ទិន្នន័យថ្មី បង្ហាញប្រសិទ្ធភាពល្អឥតខ្ចោះ របស់វ៉ាក់សាំង Astra​ Zeneca

ការស្រាវជ្រាវមួយបានបង្ហាញថា វ៉ាក់សាំង Astra​ Zeneca ដែលត្រូវបានចាក់ជូនជនជាតិអង់គ្លេសប្រមាណ ២៥ លាននាក់ គឺបង្ហាញប្រសិទ្ធភាពល្អបំផុត ក្នុងការរារាំងមនុស្សមិនឲ្យចូលព្យាបាលជំងឺនៅក្នុងមន្ទីរពេទ្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានតែ ១,៥២ ភាគរយប៉ុណ្ណោះនៃអ្នកទទួលវ៉ាក់សាំងផលិតដោយសាកលវិទ្យាល័យ Oxford មួយនេះដែលត្រូវបានបញ្ជូនទៅមន្ទីរពេទ្យ ហើយមានតែម្នាក់គត់ក្នុងចំណោមមនុស្ស ៣,០០០ នាក់ដែលបានស្លាប់។

នេះបើប្រៀបធៀបទៅនឹង ១,៩៩ ភាគរយនៃអ្នកដែលបានចាក់វ៉ាក់សាំង Pfizer ខណៈមកទល់ពេលនេះ មានជនជាតិអង់គ្លេស ២១លាននាក់ហើយ ដែលបានចាក់ Pfizer។

អត្រាមរណភាពរបស់ Pfizer គឺ ០,១៥ ភាគរយ បើប្រៀបធៀបទៅនឹង ០,០៣ ភាគរយសម្រាប់អ្នកចាក់ Astra Zeneca។

អ្វីដែលគួរឲ្យចាប់អារម្មណ៍គឺថា អត្រាចូលព្យាបាលក្នុងមន្ទីរពេទ្យឬបន្ទប់សង្គ្រោះបន្ទាន់ សម្រាប់អ្នកចាក់វ៉ាក់សាំង Sputnik របស់រុស្ស៊ី គឺមានរហូតដល់ទៅ ២,២៤ភាគរយ។

វេជ្ជបណ្ឌិត Simon Clarke សាស្រ្តាចារ្យមីក្រូជីវវិទ្យាកោសិកា នៅសាកលវិទ្យាល័យ Reading បាននិយាយថា “ការសិក្សានេះបង្ហាញថា ប្រជាជននៅចក្រភពអង់គ្លេស អាចជឿជាក់ថា ពួកគេទទួលបានវ៉ាក់សាំងល្អបំផុត។ Astra Zeneca និង Pfizer ផ្តល់នូវការការពារដ៏ប្រសើរ”។

គួរបញ្ជាក់ថា ត្រឹមមួយថ្ងៃព្រហស្បតិ៍សប្តាហ៍មុន មនុស្សប្រមាណ ២០០,០០០ នាក់បានចាក់វ៉ាក់សាំង ដែលនេះមានន័យថា ប្រជាជនអង់គ្លេស ៧៨ភាគរយ បានទទួលវ៉ាក់សាំង២ដូស ខណៈ ១០ភាគរយ ទទួលបាន ១ដូស៕

ប្រែសម្រួល៖ Vann Vann

ប្រភព៖ The Sun

ចុចអាន៖ ក្រោយស្លាប់២នាក់ ពេលនេះ ជប៉ុន រកឃើញមេរោគបន្ថែមទៀត នៅក្នុងវ៉ាក់សាំង Moderna