ថៃ កំពុងខ្វាយខ្វល់ បន្ទាប់ពីចិន ហាមឃាត់មិនឲ្យនាំចូលផ្លែមៀន

អគ្គនាយក អគ្គនាយកដ្ឋានកសិកម្ម (DOA) លោក Pichet Wiriyapaha បាននិយាយថា DOA បានរៀបចំកិច្ចពិភាក្សាជាមួយក្រុមហ៊ុននាំចេញផ្លែមៀនថៃចំនួន ៣៧ កាលពីម្សិលមិញ បន្ទាប់ពីប្រទេសចិនបានហាមឃាត់មិនកំណត់ពេល ចំពោះការនាំចូលផ្លែមៀនថៃ ដោយសារ​ការ​ចម្លង​មេរោគ​ជាមួយ​សត្វ​ល្អិត​ចង្រៃ។

កិច្ចពិភាក្សានេះ ត្រូវបានធ្វើឡើងដើម្បីប្រមូលមតិពីក្រុមហ៊ុននាំចេញថៃ អំពីការហាមឃាត់នេះ និងដំណោះស្រាយននា ព្រមទាំងការកែលម្អ ក៏ដូចជាដើម្បីសុំឲ្យចិនពិចារណាបន្ថែមទៀតផងដែរ។

មុននេះ រដ្ឋបាលគយនៃសាធារណរដ្ឋប្រជាមានិតចិន (GACC) បានជូនដំណឹងដល់ប្រទេសថៃ អំពីការចម្លងរោគជាមួយសត្វល្អិតចង្រៃ នៅក្នុងផ្លែមៀនដែលនាំចេញ។ ខ្លួនបានហាមឃាត់ផលិតផលពីរោងចក្រវេចខ្ចប់ចំនួន ៦៦ ដែលស្មើនឹង ៦៨ភាគរយ នៃការនាំចេញសរុបទៅកាន់ប្រទេសចិន។

DOA កំពុងចរចាជាមួយអាជ្ញាធរចិនលើបញ្ហានេះ ដើម្បីកំណត់ការខូចខាត ជុំវិញការផ្អាកនេះ។

កាលពីថ្ងៃទី១១ខែសីហា DOA បានប្រាប់ទៅអាជ្ញាធរចិនថា ប្រទេសថៃធ្វើឲ្យប្រសើរឡើងនូវការគ្រប់គ្រងចម្ការមៀន បង្កើនវិធានការត្រួតពិនិត្យសត្វល្អិតនៅតាមរោងចក្រវេចខ្ចប់ដោយបន្ថែមបុគ្គលិក និងបង្កើនភាពញឹកញាប់នៃការត្រួតពិនិត្យពី ៣ទៅ ៥ទៅ១០ភាគរយ។

ទោះបីជាយ៉ាងណាក៏ដោយ ប្រទេសចិនមិនបានឆ្លើយតបទេ ហើយនៅតែបន្តផ្អាកទទួលយកផ្លែមៀនដែលមានការ​ចម្លង​មេរោគ​ជាមួយ​សត្វ​ល្អិត​ចង្រៃ។

ប្រទេសចិន ក៏បានស្នើផងដែរ ឲ្យថៃបង្កើតបញ្ជីដាច់ដោយឡែកពីគ្នា នៃក្រុមហ៊ុននាំចេញដែលមានបញ្ហាតិចតួច និងក្រុមហ៊ុននាំចេញដែលមានបញ្ហាច្រើន ដើម្បីសម្របសម្រួលការគ្រប់គ្រងហានិភ័យដោយប្រទេសចិន៕

ប្រែសម្រួល៖ Vann Vann

ប្រភព៖ Thai News

ចុចអាន៖ បង្ហើប​រឿងថៃ​បិទ​ច្រក​មិន​ឲ្យ​ខ្មែរ​នាំ​តាង៉ែន​ចូល ខ្លាចគ្មាន​កម្លាំង​ពលកម្ម​បេះ​តាង៉ែន​នៅ​ថៃ