អ្នកជាសះស្បើយហើយ បើបានចាក់វ៉ាក់សាំងគ្រប់ដូសទៀត រឹតតែការពារមិនលាប់កូវីដ ជាពិសេស Johnson & Johnson

យោងតាមទិន្នន័យដែលបានចេញផ្សាយដោយមជ្ឈមណ្ឌលត្រួតពិនិត្យ និងបង្ការជំងឺអាមេរិក (CDC ) បានបញ្ជាក់ថា អ្នកដែលបានឆ្លងកូវីដមុនពេលចាក់វ៉ាក់សាំង និងអ្នកមិនព្រមចាក់ គឺអាចនឹងឈឺទ្វេដង បើប្រៀបធៀបទៅនឹងអ្នកដែលទទួលការចាក់គ្រប់ដូស។

ក្នុងចំណោមមនុស្សពេញវ័យ ២៤៦ នាក់ដែលមានអាយុចាប់ពី ១៨ ឆ្នាំឡើងទៅនៅរដ្ឋ Kentucky បានឆ្លងកូវីដ​ នៅចន្លោះខែ តុលា និងខែ ធ្នូ ឆ្នាំមុន​ ដោយ​បាន​ធ្វើ​រោគវិនិច្ឆ័យ​ថា​មាន​ជំងឺ​នេះ​ជា​លើក​ទីពីរ​ នៅ​ខែ​ឧសភាឬមិថុនា ចំណែក២០ភាគរយ បាន​ចាក់​វ៉ាក់សាំង​ការពារ​មុន​ពេល​តេស្តលើកទី២។

ក្រុមអ្នកស្រាវជ្រាវ CDC បាន​និយាយ​ថា ​ក្នុងចំណោមមនុស្សពេញវ័យ ៤៩២ នាក់​បានឆ្លងតែម្តង​ ក្នុង​កំឡុងពេលដំបូង​និង​មានតែជាង ៣៤ភាគរយប៉ុណ្ណោះ​ ដែល​បាន​ទទួល​ថ្នាំ​បង្ការ​គ្រប់​ដូស។

នាយក CDC លោកស្រីវេជ្ជបណ្ឌិត Rochelle Walensky បាន​និយាយ​នៅ​ក្នុង​សេចក្ដី​ថ្លែង​ការណ៍​មួយ​ ដែលបានចេញផ្សាយជាមួយនឹងលទ្ធផល​ថា“ ប្រសិន​បើអ្នកធ្លាប់​មាន​ជំងឺ​កូវីដ​ពីមុន​មក សូមនៅ​តែ​ចាក់​វ៉ាក់សាំង​ការពារ​ ព្រោះ​ការ​សិក្សា​នេះ​បង្ហាញ​ថា អ្នក​ងាយ​នឹងឆ្លងពីរដង បើ​អ្នក​មិនចាក់​វ៉ាក់សាំង។ ការ​ទទួលថ្នាំ​បង្ការ​គឺជាវិធី​ល្អ​បំផុត​ ដើម្បី​ការពារ​ខ្លួន​និង​អ្នកដទៃ​ដែល​នៅជុំវិញ ​ជា​ពិសេស​គឺ​វីរុស​បំប្លែងខ្លួន Delta កាន់​តែ​រីក​រាល​ដាលពាស​ពេញប្រទេស”។

អ្នកដែល​បានទទួលថ្នាំបង្ការពេញលេញក្នុងចំណោម​ប្រជាជន​ពេញវ័យ ៧៣៨ នាក់​នៃ​រដ្ឋ Kentucky បាន​ទទួល​វ៉ាក់សាំង​ពីរ​ដង​ពី Moderna មានប្រសិទ្ធភាពការពារការលាប់ម្ដងទៀត​ និងការធ្លាក់ខ្លួនឈឺធ្ងន់ ពីវីរុសបំប្លែងខ្លួន Delta ៩៦ភាគរយ , Pfizer-Bio NTech ៩១ភាគរយ និង ៨៥ភាគរយ គឺ​​វ៉ាក់សាំង​មួយ​ដូស Johnson & Johnson ។

ទីភ្នាក់ងារ​ក៏​បាន​បន្ថែម​ថា​ វ៉ាក់សាំង​ទាំង​បី​នេះ​ត្រូវ​បាន​គេ​រក​ឃើញ​ថា​មាន​ប្រសិទ្ធភាព​ប្រឆាំង​នឹង Delta ដែល​ល្បី​ឆ្លង​លឿន ​និង​អាច​បង្ក​ឲ្យ​មាន​ជំងឺ​ធ្ងន់ធ្ងរ​ថែម​ទៀត៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖វីរុស​កូវីដ​បំប្លែង​ថ្មី Iota មានសមត្ថភាព​គេច​ផុត​ពី​ភាព​ស៊ាំ និង​បង្កើន​ហានិភ័យ​ការ​ស្លាប់ខ្ពស់​ ក្នុង​ចំណោម​មនុស្ស​ចាស់

ចុចអាន៖លម្អិតពីការគ្រប់គ្រង ឬប្រើប្រាស់ឱសថព្យាបាលអ្នកជំងឺកូវីដស្រាលតាមផ្ទះ និងកម្រិតមធ្យម