ព័ត៌មានជាតិ

ព្រះសង្ឃ ឃាត់ព្រះសង្ឃដូចគ្នាដែលនិមន្តឆ្លងខេត្តមកបិណ្ឌបាត្រនៅភ្នំពេញក្នុងសម័យកូវីដ

បានផុស

៣ years មុន

នៅ

ថ្ងៃចន្ទ ២៣ សីហា ២០២១

ដោយ

ភ្នំពេញ ៖ ព្រះសង្ឃចំនួន៦អង្គរដែលគង់នៅខេត្តព្រៃវែងត្រូវបានព្រះសង្ឃនៅខណ្ឌច្បារអំពៅរាជធានីភ្នំពេញធ្វើការឃាត់ទុកក្នុងវត្តច្បារអំពៅរួចប្រគល់ទៅខេត្តព្រៃវែងវិញដោយសារតែព្រះសង្ឃទាំង៦អង្គលោកនិមន្តមកបិណ្ឌបាត្រក្នុងពេលដែលជំងឺកូវីដ១៩ កំពុងឆ្លងរាតត្បាតរាល់ថ្ងៃនេះ។

យោងតាមប្រភពពីលោក គ្រី ហ៊ុច មន្ត្រីប្រចាំការនៅសាលាខណ្ឌច្បារអំពៅបានប្រាប់កម្ពុជាថ្មីថា មូលហេតុដែលព្រះសង្ឃឃាត់ព្រះសង្ឃដូចគ្នានេះ គឺដោយសារតែព្រះសង្ឃចំនួន៦អង្គដែលគង់នៅវត្តនាខេត្តព្រៃវែងបានជិះរថយន្តចេញពីខេត្តព្រៃវែងមកបិណ្ឌបាត្រនៅក្នុងមូលដ្ឋានខណ្ឌច្បារអំពៅរាជធានីភ្នំពេញ ក្នុងពេលដែលប្រជាពលរដ្ឋកំពុងភ័យខ្លាចឆ្លងជំងឺកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ុច បានបញ្ជាក់ថា ពេលឃាត់ព្រះសង្ឃទាំង៦អង្គរួចមកក៏បញ្ជូនទៅខេត្តព្រៃវែងវិញនាថ្ងៃដដែល។

ព្រះសង្ឃទាំង៦អង្គមានព្រះនាម១.ព្រះសង្ឃនាម យ៉ាន ស៊ិន .២ ព្រះសង្ឃនាម សៀន កវី.៣ព្រះសង្ឃនាម មាន សុម៉េន.៤ព្រះសង្ឃនាម ធាន ឃា.៥ព្រះសង្ឃនាម សុខ ហេង.។ ព្រះសង្ឃទាំង៥ខាងលើគង់ចាំព្រះវស្សានៅវត្តព្រៃគុយ ឃុំគោខ្ចកស្រុកកំពង់ត្របែកខេត្តព្រៃវែង។និងសង្ឃ១អង្គទៀតព្រះនាម វឿន វ៉ុន គង់នៅវត្តសុភី ស្ថិតក្នុងឃុំត្រពាំងស្រែ ស្រុកមេសាង ខេត្តព្រៃវែង។

ចំពោះលិខិតប្រគល់ទទួលព្រះសង្ឃទាំង៦អង្គនេះ ធ្វើឡើងដោយព្រះប្រធានសណ្តាប់ធ្នាប់សង្ឃនិងជាសមាជិកលេខាធិការដ្ឋានគណសង្ឃនាយក ព្រះមេត្តានុរក្ខ័ ង៉ែត រ៉ាល់។ តំណាងសាលាខេត្តព្រៃវែង លោក ជា វ៉ាន់នី៕

ដោយ ៖ នរា