជាង៣០០នាក់ ដែលក្រុមគ្រូពេទ្យ ពិនិត្យយកសំណាកមិនមានវិជ្ជាមានកូវីដ-១៩ទាំងអស់ ប៉ុន្តែផ្សារត្រូវបិទ៣ថ្ងៃ

បានផុស

៤ years មុន

នៅ

ថ្ងៃអង្គារ ៣ សីហា ២០២១

ដោយ

ភ្នំពេញ ៖ អាជីវករផ្សារដើមគរជាង៣០០នាក់ ដែលត្រូវបានក្រុមគ្រូពេទ្យធ្វើការពិនិត្យយកសំណាកក្រោយពីមានព័ត៌មានថា មានអ្នកជំងឺកូវីដ-១៩ប្រភេទ បម្លែងថ្មី(ដែលតា) ចូលទៅក្នុងផ្សារនោះ អាជ្ញាធររាជធានីភ្នំពេញនិងអាជ្ញាធរខណ្ឌទួលគោក បានសហការជាមួយក្រុមគ្រូពេទ្យ ធ្វើការយកសំណាកពីបងប្អូនអាជីវករទាំងជាង៣០០នាក់ ក្រោយពីការត្រួតពិនិត្យយកសំណាកបានបញ្ចប់ ជាលទ្ធផលគឺអវិជ្ជមានទាំងអស់ ។ ប៉ុន្តែទោះបីជាយ៉ាងណាក្តីអាជ្ញាធរនៅតែបង្ខំចិត្តបិទផ្សារដើមគក្នុងរយៈពេល០៣ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកគៀង ចក់ ប្រធានគណៈកម្មការផ្សារដើមគបានបញ្ជាក់ឲ្យដឹងនៅរាត្រីថ្ងៃទី០៣ ខែសីហានេះថា ចំពោះបងប្អូនអាជីវករដែលបានមកពិនិត្យយកសំណាកនៅថ្ងៃនេះ គឺមានចំនួន ៣៤០នាក់ ដោយ ក្រុមគ្រូពេទ្យចាប់ផ្ដើមពិនិត្យយកសំណាក់តាំងពីម៉ោង ១រហូតដល់ម៉ោង៧យប់ ហើយជាលទ្ធផល បងប្អូនអាជីវករទាំង៣៤០នាក់នេះ មិនមានវិជ្ជមានកូវីដ-១៩នោះទេ ។ ប៉ុន្តែសម្រាប់គណៈកម្មការផ្សារនិងធ្វើការបិទផ្សារជាបណ្ដោះអាសន្នចំនួនបីថ្ងៃ ពោលគឺចាប់ផ្ដើមពីថ្ងៃទី ៤ទី ទី៥និងទី០៦ សីហានេះ។

លោកបញ្ជាក់ថា ការពិនិត្យយកសំណាកនេះ ជាការពិនិត្យយកសំណាក់ រហ័ស រ៉ាពីតេស្ត ប៉ុណ្ណោះ ក្រុមគ្រូពេទ្យនឹងយកសំណាករបស់បងប្អូនអាជីវករទាំងអស់ទៅធ្វើពិនិត្យនៅម៉ាស៊ីនធំបន្តទៀត៕

ដោយ ៖ ស្រីរ័ត្ន