តុលាការសម្រេចផ្ដន្ទាទោសលោក រ៉ុង ឈុន ដាក់ពន្ធនាគារ​២ឆ្នាំ

ព្រឹកថ្ងៃទី១៨ ខែសីហា ឆ្នាំ២០២១ លោក លិ សុខា ចៅក្រមជំនុំជម្រះសាលាដំបូងរាជធានីភ្នំពេញ និងលោក សេង ហៀង ជាតំណាងអយ្យការ បានសម្រេចប្រកាសសាលក្រមផ្តន្ទាទោសជនជាប់ចោទចំនួន៣នាក់

១.ជនជាប់ចោទឈ្មោះ រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសហភាពសហជីពកម្ពុជា ដាក់ពន្ធនាគារកំណត់២ឆ្នាំ ពិន័យជាប្រាក់២លានរៀល បង់ចូលថវិការដ្ឋ ។ ២. ជនជាប់ចោទឈ្មោះ តុល និមល និង៣.ជនជាប់ចោទឈ្មោះ ស កណិការ ភេទស្រី ដាក់ពន្ធនាគារ កំណត់ម្នាក់ៗចំនួន២០ខែ និងពិន័យជាប្រាក់បង់ចូលថវិការដ្ឋម្នាក់ចំនួន២លានរៀល ជាប់ចោទពីបទ.ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា៤៩៤មាត្រា៤៩៥ នៃក្រមព្រហ្មទណ្ឌ ដែលប្រព្រឹត្តិនៅប្រទេសកម្ពុជា កាលពីថ្ងៃទី​២០​.២១ដល់ថ្ងៃទី៣១ ខែកក្កដា ឆ្នាំ២០២០ សាលក្រមនេះដែរបានសម្រេចឲ្យជនជាប់ចោទទាំង៣នាក់រួមគ្នាសងជំងឺចិត្ត ដល់គណកម្មការព្រំដែន ចំនួន៤០០លានរៀល ៕

អត្ថបទ ៖ មករា