សុខភាព

សង្កេតមើលខ្លួនឯងឲ្យមែនទែន! ច្បាស់ៗពីអាការឈឺក្បាលបែបណា ដែលចាត់ទុកថាឆ្លង Delta

បានផុស

៣ years មុន

នៅ

ថ្ងៃពុធ ៤ សីហា ២០២១

ដោយ

ការឈឺក្បាលគឺជាបញ្ហាខួរក្បាល និងប្រព័ន្ធប្រសាទមួយផ្សេងទៀត ដែលអាចត្រូវបានរកឃើញជាញឹកញាប់ចំពោះអ្នកជំងឺដែលឆ្លងវីរុសបំប្លែងខ្លួន ។ ចំពោះអ្នកជំងឺខ្លះ ការឈឺក្បាលអាចស្រាល ហើយជាសះស្បើយដោយខ្លួនឯង។ ប៉ុន្តែក្នុងពេលជាមួយគ្នានេះ អ្នកជំងឺជាច្រើនទៀត អាចត្រូវធ្វើរោគវិនិច្ឆ័យនិងព្យាបាលបន្ថែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តើ Delta មានអាការឈឺក្បាលបែបណា?

វេជ្ជបណ្ឌិត Kiratikorn Wongwaivanich នាយកមជ្ឈមណ្ឌលខួរក្បាល នៃមន្ទីរពេទ្យអន្តរជាតិបាងកកនិយាយថា ការឈឺក្បាលគឺជាជំងឺប្រព័ន្ធប្រសាទទូទៅ ចំពោះអ្នកដែលឆ្លងវីរុសបំប្លែងខ្លួន រួមទាំងកូវីដ ។ រហូតដល់ទៅ ៣០% នៃអ្នកជំងឺដែលមានអាការនេះ ភាគច្រើននៃពួកគេ មិនសូវមានប្រវត្តិឈឺក្បាលពីមុនមកទេ។

ហេតុអ្វីបានជាវីរុសបំប្លែងខ្លួនបណ្ដាលឲ្យឈឺក្បាល?

មូលហេតុនៃការឈឺក្បាល អាចសន្មតថា បណ្ដាលមកពីមេរោគចូលក្នុងខួរក្បាលដោយផ្ទាល់។ ឆ្លងកាត់ចុងបញ្ចប់នៃសរសៃប្រសាទទី ៥ (សរសៃប្រសាទ trigeminal ) ដែលនៅក្នុងប្រហោងច្រមុះ។ នេះអាចបណ្ដាលមកពីវីរុសរំញោចរាងកាយ ឲ្យបង្កើតស៊ីតូគីនរលាក ដែលប៉ះពាល់ផ្ទាល់ដល់ប្រព័ន្ធ នាំមកនូវការឈឺចាប់នៅក្នុងខួរក្បាល ហើយក៏បណ្ដាលឲ្យអ្នកជំងឺទៅជាឈឺក្បាល។

អាការច្បាស់ៗនៃការឈឺក្បាល នៅពេលដែលយើងឆ្លង Delta គឺមានដូចខាងក្រោមនេះ៖

ការឈឺក្បាលកើតឡើងយ៉ាងឆាប់រហ័ស។ ឈឺក្បាលខ្លាំងទៅធ្ងន់ធ្ងរ ជាធម្មតាវាមិនឆ្លើយតបទៅនឹងថ្នាំបំបាត់ការឈឺចាប់ ឬមានការឈឺចាប់រឹតតែខ្លាំង បន្ទាប់ពីប្រើថ្នាំបំបាត់ការឈឺចាប់។

ការឈឺចាប់នេះ គឺជាការច្របាច់ថ្ងាសទាំងសងខាងនៅជុំវិញត្របកភ្នែកទាំងពីរ ឬការឈឺចាប់នៅទូទាំងក្បាល ដែលអាចត្រូវបានសម្គាល់ដោយការឈឺចាប់ ស្រដៀងនឹងជំងឺដាច់សរសៃឈាមខួរក្បាល។

នៅពេលយើងផ្អៀងក្បាលទៅមុខ គ្រាន់តែ ក្អក កណ្ដាស់ និងការធ្វើលំហាត់ប្រាណ ក៏អាចធ្វើឲ្យឈឺក្បាលកាន់តែខ្លាំងឡើងដែរ។

ការឈឺចាប់នៃអាការឈឺក្បាលនេះ គឺអាចកើតឡើងរហូតដល់ ២ សប្ដាហ៍ឯណោះក៏មាន។

ជាការពិត ការឈឺក្បាលធម្មតា និង ឈឺក្បាលដោយសារ Delta យើងអាចញែកដាច់ពីគ្នាបាន ដោយមូលហេតុផ្សេងទៀត និងសង្កេតឃើញរោគសញ្ញាទូទៅដូចជា ៖

១ មនុស្សដែលឆ្លង Delta បន្ថែមពីលើការឈឺក្បាលវិលមុខ មានក្តៅខ្លួន ច្រមុះមិនមានក្លិន អណ្ដាតមិនមានរសជាតិ ក្អកហៀរសំបោរ ហត់នឿយ ឈឺចុកចាប់តាមរាងកាយ ឈឺចាប់ពេលលេបថ្នាំចូលទៅ ( អាការនេះ គឺយោងតាមស្ថានភាពសុខភាពមនុស្សផ្សេងគ្នា ) ។

២ អាចមានអាឡ័កស៊ីស្រាល ៗ មានសម្លេងរំខានខ្លាំងក្នុងខួរក្បាល ស្រដៀងនឹងអ្នកដែលឈឺក្បាលប្រកាំង ។

ក្នុងករណីលេបថ្នាំប៉ារ៉ាសេតាមុលរួចហើយ ការឈឺចាប់មិនអាចគ្រប់គ្រងបាន សូមស្វែងរកការព្យាបាលភ្លាមៗ ដើម្បីកំណត់ពីមូលហេតុនៃការឈឺក្បាល ដែលអាចបង្កគ្រោះថ្នាក់ និងទទួលការព្យាបាលឲ្យបានត្រឹមត្រូវ៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖រោគសញ្ញាកូវីដធម្មតា និងវីរុសបំប្លែង Delta លើអ្នកចាក់ ឬមិនទាន់ចាក់វ៉ាក់សាំងរួច

ចុចអាន៖អ្នកជក់បារី បញ្ឈប់ពេលនេះដូចជួយអ្នកជុំវិញខ្លួន Delta កំពុងឆ្លងខ្លាំង សូមផ្ដោតលើសុខភាពជាចម្បង

ចុចអាន៖អ្នកជំងឺទឹកនោមផ្អែម ត្រូវថែខ្លួនឲ្យមែនទែន បើឆ្លង Delta គឺមានសភាពធ្ងន់ធ្ងរខ្លាំង ជាងអ្នកផ្សេង