ព័ត៌មានអន្ដរជាតិ

មេ WHO អំពាវនាវយ៉ាងខ្លាំងឲ្យផ្អាកការចាក់វ៉ាក់សាំងបង្ការកូវីដដូសទី៣សិន

បានផុស

៣ years មុន

នៅ

ថ្ងៃព្រហស្បតិ៍ ៥ សីហា ២០២១

ដោយ

អង្គការសុខភាពពិភពលោកកំពុងអំពាវនាវឲ្យផ្អាកការចាក់វ៉ាក់សាំងបង្ការកូវីដ-១៩ដូសទី៣រហូតដល់ដាច់ខែកញ្ញាសិន។ នេះជាការលើកឡើងរបស់លោកអគ្គលេខាធិការ Tedros Adhanom Ghebreyesus នៅថ្ងៃពុធ ទី៤ ខែសីហា។

ការអំពាវនាវឲ្យផ្អាកចាក់វ៉ាក់សាំងបន្ថែមដូសទី៣គឺខ្លាំងបំផុតពីអង្គការសហប្រជាជាតិ ដោយសារគម្លាតខុសគ្នាឆ្ងាយរវាងអត្រាចាក់វ៉ាក់សាំងនៅក្នុងប្រទេសអ្នកមាន និងប្រទេសអ្នកក្រ។

លោក Tedros មានប្រសាសន៍ថា ការអំពាវនាវនេះគឺដើម្បីឲ្យប្រជាជននៃប្រទេសនីមួយៗយ៉ាងហោចណាស់ក៏ចាក់វ៉ាក់សាំងបាន១០%។

លោកអគ្គលេខាធិការ Tedros Adhanom Ghebreyesus

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«ខ្ញុំយល់ពីកង្វល់របស់រដ្ឋាភិបាលទាំងអស់ដើម្បីការពារប្រជាជនរបស់ខ្លួនពីវីរុសបំប្លែងខ្លួន Delta។ ប៉ុន្តែយើងមិនអាចទទួលយកបាននូវប្រទេសទាំងឡាយដែលបានប្រើប្រាស់ច្រើនបំផុតនៃការផ្គត់ផ្គង់វ៉ាក់សាំងជាសកលកំពុងប្រើកាន់តែច្រើននោះទេ»។

កាលពីសប្តាហ៍មុន លោកប្រធានាធិបតីអ៉ីស្រាអែល Isaac Herzog បានចាក់វ៉ាក់សាំងបង្ការកូវីដ-១៩ដូសទី៣ ដែលជាការចាប់ផ្តើមយុទ្ធនាការណ៍ចាក់ដូសបន្ថែម ឬហៅថា ដូសទី៣ដល់មនុស្សដែលមានអាយុច្រើនជាង៦០ឆ្នាំដែលជាផ្នែកនៃកិច្ចខិតខំប្រឹងប្រែងដើម្បីទប់ស្កាត់ការរាលឆ្លងយ៉ាងលឿនរបស់វីរុសបំប្លែងខ្លួន Delta នៅក្នុងប្រទេស។

សហរដ្ឋអាមេរិកកាលពីខែកក្កដាបានចុះកិច្ចព្រមព្រៀងជាមួយវ៉ាក់សាំង Pfizer និង BioNTech ដើម្បីទិញ២០០លានដូសបន្ថែមទៀតសម្រាប់ចាក់ដល់កុមារក៏ដូចជាការចាក់បន្ថែមដូសទី៣។

លោកស្រី Katherine O’Brien នាយកផ្នែកវ៉ាក់សាំងបង្ការ និងជីវសាស្ត្ររបស់អង្គការសុខភាពពិភពលោកបានប្រាប់អ្នកសារព័ត៌មានថា ៖«យើងត្រូវការជំនួសវិញដោយផ្តោតសំខាន់លើមនុស្សដែលងាយរងគ្រោះបំផុត ដែលប្រឈមហានិភ័យនៃការឈឺធ្ងន់ និងបណ្តាលឲ្យបាត់បង់ជីវិត ឲ្យបានចាក់ដូសទី១ និងដូសទី២»៕

ប្រែសម្រួល៖ វីរបុត្រ
ប្រភព៖ Reuters