ព័ត៌មានអន្ដរជាតិ

ថៃ យកថ្នាំសម្លាប់ប៉ារ៉ាស៊ីតក្នុងខ្លួនសត្វ ទៅព្យាបាលអ្នកជំងឺកូវីដ-១៩

បានផុស

៣ years មុន

នៅ

ថ្ងៃសុក្រ ២៧ សីហា ២០២១

ដោយ

ក្រោយដាក់ឲ្យប្រើប្រាស់នូវថ្នាំ Favi Piravi ថៃក៏បានយកថ្នាំសម្លាប់ប៉ារ៉ាស៊ីតក្នុងខ្លួនសត្វ Ivemectin មកជួយព្យាបាលជំងឺកូវីដ-១៩ ហើយនិយាយថា វាមានសុវត្ថិភាពនិងប្រសិទ្ធភាព តែត្រូវស្របតាមវេជ្ជបញ្ជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិត Teerawat Hemajutha ប្រធានវិទ្យាសាស្ត្រសុខាភិបាលមជ្ឈមណ្ឌលជំងឺឆ្លងមហាវិទ្យាល័យវេជ្ជសាស្ត្រនៃមន្ទីរពេទ្យ ជូឡា ឡុងកន បានផ្ដល់ព័ត៌មានអំពីការប្រើប្រាស់ថ្នាំ ivermectin ដែលបានរកឃើញថា វាជួយបន្ថយរោគសញ្ញារបស់អ្នកជំងឺកូវីដ បានយ៉ាងល្អប្រសើរ ។

ivermectin ត្រូវបានប្រើប្រាស់ព្យាបាលអ្នកឈឺដោយកូវីដ និងដើម្បីកាត់បន្ថយអត្រាមរណភាពរបស់អ្នកឆ្លង ជាពិសេសជួយមនុស្សដែលមានរោគសញ្ញាឲ្យឆាប់ជាសះស្បើយ។ ថ្នាំនេះក៏ងាយស្រួលរកដែរ ប៉ុន្តែគ្រប់គ្នានៅតែត្រូវប្រយ័ត្ននិងទិញតាមការណែនាំរបស់វេជ្ជបណ្ឌិតប៉ុណ្ណោះ។

ដោយឡែកវេជ្ជបណ្ឌិត Chatchai Sribundit មកពីមន្ទីរពេទ្យ Siriraj បានលើកឡើងថា មានការសិក្សាជាច្រើនអំពី ivermectin ដែលបានរកឃើញថា វាមានឥទ្ធិពលវិជ្ជមានលើការការពារការឆ្លងមេរោគ កាត់បន្ថយការឆ្លងមេរោគសួតនិងកាត់បន្ថយអត្រាស្លាប់ ដែលនៅតែមានប្រយោជន៍សម្រាប់ការការពារនិងព្យាបាល ។

លើសពីនេះការស្រាវជ្រាវចំនួន ៣ បានបង្ហាញ ៨៦ភាគរយ នៃប្រសិទ្ធភាពការពារការឆ្លងមេរោគ និង ២៧ ទៀតបានរកឃើញថា ៧២ភាគរយ នៃការធូរស្រាលរោគសញ្ញាត្រូវបានព្យាបាលចំពោះអ្នកជំងឺដែលឆ្លង និងឯកសារ ២៥ ផ្សេងទៀតបានគេរកឃើញថា កាត់បន្ថយមរណភាព ៥៨ ភាគរយ ។

ថ្នាំ ivermectin ត្រូវបានប្រើប្រាស់ដោយមនុស្សជាងមួយម៉ឺននាក់ នៅក្នុងប្រទេសជាច្រើន រួមមាន អាមេរិក ជប៉ុន អាល្លឺម៉ង់ អាហ្វ្រិក ឥណ្ឌូនេស៊ី និងឥណ្ឌា ដោយប្រៀបធៀបប្រសិទ្ធភាពរបស់វា ជាមួយនឹងការព្យាបាលតាមស្តង់ដារ។

ទោះយ៉ាងណា ថៃ ក៏មិនបានហាមឃាត់ថ្នាំ Ivermectin ក្រោមការណែនាំអំពីការព្យាបាលរបស់ខ្លួនលើអ្នកជំងឺកូវីដទេ ប៉ុន្តែបានកត់សម្គាល់ថា ថ្នាំនេះគួរតែត្រូវប្រើ តាមការណែនាំរបស់វេជ្ជបណ្ឌិត ។

ទន្ទឹមនោះ អង្គការសុខភាពពិភពលោកបាននិយាយថា ខ្លួនមិនទាន់អនុម័តឲ្យប្រើថ្នាំ Ivermectin ជាថ្នាំសម្រាប់ព្យាបាលជំងឺកូវីដនោះទេ ដោយនិយាយថា ភស្តុតាងបច្ចុប្បន្នស្ដីពីការប្រើប្រាស់ថ្នាំ Ivermectin គឺមិនសមហេតុផលឡើយ៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ថៃ សិក្សាយកថ្នាំសម្លាប់ប៉ារ៉ាស៊ីតក្នុងខ្លួនសត្វ ទៅព្យាបាលអ្នកជំងឺ កូវីដ

ចុចអាន៖ក្រោយចាក់វ៉ាក់សាំងមួយដូស Johnson & Johnson បានគម្លាត ៦ ខែ ការការពារប្រឆាំងវីរុសនឹងកាន់តែរឹងមាំ