KPT+

សំណុំរឿងសុភាប្រុស “បន្ទប់ពិសោធន៍ L-34” កំពុងនាំអ្នកអានទៅបំបែកក្ដីបែបរន្ធត់ម្ដងទៀត

បានផុស

៤ years មុន

នៅ

ថ្ងៃព្រហស្បតិ៍ ១៩ សីហា ២០២១

ដោយ

មិត្តអ្នកអាននិយមតាមដានប្រលោមលោក បែបស៊ើបអង្កេតរឿងក្ដីក្ដាំនៃការស្លាប់ ឬបាត់ខ្លួនរបស់មនុស្ស ប្រាកដជាស្គាល់មិនខាន ពីទឹកដៃរបស់អ្នកនិពន្ធ ម៉ីសន សុធារី ដែលប្រើរហស្សនាម សុភាប្រុស សម្រាប់តាមដានរឿងក្ដីឃាតកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រប់រឿងក្ដីរបស់សុភាប្រុស តែងតែនាំអារម្មណ៍ប្រិយមិត្តអ្នកអានឲ្យអន្លង់អន្លោចតាមឈុតឆាករបស់តួនីមួយៗ និងតក់ស្លុតនូវការសម្លាប់មិនស្គាល់អត្តសញ្ញាណរបស់ឃាតកលាក់មុខជានិច្ចកាល។

សម្រាប់រសជាតិថ្មីស្រឡាងរបស់សុភាប្រុសមួយនេះ មានចំណងជើងថា “បន្ទប់ពិសោធន៍ L-34” ដែលនិយាយពីបន្ទប់ពិសោធន៍មួយមិនប្រក្រតី និងមិនមានមន្ត្រីវេជ្ជសាស្ត្រណាម្នាក់ អាចបកស្រាយបាននៅឡើយ។

ជាពិសេសសាច់រឿងបែបស៊ើបក្ដីនេះ បានបង្ហើបពីឈុតឆាកភ័យខ្លាចនៃបន្ទប់ពិសោធន៍នោះថា មិនថាក្មេងឬចាស់ដែលទៅម្ដុំនោះ តែងតែបាត់ខ្លួនជាបន្តបន្ទាប់មិនលើកលែងសូម្បីអ្នកសារព័ត៌មាន ក៏បានរកឃើញថា ស្លាប់មួយគ្រួសារដោយសារតែតាមរឿងក្ដីស្មុគស្មាញនេះ។

“បន្ទប់ពិសោធន៍ L-34” បាននាំអារម្មណ៍មិត្តអ្នកអានប្លែកមួយបែបទៀត ខុសពីភាគនិនានមុនៗដោយសារសាច់រឿងនេះ និយាយពីបន្ទប់ពិសោធន៍ចម្លែកមួយ ខុសពីបន្ទប់ផ្សេងដែលយើងធ្លាប់អានស្នាដៃរបស់អ្នកនិពន្ធ ម៉ីសន សុធារី កន្លងមក។

តៀមខ្លួនបំបែកក្ដីជាមួយសុភាប្រុស!

តើអ្នកឆ្លាតជាងប៉ូលិសព្រហ្មទណ្ឌដែរឬទេ ក្នុងការបំបែករឿងក្ដីនេះជាមួយសុភាប្រុស?

តាមដានទាំងអស់គ្នានៅលើ Meysansotheary.com ដែលជិតចេញនាពេលឆាប់ៗខាងមុខនេះ!

អត្ថបទ៖ សាង ស្រីល័ក្ខ

ចុចអាន៖ល្ខោនវិទ្យុ “កំណាត់ផ្លូវចុងក្រោយ” ដោយ ម៉ីសន សុធារី កំពុងគាស់កកាយនូវអតីតកាលដ៏ខ្មៅងងឹត ក្នុងប្រវត្តិសាស្ត្រខ្មែរ

ចុចអាន៖ប្រលោមលោករន្ធត់ព្រឺព្រួចថ្មីសន្លាងរបស់ ពេជ្របណ្ឌិត ត្រៀមចេញផ្សាយនៅខែក្រោយ