ព័ត៌មានជាតិ
ចុះបង្ក្រាបទីតាំង ដែលធ្វើការនេសាទខុសច្បាប់ នៅរដូវបិទនេសាទ
ចុះបង្ក្រាបទីតាំងធ្វើការនេសាទខុសច្បាប់ ក្នុងរដូវបិទឡូតិ៍នេសាទឆ្នាំ២០២១ នៅតាមចំណុច បណ្តោយដងអូរកញ្ជាន់ ព្រំប្រទល់រវាងខេត្តរតនគិរី និងខេត្តស្ទឹងត្រែងស្ថិតនៅក្នុងភូមិ៣(វាលឆ្កែហត់)ឃុំត្រពាំងក្រហម ស្រុកកូនមុំ ខេត្តរតនគិរី។
ទោះបីរដ្ឋបាលខេត្តរតនគិរី ចេញសេចក្តីជូនដំណឹងស្តីពីរដូវបិទឡូតិ៍នេសាទឆ្នាំ២០២១ នៅក្នុងភូមិសាស្ត្រខេត្តមួយនេះ ត្រូវបានហាមឃាត់ ជាពិសេសការអនុវត្តនូវអនុសាសន៍៧ចំណុចរបស់សម្តេចតេជោ ហ៊ុនសែន ដើម្បីចូលរួមចំណែកថែរក្សា ការពារនិងប្រើប្រាស់នូវធនធានមច្ឆាជាតិយើងឲ្យបានគង់វង្សសម្រាប់កូនចៅជំនាន់ក្រោយៗទៀតយ៉ាងណានោះ ក៏ដោយក៏បទល្មើសនេសាទនៅតាមចំណុច បណ្តោយដងអូរកញ្ជាន់ ព្រំប្រទល់រវាងខេត្តរតនគិរី និងខេត្តស្ទឹងត្រែងស្ថិតនៅក្នុងភូមិ៣(វាលឆ្កែហត់)ឃុំត្រពាំងក្រហម ស្រុកកូនមុំ ខេត្តរតនគិរី គេសង្កេតឃើញមានបទល្មើសនេសាទត្រីខុសច្បាប់យ៉ាងសម្បូរបែប។
តាមប្រភពពីប្រជាពលរដ្ឋដែលពុំបានទទួលផលរមាសពីបទល្មើសនេសាទទាំងនេះបានឲ្យដឹងថា បទល្មើសនេសាទជាទ្រង់ទ្រាយធំដោយប្រើឧបករណ៍នេសាទខុសច្បាប់ប្រភេទស្បៃអួនបិទអូរកញ្ជាន់តែម្តង កំពុងពេញនិយមនៅក្នុងដែនឃុំគ្រងរបស់អាជ្ញាធរស្រុកកូនមុំ ខេត្តរតនគិរីមួយនេះ គេឃើញកើតមានជាយូរឆ្នាំមកហើយជាពិសេសគឺរដូវបិទឡូតិ៍នេសាទនេះតែម្តង។ ដែលក្រុមឈ្មួញបានឆ្លៀតឱកាស បំពានលើច្បាប់ហាមឃាត់នាំគ្នាបំផ្លិចបំផ្លាញធនធានមច្ឆាជាតិ ដែលច្បាប់ពុំអាចលើកលែងនិងអនុគ្រោះបាននោះឡើយ។
លោកនាយរងខណ្ឌជលផល ប៊ន ធារង្សបានបញ្ជាក់ថា នៅលើវិសោធនកម្មច្បាប់ដែលបានចែង នៅក្នុងមាត្រា២០ ត្រង់ចំណុចទី៣និងបទបញ្ញត្តិនៃអំពើល្មើសក្នុងមាត្រា១០០នៃច្បាប់ជលផលចែងថា ត្រូវផ្តន្ទាទោសក្រោមបទល្មើសជលផលថ្នាក់ទី២ ដែលតម្រូវឲ្យដាក់ពន្ធធនាគារ១ឆ្នាំដល់៣ឆ្នាំ និងពិន័យជាប្រាក់ពី៥លានរៀល ទៅ ៥០លានរៀល។
លោកនាយរងបន្តថា រដ្ឋបាលខេត្តរតនគិរីលេខ១៤០/២១សជណចុះថ្ងៃទី២៤ ខែឧសភា ឆ្នាំ២០២១ក៏បានចេញសេចក្តីប្រកាសស្តីពីរដូវបិទនេសាទត្រីឆ្នាំ២០២១នេះទាំងស្រុងផងដែរ។ ដែលត្រូវអនុវត្តចាប់ពីថ្ងៃទី១ ខែមិថុនា ដល់ថ្ងៃទី៣០ ខែកញ្ញាជារៀងរាល់ឆ្នាំនោះ សេចក្តីជូនដំណឹងនោះធ្វើឡើងលើកលែងតែការនេសាទត្រីជាលក្ខណៈគ្រួសារដោយប្រើឧបករណ៍នេសាទមានដូចជា៖ សៃយឺន លប សំណាញ់ សន្ទូចផ្លែមួយ អង្រុត ចាន់ តុម ទ្រូ កញ្ជ្រែងដងត្រី និងឧបករណ៍មួយចំនួនទៀតដែលមានចែងនៅក្នុងប្រកាសលេខ ៤៥៨ ប្រក.កសកចុះថ្ងៃទី២២ ខែតុលា ឆ្នាំ២០១២ ស្តីពីច្បាប់អនុញ្ញាតការផ្គត់ផ្គង់ជីវភាពប្រជាពលរដ្ឋតែប៉ុណ្ណោះ។
ទើបនៅថ្ងៃទី២ ខែសីហា ឆ្នាំ២០២១ កម្លាំងជំនាញជលផលខេត្តរតនគិរី ដែលដឹកនាំដោយលោក ប៊ន ធារង្សនាយរងខណ្ឌជលផលខេត្ត សហការនិងកម្លាំងប៉ុស្តិ៍នគរបាលរដ្ឋបាលឃុំត្រពាំងក្រហម ដោយមានការចង្អុលបង្ហាញពីលោក ផាតបញ្ញា នាយខណ្ឌរដ្ឋបាលជលផល បានចុះទៅដល់ចំណុចកើតហេតុខាងលើ ដោយលទ្ធផលធ្វើការរឹបអូសប្រមូលឧបករណ៍ល្មើសច្បាប់ជាក់ស្តែង (ស្បៃអួន)យកដុតកម្ទេចចោលនៅនឹងកន្លែងកើតហេតុតែម្តង ដោយគ្មានមធ្យោបាយដឹកជញ្ជូនមករក្សាទុកនៅខណ្ឌជលផលនោះទេ។ ឯចំណែកក្រុមឈ្មួញ ដែលត្រូវគេស្គាល់នោះឈ្មោះ សេក អ៊ា មានទីលំនៅភូមិឃុំកើតហេតុខាងលើ បានរត់គេចខ្លួនបាត់ស្រមោល ហាក់ដូចជាដឹងផែនការណ៍ជាមុន ប៉ុន្តែសមត្ថកិច្ចបានកំណត់មុខសញ្ញារួចហើយ នឹងកសាងកំណត់ហេតុបញ្ជូនទៅអយ្យការអមសាលាដំបូងខេត្តចាត់ការតាមនីតិវិធី។
លោកនាយរងខណ្ឌជលផល ប៊ន ធារង្ស បានឲ្យដឹងបន្ថែមទៀតថា ការចុះមកដល់ចំណុចកើតហេតុផ្ទាល់នេះ ដោយសារមានប្រភពរាយការណ៍ច្បាស់លាស់ពាក់ព័ន្ធករណីបទល្មើសនេសាទ ដែលប្រើប្រាស់ឧបករណ៍ជាលក្ខណៈអាជីវកម្មជាក់ស្តែង ដូច្នេះលោកនិងបំពេញសំណុំបែបបទ បញ្ជូនករណីមួយនេះទៅអយ្យការអមសាលាដំបូងខេត្តរតនគិរី ដើម្បីចាត់ការតាមនីតិវិធីតាមផ្លូវច្បាប់៕
អត្ថបទ៖ វុទ្ធឦសាន
កងទ័ពស៊ីរីប្រកាសថា រជ្ជកាលរបស់លោក Assad បានបញ្ចប់ហើយ
ផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
ត្រឹមខែធ្នូនេះ ក្រុមការងារ ស.ផ.ក ចុះផ្សព្វផ្សាយច្បាប់ចរាចរណ៍ផ្លូវគោក និងសុវត្ថិភាពធ្វើដំណើរដល់កម្មករជាង ១ ម៉ឺន ៥ ពាន់នាក់
គណៈបញ្ជាការឯកភាពខណ្ឌ ៧ មករា បន្តអនុវត្តច្បាប់ចរាចរណ៍ផ្លូវគោក និងជាតិស្រវឹង ក្នុងមូលដ្ឋាន
១១ ខែ ឆ្នាំនេះ រន្ទះបាញ់ កើតឡើង ១២៥ លើក ស្លាប់-របួសមនុស្សជាង ១២០ នាក់
Update៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
ការប្រយុទ្ធគ្នា ផ្ទុះឡើងហើយ! ក្រុមឧទ្ទាមស៊ីរី ចូលដល់រដ្ឋធានីដាម៉ាស និងរំដោះអ្នកទោស
បុរសម្នាក់ បើករថយន្តលឿន បុកម៉ូតូ ២ គ្រឿង កំពុងឆ្លងស្តុប ស្លាប់ម្នាក់ និងរបួសធ្ងន់ ២ នាក់
១១ ខែ ឆ្នាំនេះ ខ្យល់កន្ត្រាក់ បង្កឲ្យមនុស្សស្លាប់-របួស ៤៦ នាក់ និងប៉ះពាល់ផ្ទះជិត ៥ ពាន់ខ្នង
សណ្ឋាគារលំដាប់ផ្កាយ ៥ តម្លៃ ៧០ លានដុល្លារ នឹងលេចរូបរាងនៅទឹកដីក្រុងបាវិត ខេត្ដស្វាយរៀង
-
វប្បធម៌ ជំនឿ៣ ថ្ងៃ agoកត់ចំណាំ បើមានប្រជ្រុយនាំសំណាង៣កន្លែងលើរាងកាយ ដូចនាំកំណប់ទ្រព្យមកឲ្យដល់ផ្ទះ
-
ព័ត៌មានអន្ដរជាតិ៣ ថ្ងៃ agoក្រុមហ៊ុនអាមេរិក ប្រកាសដាក់លក់ថ្នាំចាក់ព្យាបាលជំងឺអេដស៍ក្នុងតម្លៃថោក នៅ១២០ប្រទេស
-
សេដ្ឋកិច្ច១ សប្តាហ៍ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ព័ត៌មានជាតិ៣ ថ្ងៃ ago«ភូមិទៀមលើ» មានប្រវត្តិជូរចត់ ចេញកើតពីចម្បាំងរវាងកុលសម្ព័ន្ធ និងកុលសម្ព័ន្ធជនជាតិដើមភាគតិចនៅក្នុងខេត្តរតនគិរី
-
ព័ត៌មានអន្ដរជាតិ១ សប្តាហ៍ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
សន្តិសុខសង្គម៥ ម៉ោង agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ
-
ព័ត៌មានអន្ដរជាតិ៤ ថ្ងៃ agoទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
-
ព័ត៌មានជាតិ៦ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន