ព័ត៌មានអន្ដរជាតិ

អ្នកស្រាវជ្រាវ៖ កុមារមានលទ្ធភាពចម្លងវីរុសបំប្លែងខ្លួន ទៅកាន់គ្រួសារ ច្រើនជាងក្មេងអាយុពី ១៤ ទៅ ១៧ ឆ្នាំ

បានផុស

៣ years មុន

នៅ

ថ្ងៃអង្គារ ១៧ សីហា ២០២១

ដោយ

ការសិក្សាមួយដែលត្រូវបានចេញផ្សាយដោយសារព័ត៌មាន JAMA Pediatrics បានរកឃើញថា កុមារម្នាក់ក្នុងចំណោម ៤ នាក់ មានកូវីដ បានរាលដាលជំងឺនេះទៅសមាជិកគ្រួសារ ដែលមានហានិភ័យខ្ពស់បំផុតនៃការចម្លងមេរោគក្នុងចំណោមទារក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបានបង្ហាញថា នៅក្នុងការវិភាគលើគ្រួសារជិត ៦,៣០០ គ្រួសារដែលមានករណីឆ្លងលើកុមារយ៉ាងតិច ១,៧០០ ឬ ២៧ភាគរយ បានឃើញសមាជិកផ្សេងទៀតធ្លាក់ខ្លួនឈឺដោយសារវីរុសនេះ។ ចំណែកទារកទើបនឹងកើតនិងកុមារដែលមានអាយុចាប់ពី ៣ ឆ្នាំ មានលទ្ធភាពចម្លងវីរុសនេះដល់គ្រួសាររបស់ពួកគេ ៤៣ភាគរយ ជាងក្មេងអាយុពី ១៤ ទៅ ១៧ ឆ្នាំ។

អ្នកស្រាវជ្រាវបាននិយាយថា“ យើងបានរកឃើញថា ក្មេងតូចៗទំនងជាងាយឆ្លងកូវីដ បើប្រៀបធៀបទៅនឹងកុមារធំៗ ហើយអត្រាឆ្លងខ្ពស់បំផុតត្រូវបានគេសង្កេតឃើញចំពោះកុមារដែលមានអាយុពី ០ ទៅ ៣ ឆ្នាំ” ។ពួកគេអាចនិយាយបានថា ក្មេងៗមានកម្រិតវីរុសស្រដៀងគ្នានៅក្នុងខ្លួន ឬផ្ទុកវីរុសដូចជាមនុស្សធំដែលនាំឲ្យមានការបញ្ជូនខ្ពស់។

ដោយឡែករយៈពេលប៉ុន្មានខែចុងក្រោយនេះ ជាមួយនឹងការលេចចេញនូវភាពប្រែប្រួលនៃវីរុសបំប្លែង Delta នៅសហរដ្ឋអាមេរិច និងកន្លែងផ្សេងទៀត ចំនួនកុមារកាន់តែកើនឡើងបានវិវត្តទៅជាជំងឺកូវីដធ្ងន់ធ្ងរ។ នៅទូទាំងប្រទេស កុមារជិត ២,០០០ នាក់ត្រូវបានបញ្ជូនទៅមន្ទីរពេទ្យដោយសារវីរុសបំប្លែងខ្លួន ដែលជាកំណត់ត្រាខ្ពស់បំផុត។ នេះបើយោងតាមទិន្នន័យ ពីនាយកដ្ឋានសុខភាពនិងសេវាកម្មមនុស្ស។

ដំណោះស្រាយជាក់ស្ដែងដើម្បីការពារគ្រួសារដែលមានទារកតូចឈឺ ឬទារកទើបនឹងកើត សូមប្រាកដថា សមាជិកគ្រួសារដែលមានសិទ្ធិទាំងអស់ ត្រូវបានចាក់វ៉ាក់សាំងប្រឆាំងកូវីដ។ ដោយសារវាជាបញ្ហាប្រឈម ហើយជារឿយៗមិនអាចញែកដាច់គ្នាពីសង្គមនៃកុមារឈឺ។ ដូចច្នេះ អ្នកថែទាំគួរតែអនុវត្តវិធានការត្រួតពិនិត្យការឆ្លងផ្សេងទៀត តាមលទ្ធភាពដែលអាចធ្វើទៅបាន ដូចជាការប្រើម៉ាស់ បង្កើនការលាងដៃ និងញែកចេញពីបងប្អូនពួកគេ ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖ប្រយ័ត្នឲ្យមែនទែន! កុមារកំពុងជាមុខសញ្ញាធំនៃវីរុសបំប្លែងខ្លួន Delta

ចុចអាន៖មិនថាដូសទីប៉ុន្មាន! មុនចាក់វ៉ាក់សាំងហាមធ្វើរឿងនេះដាច់ខាត ប្រយ័ត្នដួលសន្លប់ភ្លាមៗអំឡុងចាក់

ចុចអាន៖Delta កំពុងវាយលុកក្នុងសហគមន៍កាន់តែច្រើន ពុកម៉ែគួរប្រញាប់បញ្ជូនកូនទៅចាក់វ៉ាក់សាំងឲ្យទាន់សភាពការណ៍