ចរាចរណ៍

រថយន្តដឹកទំនិញផ្ទុះកង់ក្រោយក្រឡាប់ បណ្តាលឲ្យស្លាប់អ្នកបើកបរ អាយុត្រឹម១២ឆ្នាំ

បានផុស

៣ years មុន

នៅ

ថ្ងៃអង្គារ ១៧ សីហា ២០២១

ដោយ

រថយន្តសាំយ៉ុងដឹកទំនិញ (ចាប់ហួយ) មួយគ្រឿងបានបោះពួយក្នុងល្បឿនលឿនបណ្ដាលឲ្យផ្ទុះកង់ក្រោយក្រឡាប់ ស្លាប់អ្នកបើកបរដែលមានវ័យ១២ឆ្នាំបន្ទាប់ពីបញ្ជូនដល់មន្ទីរគុន្ធបុប្ផានិងរបួសមនុស្ស២នាក់។ ហេតុការណ៍នេះ បានកើតឡើងនៅវេលាម៉ោង១៧និង០០នាទី កាលពីថ្ងៃទី១៦ ខែសីហា ឆ្នាំ២០២១ នៅក្នុងភូមិតានី ឃុំរុនតាឯក ស្រុកបន្ទាយស្រី លើផ្លូវជាតិលេខ៦៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចស្រុកបន្ទាយស្រី បានឲ្យដឹងថា រថយន្តមួយគ្រឿងម៉ាកសាំងយ៉ុង ពណ៌សំបកឪឡឹក ពាក់ស្លាកលេខកំពង់ចាម 2A-4506 បើកបរដោយឈ្មោះ ឆៃ យ៉ា ភេទប្រុស អាយុ១២ឆ្នាំ រស់នៅភូមិដំដែក ឃុំដំដែក ស្រុកសូទ្រនិគម ខេត្តសៀមរាប និងអ្នករួមដំណើរ០២នាក់ ទី១. ឈ្មោះ ប្រុប ពៅ ភេទប្រុស អាយុ១៦ឆ្នាំ មានទីលំនៅភូមិគោកមន ឃុំដំដែក ស្រុកសូទ្រនិគម ខេត្តសៀមរាប ទី២. ឈ្មោះ កែក ឈួយ ភេទប្រុស អាយុ២១ឆ្នាំ មានទីលំនៅភូមិត្រពាំងស្វាយ ឃុំស្វាយលើ ស្រុកស្វាយលើ ខេត្តសៀមរាប។

បើកបរមានទិសដៅពីជើងទៅត្បូង (រថយន្តខាងលើដឹកអីវ៉ាន់ចាប់ហួយ)។សមត្ថកិច្ចបន្តថា ហេតុការណ៍នេះ បណ្តាលឲ្យស្លាប់អ្នកបើកបរម្នាក់ឈ្មោះ ឆៃ យ៉ា ក្រោយពេលបញ្ជូនទៅដល់មន្ទីរពេទ្យគន្ធបុប្ផា ចំណែកអ្នករងរបួសស្រាលចំនួន០២នាក់(អ្នករួមដំណើរ)និងខូចខាតរថយន្តចំនួន ០១ គ្រឿង (ធ្ងន់)។ សមត្ថកិច្ចបញ្ជាក់ថា មូលហេតុបើកបរក្នុងល្បឿនលឿនបណ្តាលឲ្យផ្ទុះកង់ក្រោយទាំងពីរ។ បច្ចុប្បន្នកម្លាំងនគរបាលជំនាញ បានអូសរថយន្តបង្កហេតុទៅកាន់អធិការដ្ឋាននគរបាលស្រុកបន្ទាយស្រី ដើម្បីចាត់ការទៅតាមផ្លូវច្បាប់៕