នេះជាមូលហេតុដែល Messi ពាក់អាវលេខ ៣០ នៅ PSG

កីឡាករ Lionel Messi បានជ្រើសរើសពាក់អាវលេខ ៣០ នៅក្លិបអ្នកមានបារាំង PSG បន្ទាប់ពីការផ្ទេររបស់រូបគេ បានឈានដល់កិច្ចព្រមព្រៀង។

ក្លិបអ្នកមានបុណ្យ Barcelona បានប្រកាសកាលពីសប្តាហ៍មុនថា កីឡាករសញ្ជាតិអាហ្សង់ទីនរូបនេះ បានចាកចេញពីទឹកដី Nou Camp ដោយសារតែមានបញ្ហាជាមួយច្បាប់របស់ក្របខណ្ឌអេស្ប៉ាញ La Liga។

Messi បានចុះកុងត្រារយៈពេល ២ ឆ្នាំនៅកីឡដ្ឋាន Parc des Princes។

Messi បានពាក់អាវលេខ ១០ អស់រយៈពេលជាងមួយទសវត្សរ៍នៅ Barcelona ហើយលេខនេះត្រូវបានគេដឹងថា នឹងត្រូវកីឡាករ Neymar ប្រគល់ឲ្យ ប្រសិនបើ Messi ផ្ទេរទៅលេងនៅបារាំង។

ប៉ុន្តែខ្សែប្រយុទ្ធវ័យ ៣៤ ឆ្នាំរូបនេះមិនចង់យកលេខ១០ ពីកីឡាករប្រេស៊ីលទេ ហើយសម្រេចជ្រើសរើសយកលេខ ៣០ វិញ ដែលជាលេខអាវ Messi ពាក់លើកដំបូងនៅក្នុងក្រុមឈុតធំរបស់ Barcelona ។

គួរបញ្ជាក់ថា នៅប្រទេសបារាំង ៣០ ជាលេខអាវធម្មតាទុកសម្រាប់អ្នកចាំទីជម្រើសទី ៣៕

ប្រែសម្រួល៖ Vann Vann

ប្រភព៖ Mirror

ចុចអាន៖ កក្រើក យប់ មិញ Barcelona ប្រកាស Messi នឹង ចាក ចេញ ពីក្លឹប