KPT+

វិធី ៥ យ៉ាងដើម្បីបំបាត់កំហឹង ចៀសវាងនាំអន្តរាយដល់ខ្លួនឯងនិងអ្នកដទៃ

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

កំហឹងគឺជាបុព្វហេតុនៃអារម្មណ៍ដែលឆេះឈួល មិនចេះទប់ឬដោះស្រាយ។ ដូច្នេះត្រូវរៀនគ្រប់គ្រងអារម្មណ៍របស់អ្នកឲ្យបានល្អ ព្រោះរឿងតូចក្លាយជាធំ ដោយសារតែអារម្មណ៍ខឹងច្រើន ដែលមិនបានសុំទោស និងមិនអាចដោះស្រាយឲ្យទាន់ពេល។

ខាងក្រោមនេះគឺជា វិធី ៥ យ៉ាងដើម្បីបំបាត់កំហឹងដើម្បីកាត់បន្ថយបញ្ហាដែលកើតមាន៖

១ ដឹងខ្លួន

ត្រូវដឹងអំពីអ្វីដែលអ្នកកំពុងធ្វើ កុំឲ្យកំហឹងមកបំបាត់ស្មារតីរបស់យើង សូមឈប់ភ្លាម ហើយត្រូវតាំងសតិឲ្យនឹងនរ។ អ្នកទាំងនោះគ្រាន់តែចង់មកដុតយើង ឲ្យខ្លោចតាមចិត្តគេចង់បានប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២ រំលឹកខ្លួនឯងថាអ្នកខឹងតែចិត្តត្រូវស្ងប់

ដំបូងត្រូវដឹងថាកំហឹងនេះកើតឡើងយ៉ាងដូចម្ដេច។ រំលឹកខ្លួនអ្នកថា បើមានអារម្មណ៍ខឹងនៅពេលនេះសូមរក្សាភាពស្ងប់ស្ងាត់ ហើយបញ្ឈប់រាល់សកម្មភាពដែលនឹងត្រូវអនុវត្តភ្លាមៗ។

៣ ដកដង្ហើមវែងៗវែងៗ

នៅពេលដឹងថាខ្លួនឯងកំពុងខឹង សូមបញ្ឈប់រាល់សកម្មភាព ឈប់និយាយ ឈប់ស្តាប់ ឈប់វាយ ហើយផ្ដោតលើការដកដង្ហើមឲ្យជ្រៅនិងវែងៗ។

៤ រាប់ពី ១–១០

រាប់លេខនៅក្នុងចិត្តរបស់យើង ខណៈពេលដកដង្ហើមយឺត ៗ ។ ប្រសិនបើវាមិនប្រសើរទេ សូមបន្តរាប់ដល់ ២០ ឬរាប់ឲ្យដល់ ៥០ ក៏បាន។

៥ រកវិធីដើម្បីដកវាចេញ

យកខ្លួនអ្នកចេញពីស្ថានភាពខឹង ហើយរកវិធីបញ្ចេញខ្យល់តាមវិធីផ្សេងទៀត ដែលមិនពាក់ព័ន្ធដូចជាប្រាប់មនុស្សនៅជុំវិញអ្នក ស្ដាប់តន្ត្រីខ្លាំងៗ យកដៃដាល់ខ្នើយតែម្នាក់ឯងដើម្បីបញ្ចេញកំហឹង ឬហៅទូរស័ព្ទទៅកាន់មិត្តភ័ក្ដិជជែកលេងជាដើម៕

ប្រែសម្រួល៖ សាង ស្រីល័ក្ខ

ចុចអាន៖រៀនសួរ កុំខ្លាចគេថាល្ងង់ តែក៏កុំសួរឲ្យតែបានសួរ!

ចុចអាន៖គេងគ្រប់ហើយនៅតែអស់កម្លាំង មកពីធ្វើតែរឿងអស់នេះក្នុងជីវិតឲ្យក្លាយជាទម្លាប់

Related Topics:សិល្បៈគ្រប់គ្រងកំហឹង ការលើកទឹកចិត្ត