អារ៉ាប់រួម ត្រៀមចាក់ដូសទី ៣ ដល់អ្នកមានហានិភ័យខ្ពស់ ក្រោយចាក់ដូសទី ២ ហើយរយៈពេល ៣ ខែ

ប្រទេសអារ៉ាប់រួមនិយាយថា ខ្លួននឹងចាក់វ៉ាក់សាំងការពារជំងឺកូវីដ ១៩ ដូសទី ៣ ដល់ប្រជាជនដែលបានចាក់វ៉ាក់សាំងពេញ ២ ដូសហើយ ។

រដ្ឋាភិបាលអារ៉ាប់រួមបាននិយាយកាលពីថ្ងៃពុធថា ការចាក់ដូសជំរុញ ឬដូសទី ៣ នេះនឹងធ្វើឡើងសម្រាប់ប្រជាជនដែលបានចាក់ដូសទី ២ រយៈពេល ៦ ខែមុន និងរយៈពេល ៣ ខែសម្រាប់អ្នកដែលត្រូវបានចាត់ទុកថាមានហានិភ័យខ្ពស់ ។

ទន្ទឹមនោះ ប្រទេសនេះក៏បានចាប់ផ្តើមផ្តល់ការចាក់វ៉ាក់សាំងដូសទី ៣ ដល់ប្រជាជនដែលបានចាក់វ៉ាក់សាំងចិន Sinopharm ចំនួន ២ ដូសផងដែរ ។

បន្ថែមពីនេះ មន្រ្តីក៏បាននិយាយដែរថា យុទ្ធនាការចាក់ដូសទី ៣ នេះ នឹងត្រូវបានពង្រីកដល់បុគ្គលដែលបានចាក់វ៉ាក់សាំង Pfizer និង AstraZeneca ផងដែរ ។

រដ្ឋាភិបាលអារ៉ាប់រួមនិយាយថា ប្រជាជនជិត ៨០ ភាគរយនៅក្នុងប្រទេស បានទទួលការចាក់វ៉ាក់សាំងយ៉ាងហោចណាស់ ១ ដូស ប៉ុន្តែចំនួនអ្នកឆ្លងថ្មីប្រចាំថ្ងៃនៅតែខ្ពស់ប្រហែល ១,៥០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប្រទេសអ្នកមានមួយនេះក៏យកវ៉ាក់សាំងចិនចាក់ដល់កុមារដែរ ក្រោយល្បីមានប្រសិទ្ធភាពខ្លាំងក្លា