ព័ត៌មានជាតិ

លួចមិនរើសមុខសូម្បីកៅអីជ័រ ពេលប៉ូលិសចាប់បានសល់តែធុងហ្គាសចំនួន៤ធុង

បានផុស

៤ years មុន

នៅ

ថ្ងៃព្រហស្បតិ៍ ១២ សីហា ២០២១

ដោយ

បាត់ដំបង ៖ មុខសញ្ញាចោរកម្មម្នាក់ ត្រូវបានកម្លាំងអធិការដ្ឋាននគរបាលក្រុងបាត់ដំបង ចាប់ខ្លួនបានភ្លាមៗ ក្រោយធ្វើសកម្មភាពលួចសម្ភារៈក្នុងផ្ទះ។

ហេតុការណ៍នេះ កើតឡើង កាលពីថ្ងៃទី១១ ខែសីហា ឆ្នាំ២០២១ វេលាម៉ោង ២ និង ២០នាទី រសៀល ត្រង់ចំណុចក្រុមទី០៨ ភូមិសូភី២ សង្កាត់រតនៈ ក្រុងបាត់ដំបង នេះដោយយោងតាមពាក្យបណ្តឹងឈ្មោះ ប៉ាង កាឌីនី ភេទស្រី អាយុ ៣៧ឆ្នាំ មានទីលំនៅភូមិ ឃុំខាងលើ។

សម្ភារៈដែលបាត់បង់រួមមាន ម៉ូទ័របាញ់ខ្យល់ ចំនួន ០១ ម៉ូទ័រកាត់ដែក ចំនួន ០១ កៅអីជ័រចំនួន២០

អាគុយចំនួន ១០ ធុងហ្គាសធំចំនួន ០៦ ដែកជ្រុងប្រវែង ៦ ម៉ែត ចំនួន ២៤ដើម។

ក្រោយពីកម្លាំងសមត្ថកិច្ចឃាត់ខ្លួនជនសង្ស័យម្នាក់ ឈ្មោះ ម៉ាន ហាម៉ាត់ ភេទប្រុស អាយុ ៣២ឆ្នាំ មានទីលំនៅភូមិនរា ឃុំនរា ស្រុកសង្កែ ខេត្តបាត់ដំបង និងបាននាំខ្លួនមកកាន់អធិការដ្ឋាននគរបាលក្រុងបាត់ដំបងដើម្បីធ្វើការសាកសួរពាក់ព័ន្ធករណីអំពើលួចរួចមក ជនសង្ស័យបានសារភាពថា ខ្លួនពិតជាបានលួចរបស់ជនរងគ្រោះពិតប្រាកដមែន ដោយសម្ភារៈដែលដកហូតបានរួមមាន ធុងហ្គាសចំនួន ០៤ តែប៉ុណ្ណោះ ហើយបច្ចុប្បន្នជនសង្ស័យ ផ្នែកជំនាញកំពុងរៀបចំសំណុំរឿងបញ្ជូនទៅតាមនីតិវិធីច្បាប់៕

ដោយ ៖ សោនិយមរ័ត្ន

Related Topics:ចោរកម្ម