ព័ត៌មានអន្ដរជាតិ

WHO ថា មនុស្ស១៨លាននាក់នៅអាហ្វហ្គានីស្ថានត្រូវការសម្ភារៈនិងថ្នាំពេទ្យដែលជិតអស់

បានផុស

៣ years មុន

នៅ

ថ្ងៃសៅរ៍ ២៨ សីហា ២០២១

ដោយ

អង្គការសុខភាពពិភពលោកបាននិយាយនៅថ្ងៃសុក្រម្សិលមិញថា ការផ្គត់ផ្គង់វេជ្ជសាស្ត្រនៅប្រទេសអាហ្វហ្គានីស្ថាននឹងអស់នៅប៉ុន្មានថ្ងៃខាងមុខ និងសង្ឃឹមលើព្រលានយន្តហោះនៅភាគខាងជើងទីក្រុង Mazar-i-Sharif ដោយមានជំនួយពីអាជ្ញាធរប៉ាគីស្ថាន។

នាយកសុខាភិបាលតំបន់របស់ WHO បាននិយាយថា សម្ភារៈរបួស និងឧបករណ៍សង្គ្រោះបន្ទាន់សម្រាប់មន្ទីរពេទ្យ ក៏ដូចជាថ្នាំសម្រាប់ព្យាបាលកង្វះអាហារូបត្ថម្ភរាំរ៉ៃចំពោះកុមារស្ថិតក្នុងចំណោមសម្ភារៈអាទិភាពនៅប្រទេសអាហ្វហ្គានីស្ថានដែលមានប្រជាជន១៨លាននាក់ពឹងផ្អែកលើជំនួយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Rick Brennan បាននិយាយថា ៖«អ្វីដែលកាន់តែច្បាស់នោះគឺសេចក្តីត្រូវការមនុស្សធម៌គឺធំធេង និងកំពុងកើនឡើង»។

ការបំផ្ទុះគ្រាប់បែកអត្តឃាតរដ្ឋឥស្លាមនិយមហោចណាស់បានសម្លាប់មនុស្សជាង១០០នាក់ ក្នុងនោះទាហានអាមេរិក១៣នាក់ នៅខាងក្រៅទ្វារព្រលានយន្តហោះកាប៊ុលដែលមានការផ្ទុះជាបន្តបន្ទាប់ និងមនុស្សជាង២០០នាក់បានរបួស។

លោក Brennan បានឲ្យដឹងថា ៖«ឥឡូវនេះ ដោយសារកង្វល់សុវត្ថិភាព និងការពិចារណាប្រតិបត្តិការផ្សេងៗទៀត ព្រលានយន្តហោះកាប៊ុលនឹងមិនមែនជាជម្រើសសម្រាប់ចុះចតទេ»។

«បញ្ហាមួយដែលមាននៅអាហ្វហ្គានីស្ថានឥឡូវនេះ គ្មានអាកាចរណ៍ស៊ីវិលណាប្រតិបត្តិការឡើយ ប៉ុន្តែយើងកំពុងធ្វើការជាមួយប្រទេសប៉ាគីស្ថានជាពិសេសនៅបរិបថនៃព្រលានយន្តហោះ Mazar-i-Sharif។ ពីព្រោះពួកគេអាចធ្វើការទំនាក់ទំនងជាមួយមូលដ្ឋាន ដូច្នេះគ្រប់ជំហានដែលចាំបាច់ដើម្បីចុះចតយន្តហោះមួយគ្រឿង ចុះចតយន្តហោះដឹកទំនិញមួយគ្រឿង អាចត្រូវបានដាក់នៅកន្លែង»។

កម្លាំងយោធាអាមេរិកដែលការពារព្រលានយន្តហោះកាប៊ុលនឹងដកចេញនៅត្រឹមថ្ងៃទី៣១ ខែសីហាដោយទុកឲ្យនៅទំនេរ៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសអាហ្វហ្គានីស្ថាន