ព័ត៌មានជាតិ
ទឹកប្រាក់ជាង១លានដុល្លារ បានជួយកសិករពង្រីកមុខរបរចិញ្ចឹមត្រី
លោក គាត សុឃីម អ្នកគ្រប់គ្រងសេវាហិរញ្ញវត្ថុបានអះអាងថា ចាប់តាំងពីគ្រឹះស្ថានមីក្រូហិរញ្ញវត្ថុចម្រើន បានសហការជាមួយគម្រោងអភិវឌ្ឍន៍វារីវប្បកម្មសម្រាប់និរន្តរភាព ពាណិជ្ជកម្មនៅកម្ពុជា (ខាស់) មក បានផ្ដល់ទុនទៅឲ្យកសិករចំនួន៥៤គ្រួសារ ដែលមានប្រាក់កម្ចីសរុបចំនួន១.១៨៣.៧៥០ដុល្លារ ដើម្បីពង្រីកអាជីវកម្ម។
ការបញ្ជាក់របស់លោក គាត សុឃីម បានធ្វើឡើងនៅក្នុងសិក្ខាសាលាមួយ ដែលរៀបចំឡើងដោយអង្គការទស្សនៈពិភពលោក សហការជាមួយសមាគមវារីវប្បករកម្ពុជា និងកសិករចិញ្ចឹមត្រី ព្រមទាំងអ្នកកែច្នៃត្រី កាលពីព្រឹកថ្ងៃទី១៩ ខែសីហា ឆ្នាំ២០២១នេះ តាមប្រព័ន្ធពីចំងាយ (ប្រព័ន្ធតេលេក្រាម Telegram) ដែលសិក្ខាសាលានោះផ្តោតសំខាន់លើសុវត្ថិភាពចំណីអាហារ ព័ត៌មានទីផ្សារចែករំលែក ផ្សារភ្ជាប់ជាមួយសេវាកម្មហិរញ្ញវត្ថុ មានទិសដៅអោយអាជីរករយើងទាំងអស់ផ្តោតសំខាន់រឿងអនាម័យក្នុងការកែច្នៃ ព័ត៌មានទីផ្សារត្រឹមត្រូវ និងសេវាកម្មហិរញ្ញវត្ថុផ្លូវការ។
លោក គាត សុឃីម អះអាងថា គ្រឹះស្ថានមីក្រូហិរញ្ញវត្ថុចម្រើន បានធ្វើកិច្ចសហការរយៈពេលជិតមួយឆ្នាំហើយ ដោយចាប់ផ្ដើមពីខែមករា ឆ្នាំ២០២១ ហើយគោលបំណង ដើម្បីផ្ដល់ជាទុនបង្វិលទៅដល់កសិករ ដែលចិញ្ចឹមត្រី និងអ្នកទិញ លក់ត្រីជាដើម ហើយក្នុងនោះក៏មានអ្នកទិញចំណីត្រី ទិញពូជត្រីផងដែរ ដែលពួកគាត់អាចដាក់សំណើមកខាង គ្រឹះស្ថានមីក្រូហិរញ្ញវត្ថុចម្រើន ដើម្បីពង្រីកអាជីវកម្មរបស់ខ្លួន។
បើតាមលោក គាត សុឃីម ទីតាំងដែលបានធ្វើកន្លងមកមាន៦ ខេត្ត គឺខេត្តកណ្ដាល កំពង់ធំ កំពង់ចាម សៀមរាប ពោធិ៍សាត់ និងបាត់ដំបង។ លោកថា គម្រោងដែលខាងចម្រើនផ្ដល់មានរហូតដល់៤ម៉ឺនដុល្លារ ដែលមានរយៈពេលរហូត៤៨ខែ ឬ៤ ឆ្នាំ ហើយអត្រាការប្រាក់ទាបបំផុត០,៩៥ និងខ្ពស់បំផុត១.៥ ភាគរយ។
ដោយឡែកទាក់ទងបរិមាណត្រីសម្រាប់ផ្គត់ផ្គង់ទីផ្សារនៅកម្ពុជា លោក ជេត ភីរម្យ អ្នកដឹកនាំបច្ចេកទេសសមាគមវារីវប្បករម្មកម្ពុជាបានអះអាងថា សមាគមមានសមាជិកចំនួន៣០០គ្រួសារ តែមិនមានទិន្នន័យគ្រប់គ្រាន់ទេ មានតែខាងជលផលទេ ដែលដឹងច្បាស់។ នៅក្នុងកិច្ចប្រជុំគណៈកម្មការអភិវឌ្ឍន៍វារីវប្បកម្មកន្លងមក លោកក៏បានជជែកគ្នាដែរថា គួរតែឱ្យមានទិន្នន័យពិតប្រាកដមួយជៀសវាងកុំឲ្យមានភាពមិនច្បាស់លាស់។
ទាក់ទងបញ្ហានេះដែរ លោកស្រី កែវ យ៉ាដា អនុប្រធានក្រុមប្រឹក្សាភិបាលរបស់សមាគមវារីវប្បករកម្ពុជាបានថ្លែងថា សមាគមវារីវប្បករម្មកម្ពុជា បានចងក្រងនឹងធ្វើកិច្ចសហប្រតិបត្តិការរួមគ្នា ចាប់ដៃគូ ដើម្បីដំណើរការវារីវប្បកម្មនៅប្រទេសកម្ពុជាឲ្យមានការរីកចម្រើន ហើយដើម្បីឲ្យការងារនេះរីកចម្រើនទៅមុខ យើងត្រូវរួបរួមគ្នា ដើម្បីលើកកម្ពស់ការវិស័យទាំងមូល។
បើតាមលោកស្រី កែវ យ៉ាដា នៅក្នុងសមាគមនេះ មានការចងក្រង ទាំងវិស័យរដ្ឋ និងវិស័យឯកជន ក្នុងនោះក៏មានអង្គការសមាគមនានាផងដែរ គឺដើម្បីធ្វើកិច្ចសហប្រតិបត្តិការគ្នាចាប់ដៃគ្នា អនុវត្តធ្វើយ៉ាងណាឲ្យត្រឹមត្រូវតាមច្បាប់ ហើយការធ្វើកិច្ចសហប្រតិបត្តិការជាមួយដៃគូឯកជន ដូចជាមីក្រូហិរញ្ញវត្ថុជាដើមនេះ គឺដើម្បីលើកកំពស់មុខរបររបស់សមាជិក នៃសមាគម។ ក្នុងនោះ ក៏មានការចូលរួមពីបងប្អូនវារីវប្បករ ដែលមានអ្នកចិញ្ចឹមត្រី អ្នកផលិតកូនត្រី ពូជត្រី អ្នកលក់កូនត្រី និងអ្នកកែច្នៃផលិតផលត្រី ព្រមទាំងអ្នកលក់ដូរគ្រប់ប្រភេទ។
គួររំលឹកថា អង្គការទស្សនៈពិភពលោក នៅថ្ងៃទី១៩ ខែសីហា ឆ្នាំ២០២១នេះ សហការជាមួយសមាគមវារីវប្បករកម្ពុជា រៀបចំសិក្ខាសាលាតាមប្រព័ន្ធពីចំងាយ (ប្រព័ន្ធតេលេក្រាម Telegram) ជាមួយកសិករចិញ្ចឹមត្រី និងអ្នកកែច្នៃត្រី ដោយផ្តោតសំខាន់លើសុវត្ថិភាពចំណីអាហារ ព័ត៌មានទីផ្សារចែករំលែក ដោយសមាគមវារីវប្បករ ផ្សារភ្ជាប់ជាមួយសេវាកម្មហិរញ្ញវត្ថុ ដោយមានទិសដៅអោយអាជីរករយើងទាំងអស់ផ្តោតសំខាន់រឿងអនាម័យក្នុងការកែច្នៃ ព័ត៌មានទីផ្សារត្រឹមត្រូវ និងសេវាកម្មហិរញ្ញវត្ថុផ្លូវការ។
គម្រោងអភិវឌ្ឍន៍វារីវប្បកម្មសម្រាប់និរន្តរភាពពាណិជ្ជកម្មនៅកម្ពុជា នឹងផ្តល់ជាការយល់ដឹងជាក់លាក់អំពីសេវាកម្មរបស់គ្រឹះស្ថានមីក្រូហិរញ្ញវត្ថុ ចម្រើនចំពោះកសិករចិញ្ចឹមត្រី អ្នកកែច្នៃត្រី អ្នកភ្ញាស់កូនត្រី អ្នកផ្គត់ផ្គង់ចំណី ដោយធ្វើអោយពួកគាត់មានភាពងាយស្រួលក្នុងការទទួលបានសេវាហិរញ្ញវត្ថុផ្លូវការ និងប្រើវេទិការនេះការពិភាក្សារកដំណោះលើផលលំបាកកន្លងមក។
បើតាមអង្គការទស្សនៈពិភពលោក សេវាកម្មហិរញ្ញវត្ថុមានគោលដៅជួយសហគ្រាសខ្នាតតូច និងមធ្យមផ្លាស់ប្តូរស្ថានភាពសេដ្ឋកិច្ចរបស់ពួកគាត់ដោយផ្តល់អោយ ជាចំណេះ ជំនាញ លើសេវាហិរញ្ញវត្ថុឈានដល់ការបង្កើនទំហំប្រាក់ចំណូលរបស់ពួកគាត់។ ដើម្បីជាការឆ្លើយតបជាមួយស្ថានភាពកូវីដ១៩ អង្គការទស្សនៈពិភពលោក និងសមាគមវារីវប្បករកម្ពុជាចូលរួមគាំទ្រជីវភាពវារីវប្បករក្នុងការបន្សាំខ្លួនទៅនឹងស្ថានភាពដ៏លំបាកនេះ ដោយហិរញ្ញវត្ថុជាសេវាកម្មមួយដ៏សំខាន់៕
ដោយ ៖ កោះកែវ
អ្នកឧកញ៉ាឡេង ណាវ៉ាត្រា ប្រកាសថ្កោលទោស និងប្តេជ្ញាចូលរួមគ្រប់សកម្មភាពកំចាត់គម្រោងវាយប្រហារដោយដ្រូនចូលភូមិគ្រឹះសម្តេចតេជោ ហ៊ុន សែន
នាវាឆ្មាំសមុទ្រឥណ្ឌាចំនួន២ចូលចតនៅកំពង់ផែសមុទ្រកម្ពុជានៅថ្ងៃ១៤ កុម្ភៈ
ការផឹកទឹកមួយប្រភេទ អាចបំផ្លាញខួរក្បាល ថ្លើម តម្រងនោម និងជាមេបង្កកោសិកាមហារីក
ពាណិជ្ជកម្មទ្វេភាគីកម្ពុជា-អាមេរិក សម្រេចបានជិត ៩០០ លានដុល្លារ កើនជិត ៤០% ក្នុងខែមករា
សម្តេច ម៉ែន សំអន ស្វាគមន៍ និងចាត់ទុកបេសកកម្មរបស់ឯកអគ្គរដ្ឋទូតថ្មី នឹងបន្តកិច្ចសហប្រតិបត្តិការល្អប្រសើរបន្ថែមទៀត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ៣ ថ្ងៃ agoG-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ