វប្បធម៌ ជំនឿ

កាដូឲ្យមនុស្សជាទីស្រលាញ់ កុំចេះតែទិញតាមចិត្ត ប្រយ័ត្នបែកបាក់គ្នា

បានផុស

៣ years មុន

នៅ

ថ្ងៃចន្ទ ១៤ កុម្ភៈ ២០២២

ដោយ

ការទិញកាដូឲ្យមនុស្សជាទីស្រលាញ់ក្នុងថ្ងៃពិសេសៗ មិនថា១៤ កុម្ភៈ ក៏មិនមែនចេះតែទិញតាមចិត្តចង់ឡើយ។ កាដូខ្លះទាក់ទងនឹងអបិយជំនឿ ថ្ងៃកើតរបស់អ្នកយើងចង់ទិញជូនគេ ហើយក៏ត្រូវចៀសវាងដាច់ខាត កុំប្រមាថឲ្យសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មនុស្សដែលកើតនៅថ្ងៃអាទិត្យ ហាមទិញរបស់មុតស្រួច ជាលក្ខណៈវត្ថុ ដែលអាចនាំឲ្យអ្នកទាំងពីរងាយអាក់អន់ចិត្ត ឬប៉ះទង្គិចគ្នានូវរឿងណាមួយ។

អ្នកដែលកើតនៅថ្ងៃច័ន្ទ ហាមទិញស្បែកជើង អាចបណ្តាលឲ្យបែកគ្នា ឬប៉ះទង្គិចយ៉ាងខ្លាំង។ នេះជាប្រផ្នូលមួយ ដែលគេនឹងចាកចោលយើង។

បុគ្គលកើតនៅថ្ងៃអង្គារ ហាមទិញកន្សែងឬរបស់ណាស្រដៀងដូចជាជួយជូតទឹកភ្នែក ព្រោះរបស់ទាំងនោះតំណាងឲ្យអារម្មណ៍ឈឺចាប់គ្រប់ពេល ឬជាការលាគ្នា។

អ្នកកើតនៅថ្ងៃពុធ ហាមទិញគ្រឿងអលង្ការភ្លឺចែងចាំង ព្រោះប្រសិនបើវត្ថុទាំងនោះបែកបាក់ អាចមានន័យថា ជាទំនាក់ទំនងអ្នកទាំងពីរអាចឈានទៅបែកគ្នា ឬមិនត្រូវរ៉ូវគ្នា។

អ្នកកើតនៅថ្ងៃព្រហស្បតិ៍ កុំទិញនាឡិកាឲ្យគ្នា អាចធ្វើឲ្យស្នេហារបស់អ្នកទាំងពីរមិនស្ថិតស្ថេរ ឬអ្នកអាចបញ្ឈប់ភាពផ្អែមល្ហែមក្នុងជីវិតមិនខាន។

មនុស្សកើតនៅថ្ងៃសុក្រ ហាមទិញសំលៀកបំពាក់លម្អពណ៌ខ្មៅ នឹងធ្វើឲ្យស្នេហាក្រៀមក្រំមិនភ្លឺថ្លា។

មនុស្សដែលកើតនៅថ្ងៃសៅរ៍ ហាមទិញហ្គេមជាអូឌីយ៉ូឲ្យគេ វាអាចបង្កឲ្យមានបញ្ហាស្នេហាមិនឈប់ បើមិនដូច្នោះទេ គូស្នេហ៍ប្រហែលជាលែងយកចិត្តទុកដាក់ចំពោះគ្នា ឬអាចសោះអង្គើយក៏មាន៕

គ្រូ ណុប

ចុចអាន៖ទិវានៃក្តីស្រឡាញ់ គួរជាឱកាសចែកចាយក្តីស្រឡាញ់ប្រកបដោយភាពថ្លៃថ្នូរ សម្រាប់មនុស្សជាទីស្រឡាញ់របស់ខ្លួន

ចុចអាន៖ប្រវត្តិទិវានៃក្ដីស្រឡាញ់ Valentine’s Day

Related Topics:អបិយជំនឿ