ព័ត៌មានជាតិ

ស្ថានទូតកម្ពុជានៅថៃ នាំយកគ្រឿងឧបភោគបរិភោគចែកដល់បងប្អូនពលករខ្មែរ ដែលកំពុងជួបការលំបាកចំនួន៦០គ្រួសារ

បានផុស

៣ years មុន

នៅ

ថ្ងៃពុធ ១៨ សីហា ២០២១

ដោយ

ស្ថានទូតនៃព្រះរាជាណាចក្រកម្ពុជា ប្រចាំប្រទេសថៃ ដឹកនាំដោយលោក ធុច ដាលីន តំណាងឱ្យលោក អ៊ូក សោភ័ណ ឯកអគ្គរាជទូត នៅថ្ងៃទី១៨ ខែសីហា ឆ្នាំ២០២១នេះ បាននាំយកគ្រឿងឧបភោគបរិភោគ ដែលមានបន្លែ និងសាច់ ចុះចែកដល់បងប្អូនពលករខ្មែរ ដែលកំពុងជួបការលំបាកខ្លាំងដោយសារការរាតត្បាតជំងឺកូវីដ១៩ នៅ២កន្លែងផ្សេងគ្នា ចំនួន៦០គ្រួសារ ស្ថិតតំបន់ផ្លូវប្រះឆាស៊ុងខ្រោះ និងរាចាដា ខណ្ឌហ៊ួយខ្វាង ទីក្រុងបាងកក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមស្ថានទូតកម្ពុជាប្រចាំប្រទេសថៃបានឲ្យដឹងដែរថា ប្រទេសថៃបានសម្រេចបន្តការរឹតត្បិតតំបន់ត្រួតពិនិត្យខ្ពស់បំផុត និងតឹងរ៉ឹងបំផុតចំនួន២៩ ខេត្ត ចាប់ពីថ្ងៃទី១៨ ដល់ថ្ងៃទី៣១ ខែសីហា ឆ្នាំ២០២១។ ជាមួយគ្នានោះ ស្ថានទូតបានអំពាវនាវឲ្យបងប្អូនខ្មែរ ដែលកំពុងមានវត្តមាននៅប្រទេសថៃ មេត្តាចូលរួមអនុវត្តតាមវិធានការរបស់រាជរដ្ឋាភិបាលថៃ និងវិធានការ ៣ ការពារ ៣ កុំ ឲ្យបានខ្ជាប់ខ្ជួន។

សូមបញ្ជាក់ថា ស្ថានភាពជំងឺកូវីដ-១៩ នៅក្នុងប្រទេសថៃ គិតត្រឹមថ្ងៃទី១៦ ខែសីហា ឆ្នាំ២០២១ មានអ្នកឆ្លងសរុបចំនួន៩២៨៣១៤ករណី និងមានអ្នកស្លាប់សរុប៧៧៣៤នាក់ ហើយសម្រាប់ថ្ងៃទី១៦ ខែសីហា ឆ្នាំ២០២១ មានអ្នកឆ្លងថ្មីចំនួន២១១៥៧ និងមានអ្នកស្លាប់ចំនួន១៨២នាក់៕

ដោយ ៖ កោះកែវ