ជីវិតកម្សាន្ដ

សុខ រ៉ាស៊ី បង្ហើបតម្រុយវាំងននខ្មៅ រឿងក្ដីជាមួយលោក អ៊ិន សុភិន

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

ករណីរឿងក្តីក្តាំរវាងពិធីករ សុខ រ៉ាស៊ី និងលោក អ៊ិន សុភិន កាលពីថ្មីៗនេះត្រូវបានលោក សុខ រ៉ាស៊ី សម្រេចដាក់ពាក្យប្តឹងទៅដល់តុលាការហើយ ក្រោយការសម្របសម្រួលគ្នាលើកទី១នៅស្នងការដ្ឋាននគរបាលរាជធានីភ្នំពេញ ពុំទទួលបានលទ្ធផល។

យ៉ាងណាមិញ បន្ទាប់ពីរឿងរ៉ាវនេះហាក់មានការស្ងប់ស្ងាត់មួយរយ:នោះ លោក សុខ រ៉ាស៊ី ក៏បានបង្ហើបពីតម្រុយថា សម្រាប់វាំងននខ្មៅនឹងបង្ហាញឆាប់ៗនេះហើយ។ លោក សុខ រ៉ាស៊ី បានលើកឡើងថា វាំងននខ្មៅជិតបង្ហាញហើយអ្នកជំពាក់លុយខ្ញុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ រ៉ាស៊ី បានបញ្ជាក់បែបនេះថា អ្នកខ្លះគេឆ្ងល់ថាកូវីដគាត់អត់មានលុយសងទេដឹងបងទាគាត់ពេលនេះ? ខ្ញុំប្រាប់ទៅវិញថា បើអត់លុយមែន មិនមែនព្យាយាមគេចទេ តេក៏មិនលើក ហើយសុំឲ្យសងខ្ញុំមួយខែ៥០០ដុល្លារក៏បាន ទុកខ្ញុំបងធនាគារ។

លោក សុខ រ៉ាស៊ី បន្ថែមថា គេមិនខ្វល់ គេមានលុយ តែគេមិនព្រមសងយើង យើងឈឺចាប់ទេ? មួយខែ មួយខែបង់ធនាគារ បង់ផ្ទះ បង់ឃ្លាំង បើកលុយកម្មករ អ្នកណាជួយយើង? បានខ្ញុំឆ្អែតចិត្តគេមានលុយមានទ្រព្យមិនហ៊ានលក់សងយើង ចុះយើងពិបាកបានអ្នកណាជួយ?។

លោក សុខ រ៉ាស៊ី ធ្លាប់បញ្ជាក់ប្រាប់កម្ពុជាថ្មីដែរថា ករណីរឿងក្តីក្តាំរបស់លោកបានចូលដល់តុលាការហើយដោយលោកសង្ឃឹមថា យុត្តិធម៌នឹងមានចំពោះជនរងគ្រោះដូចរូបលោក ព្រោះរឿងនេះភាគីដែលជំពាក់លុយហាក់មានចេតនាផ្គើនណាស់។

លោក សុខ រ៉ាស៊ី បានបន្តថា នៅក្នុងពាក្យបណ្តឹងរបស់លោកដែលដាក់ទៅតុលាការនោះ គឺប្តឹងទាមទារលោក អ៊ិន សុភិន ចំនួន២ចំណុចគឺ១.ប្តឹងទារលុយដែលជំពាក់ថ្លៃជួលឆាកចំនួន១៥,៧០០ដុល្លារ និង២.ទាមទារសំណងជំងឺចិត្តចំនួន៣៥,០០០ដុល្លារ។

ជុំវិញរឿងរ៉ាវខាងលើនេះ លោក អ៊ិន សុភិន ដែលជាថៅកែផលិតកម្មមហាហង្ស កម្ពុជាថ្មី មិនទាន់អាចស្វែងរកការ បកស្រាយបាននៅឡើយទេ គិតរហូតមកទល់ពេលនេះ ខណ:មហាជនជាច្រើនកំពុងរង់ចាំមើលលទ្ធផល ពីតុលាការផងដែរ៕

អត្ថបទ៖ ចាន់រ៉ា