KPT+

ចាប់ផ្តើមថតរូបដើម្បីខ្លួនឯង មិនមែនដើម្បីតែផុសយក Like នោះទេ

បានផុស

៤ years មុន

នៅ

ថ្ងៃព្រហស្បតិ៍ ២៦ វិច្ឆិកា ២០២០

ដោយ

Sonya

មិនមានអ្វីចម្លែកនោះទេក្នុងការដាក់រូបថតស្អាតៗឲ្យគេបានឃើញនៅលើបណ្ដាញសង្គម រហូតពេលណាលែងមានរូបស្អាតដើម្បីបង្ហាញ យើងមិនបង្ហោះដាច់ខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សជំនាន់នេះ ច្រើនតែភ្លេចថតរូបខ្លួនឯងទុកជាអនុស្សាវរីយ៍ ដោយមួយចំនួនផ្ចង់ស្មារតីតែលើគំរូតាមរូបថតម៉ូដែលស្អាតៗ ហើយក៏មិនបានផ្តិតយកទិដ្ឋភាពរីករាយរបស់ខ្លួនឯង ជំនួសឲ្យថតរូបតាមអ្នកដទៃទៅវិញ។

ជួនកាលយើងបំភ្លេចសំណើចដែលផ្ទុះឡើងរាល់ពេលដែលមិត្តភក្តិថតរូបយើងចំហមាត់ តែបែរជាសុំឱ្យពួកគេលុបវាចោលភ្លាមៗដោយមិនបានគិត។ ធ្វើបែបនោះហាក់បីដូចយើងកំពុងលុបចោលអនុស្សាវរីយ៍ដ៏គួរឲ្យចងចាំ និងរីករាយដូច្នោះដែរ។

បច្ចុប្បន្នពួកយើងបានភ្លេចពីភាពរីករាយនៃការបិទរូបថតចូលទៅក្នុងសៀវភៅដែលរំឮកឡើងមកវិញពីជីវិតកាលពីកុមារភាព។ យើងបោះចោលអតតីកាលដ៏រីករាយនោះហើយ ព្រោះតែសម័យកាលឌីជីថលជឿនលឿន រហូតធ្វើឲ្យយើងមិនយកចិត្តតុកដាក់សកម្មភាពដែលគួរធ្វើ។

ដោយសារតែសម័យនេះអ្វីៗសុទ្ធតែទំនើប សំបូរដោយសម្ភារៈនិយម ដូចនេះពួកយើងភ្លេចចោលនូវការរក្សារូបថតសម្រាប់ចងក្រងជាកម្រងអនុស្សាវរីយ៍ដូចដែលធ្លាប់ធ្វើកាលពីនៅរៀនវិទ្យាល័យ។ មនុស្សគ្រប់គ្នាបានប្តូរពីសកម្មភាពទាំងនោះមកជាថតរូបស្អាតៗបង្អូតគ្នាលើប្រព័ន្ធអ៊ិនធរណិតដើម្បីបានការចាប់អារម្មណ៍។ ទោះយ៉ាងណាក៏វាមិនមែនជារឿងខុសទាស់ដែរ តែបើអាចថតរូបទុយកមើលរួមគ្នា រឹតតែប្រសើរ ជាជាងបង្ហោះយកតែចំនួន Like៕

ប្រែសម្រួល៖ សីសី

ចុចអាន៖ ចង់ថតរូបបានល្អ ដូចអ្នកមានអាជីព? កាំមេរ៉ាល្អមិនគ្រប់ទេ រៀន៦ចំណុចនេះសិន

ចុចអាន៖ ចាប់យកឱកាសឌីជីថល ក្លាយជាអ្នកថតរូបទទួលភាគហ៊ុនពីស្តក់ photostock

Related Topics:ការថតរូប