ព័ត៌មានជាតិ

ឆ្លងចរន្តអគ្គិសនី ដាច់ធ្លាក់ខ្សែភ្លើងឆក់កម្មករលើកឥវ៉ាន់ម្នាក់ស្លាប់

បានផុស

៣ years មុន

នៅ

ថ្ងៃអង្គារ ១០ សីហា ២០២១

ដោយ

ហេតុការណ៍ភ្ញាក់ផ្អើលមួយបន្ទាប់ពីឆ្លងចរន្តអគ្គិសនីផ្ទុះចេញជាអណ្តាតភ្លើងស្រាប់តែមានបុរសជាអ្នកលើកឥវ៉ាន់ម្នាក់ យកបំពង់ពន្លត់អគ្គិភ័យទៅជួយបាញ់ពន្លត់មិនប្រយ័ត្នក៏ឆក់ស្លាប់ភ្លាមៗយ៉ាងអាណោចអាធ័មកាលពីវេលាម៉ោង៨និង៥០នាទីព្រឹក ថ្ងៃទី១០ ខែសីហា ឆ្នាំ២០២១ ស្ថិតតាមបណ្ដោយផ្លូវ៣៧១ ក្នុងភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សពជនរងគ្រោះមានឈ្មោះ ឡន រីន ភេទប្រុស អាយុ២៣ មុខរបរជាកម្មករ រស់នៅភូមិចន្លាត់ដៃ ឃុំទងត្រឡោច ស្រុកស្រីសន្ធរ ខេត្តកំពង់ចាម បច្ចុប្បន្នរស់នៅសង្កាត់បឹងទំពុនទី២ ខណ្ឌមានជ័យ រាជធានីភ្នំពេញ។

តាមប្រភពព័ត៌មានពីកម្មករលើកឥវ៉ាន់ដូចគ្នាបានប្រាប់ឱ្យដឹងថា មុនពេលកើតហេតុមានករណីឆ្លងចរន្ដអគ្គិសនីលើបង្គោលភ្លើងមួយដើមបានឆាបឆេះ និងផ្ទុះដាច់ខ្សែភ្លើងមេ (ខ្រែស្រាត) ធ្លាក់មកក្រោម ពេលនោះជនរងគ្រោះយកបំពង់ពន្លត់អគ្គិភ័យយកមកជួយបាញ់ពន្លត់ តែដោយសារឆាបឆេះផ្ទុះខ្លាំង ហើយជនរងគ្រោះនៅជិតខ្សែភ្លើងស្រាតពេក និងមិនបានប្រយ័ត្នក៏ត្រូវឆក់ស្លាប់ភ្លាមៗនៅកន្លែងកើតហេតុតែម្ដង។

ក្រោយពេលកើតហេតុក៏ឃើញមានខាងEDCមកដល់ទីតាំងកើតហេតុខាងលើបានមកបិទកាប៊ីនភ្លើង និងទាក់ទងទៅសមត្ថកិច្ចមូលដ្ឋានខណ្ឌដង្កោចុះមកសហការជាមួយកម្លាំងសមត្ថកិច្ចជំនាញត្រួតពិនិត្យសពនិងធ្វើកំណត់ហេតុរួចប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ ៖ សុខា