ព័ត៌មានអន្ដរជាតិ

វីរុសបំប្លែងខ្លួន Iota ដែលល្បីមានសមត្ថភាពគេចផុតពីភាពស៊ាំ រកឃើញឆ្លងលឿងជាងប្រភេទផ្សេងទៀតពី ១៥ ទៅ ២៥ ភាគរយ

បានផុស

៣ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

យោងតាមការបោះពុម្ពផ្សាយនៅលើគេហទំព័រ medRxiv បានឲ្យដឹងថា វីរុសបំប្លែងខ្លួន Iota ដែលគេស្គាល់ថាជា B.1.526 ត្រូវបានរកឃើញដំបូងនៅទីក្រុងញូវយ៉ក ក្នុងខែវិច្ឆិកា ឆ្នាំ ២០២០ មានអត្រាចម្លងលឿនជាង ១៥ ទៅ ២៥ ភាគរយ បើប្រៀបធៀបទៅនឹងវីរុសបំប្លែងខ្លួនដទៃទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសិក្សាស្រាវជ្រាវដែលត្រូវបានធ្វើឡើង ដោយនាយកដ្ឋានសុខាភិបាលទីក្រុងញូវយ៉ក និងសាលាសុខភាពសាធារណៈ Mailman របស់សាកលវិទ្យាល័យ Columbia ក៏បានឲ្យដឹងដែរថា វីរុសបំប្លែងខ្លួន Iota នេះ អាចគេចផុតពីប្រព័ន្ធភាពស៊ាំ និងបង្កើនហានិភ័យការស្លាប់ខ្ពស់ពីការឆ្លងចំនួន ៦២ ភាគរយ ទៅ ៨២ ភាគរយ ក្នុងចំណោមមនុស្សចាស់ ។

ទន្ទឹមនោះ ការសិក្សានេះបង្ហាញថា វីរុសបំប្លែងខ្លួន Iota បង្កើនអត្រាស្លាប់ពី ៤៦ ភាគរយ ៦២ ភាគរយ និង ៨២ ភាគរយ ចំពោះមនុស្សចាស់ដែលមានអាយុពី ៤៥ ទៅ ៦៤ ឆ្នាំ, ៦៥ ទៅ ៧៤ ឆ្នាំ និងលើសពី ៧៥ ឆ្នាំ ។

អ្នកស្រាវជ្រាវបានសង្កត់ធ្ងន់ថា វីរុសបំប្លែងខ្លួនដូចជាប្រភេទ Iota អាចរាលដាលក្នុងចំណោមប្រជាជនជាច្រើនសប្តាហ៍ មុនពេលរកឃើញសញ្ញារបស់វា ។ លើសពីនេះទៀត វីរុសបំប្លែងខ្លួន Iota មានសមត្ថភាពគេចផុតពីការឆ្លើយតបនៃប្រព័ន្ធភាពស៊ាំ ក៏ដូចជាមានភាពធន់នឹងអង់ទីគ័រដែលបង្កឡើងដោយវ៉ាក់សាំង ។

គួរបញ្ជាក់ថា វីរុសបំប្លែងខ្លួន Iota ត្រូវបានគេរកឃើញនៅក្នុងរដ្ឋទាំង ៥២ នៅសហរដ្ឋអាមេរិក ក៏ដូចជានៅក្នុងប្រទេសចំនួន ២៧ នៅទូទាំងពិភពលោក និងត្រូវបានអង្គការសុខភាពពិភពលោក (WHO) ចាត់ថ្នាក់ជា “វីរុសបំប្លែងខ្លួនគួរឲ្យចាប់អារម្មណ៍” រួមជាមួយនឹងវីរុសបំប្លែងចំនួន ៣ ទៀតដូចជា Lambda និង Kappa ៕